नगर जिल्ह्याच्या काही भागांत पावसाचे आगमन

नगर जिल्ह्याच्या काही भागांत पावसाचे आगमन
नगर जिल्ह्याच्या काही भागांत पावसाचे आगमन

नगर ः गेल्या अनेक दिवसांपासून गायब झालेला आणि गणपत्ती बाप्पाच्या आगमनानंतर सर्वांनाच प्रतीक्षा असलेल्या पावसाचे सोमवारी (ता. १७) सायंकाळी आगमन झाले. सोमवारी सायंकाळी नगर, नेवासा, राहुरी, पाथर्डी, कर्जत तालुक्‍यांत पाऊस झाला. या पावसामुळे खरिपातील काही पिकांना आधार मिळाला असून, रब्बीच्या पेरण्याला सुरवात होण्याचीही आशा वाढली आहे. काल ९७ पैकी ३४ मंडळांत पावसाने हजेरी लावली.

मध्यंतरी भीज पावसानंतर जिल्ह्यात कुठेही पाऊस झाला नाही. त्यामुळे शेतकऱ्यांसह सर्वसामान्यांमध्ये चिंतेचे वातावरण होते. पाऊस नसल्याने खरिपाची सुमारे तीन लाख हेक्‍टर क्षेत्रावरील पिके धोक्‍यात होती. गणपती बाप्पाच्या आगमनानंतर पावसाचे वातावरण तयार होत असे. आभाळ भरून येते; पण पाऊस मात्र पडत नव्हता. बाप्पाच्या आगमनानंतरही चार दिवस कोरडे गेल्याने चिंतेत वाढ झाली होती.

मंगळवारी (१८) दिवसभर आभाळ आलेले होते. दुपारी ऊनही चांगलेच चटकत होते. त्यामुळे नागरिकांना पावसाची प्रतीक्षा होतीच. सायंकाळी सहाच्या सुमारास नगर शहरासह, नेवासा, शेवगाव, पाथर्डी, कर्जत, राहुरी भागात पाऊस झाला. गेले दोन दिवसांपासून उकाडा चांगलाच वाढला होता. आजच्या पावसाने काहिसा दिलासा मिळाला. ग्रामीण भागातही काही ठिकाणी पाऊस झाल्याने शेतकऱ्यांच्या आशा उंचावल्या आहेत. पाऊस नसल्याने पेरण्या खोळंबल्या होत्या. या एका पावसाने पेरण्या होणार नसल्या तरी गणपतीच्या काळात पाऊस आल्यामुळे आगामी दहा दिवसात तो बरसेल, असा अंदाज बांधला जात आहे. अकोले, भंडारदरा, घाटघर, रतनवाडी भागात मात्र पाऊस सध्यातरी पूर्णतः थांबलेला आहे.

सोमवारी झालेला मंडळनिहाय पाऊस असा ः कर्जत ः ६, मिरजगाव ः १९, टाकळीभान ः ८, ब्राह्मणी ः २, ताहाराबाद ः ४, नेवासा खुर्द ः ११, नेवासा बुर्द्रुक ः ८, सलाबतपूर ः २०, कुकाणा ः २५, चांदा ः २२, घोडेगाव ः २४, वडाळा बहिरोबा ः २१, सोनई ः ३०, नगर (नालेगाव) ः ३६, जेऊर ः ८, रुईछत्तीशी ः ४, कापूरवाडी ः ७, केडगाव ः ३८, चास ः १५, भिंगार ः ११, नागापूर ः २, वाळकी ः २१, चिचोंडी पाटील ः ३, सावेडी ः २९, कोरडगाव ः ७, करंजी ः १८, मिरी ः १२, शेवगाव ः २०, बोधेगाव ः ६, चापडगाव ः १६, भातकुडगाव ः १९, एरंडगाव ः ३२, ढोरजळगाव ः १८.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com