agriculture news in marathi, Rainfall in the west part of Sangamner, and hailstorm hail | Agrowon

संगमनेरच्या पश्‍चिम भागाला पाऊस, गारपिटीचा तडाखा
टीम अॅग्रोवन
बुधवार, 21 नोव्हेंबर 2018

संगमनेर, जि. नगर ः तालुक्‍याच्या पश्‍चिम भागात जवळे कडलग आणि राजापूर परिसरात सोमवारी गारपिटीसह झालेल्या मुसळधार पावसाने द्राक्ष व डाळिंबाच्या बागांचे मोठ्या प्रमाणात नुकसान झाले. वादळी वाऱ्यामुळे मक्‍याचे पीक भुईसपाट झाले. काही ठिकाणी विजेचे खांब, कडुनिंब व बाभळीची झाडे कोसळली. शहरातही काही वेळ रिमझिम आणि केवळ दीड ते दोन किलोमीटर अंतरावरील गोल्डन सिटी परिसरात जोरदार पाऊस व गारपीट झाली.

संगमनेर, जि. नगर ः तालुक्‍याच्या पश्‍चिम भागात जवळे कडलग आणि राजापूर परिसरात सोमवारी गारपिटीसह झालेल्या मुसळधार पावसाने द्राक्ष व डाळिंबाच्या बागांचे मोठ्या प्रमाणात नुकसान झाले. वादळी वाऱ्यामुळे मक्‍याचे पीक भुईसपाट झाले. काही ठिकाणी विजेचे खांब, कडुनिंब व बाभळीची झाडे कोसळली. शहरातही काही वेळ रिमझिम आणि केवळ दीड ते दोन किलोमीटर अंतरावरील गोल्डन सिटी परिसरात जोरदार पाऊस व गारपीट झाली.

तालुक्‍याच्या पश्‍चिम भागातील द्राक्ष व डाळिंबाचे आगर समजल्या जाणाऱ्या मजवळ कडलग येथे सुमारे एक तास वादळी वाऱ्यासह मुसळधार पाऊस झाला. काही ठिकाणी गारपीट झाल्याने फुलोऱ्यावर आलेल्या द्राक्ष व डाळिंब बागांचे मोठे नुकसान झाले.

राजापूर येथे वादळी वाऱ्यामुळे विजेचे पाच खांब कोसळले. रस्त्याच्या कडेची मोठी झाडे कोसळून वाहतूक विस्कळित झाली. चाऱ्यासाठी घेतलेली मक्‍याची पिके भुईसपाट झाली. आर्थिक नुकसानीचा आकडा समजू शकला नाही. गारपिटीमुळे द्राक्ष व डाळिंबाची फूलगळ झाल्याने, घड व वेलींना गारांमुळे जखमा होऊन बुरशीजन्य रोगांचा प्रादुर्भाव होण्याची, तसेच कोवळ्या घडांची कूज होण्याची भीती व्यक्त होत आहे. दरम्यान, नुकसान झाले असले, तरी दुष्काळाच्या झळा जाणवणाऱ्या काही पिकांचे एक भरणेही झाले.

शेवगाव तालुक्‍यातील दहिगावने येथे सोमवारी दुपारनंतर अचानक पावसाने हजेरी लावली. शेतातील कापूस भिजला, तर साठवलेला कांदा झाकताना धावपळ झाली. सकाळपासूनच वातावरणात उष्मा होता. वारा एकदम शांत झाला होता. आभाळ भरून आले होते; पण पाऊस येईल याची कोणालाच खात्री नसल्याने सर्व जण निश्‍चित होते.

पाऊस उघडल्यानंतर शेतकऱ्यांनी द्राक्षांच्या वेली हलवून, वेल व घडांवरील पाणी झटकून टाकावे, तसेच डाळिंबाच्या बागेतही झाडांवरील पाणी काढण्याचा प्रयत्न करावा. असा सल्ला कृषी सल्लागार प्रमोद देशमुख यांनी दिला आहे.

इतर ताज्या घडामोडी
पूर्णा, पालम, गंगाखेड येथे दूध संकलन...पूर्णा, जि. परभणी ः परभणी जिल्ह्यातील पूर्णा,...
धुळे जिल्ह्यात भरड धान्याची २६४९...धुळे ः जिल्ह्यात २०१८-१९ च्या खरीप पणन हंगामात...
परभणीत खरीप पीक विमा परताव्याचा घोळ...परभणी  : पंतप्रधान पीकविमा योजनेअंतर्गत...
कोल्हापूर जिल्ह्यात २० टक्के ऊस तोडणी...कोल्हापूर  : जिल्ह्यात साखर कारखान्यांचा...
मराठवाड्यातील प्रकल्पांत २० टक्‍के...औरंगाबाद  : मराठवाड्यातील सर्वच...
कमी पाऊस : ‘जलयुक्त’ची कामे झालेल्या...नगर  ः जलयुक्त शिवार अभियानातून कामे करून...
हमीभाव, कर्जमुक्ती असेल तरच महाआघाडीत...बुलडाणा  : दीडपट हमीभाव आणि शेतकऱ्यांची...
पुणे विभागात ९२ टॅंकरव्दारे पाणीपुरवठापुणे   : विभागातील पाणीटंचाईची तीव्रता...
हजारो केळी रोपांचे रानडुकरांकडून नुकसानअकोला   ः सातपुड्यालगत असलेल्या अकोट...
पाण्याअभावी संत्रा तोडून फेकण्याची वेळअमरावती  ः पाण्याअभावी संत्र्याचा अपेक्षित...
बोदवडला मका खरेदीसाठी मुहूर्त मिळेनाबोदवड, जि. जळगाव : येथील कृषी उत्पन्न बाजार...
सिल्लोड तालुक्यात विहिरींसाठी दोन...सिल्लोड, जि. औरंगाबाद : वैयक्तिक लाभाच्या...
नांदेड, परभणी, हिंगोलीत सव्वा लाख...नांदेड ः नांदेड, परभणी, हिंगोली जिल्ह्यांत...
पुणे बाजारात भाजीपाल्यांचे दर स्थिरपुणे ः गुलटेकडी येथील कृषी उत्पन्न बाजार...
कांदा पिकावरील फुलकिडीचे नियंत्रणकांदा पीक हे प्रामुख्याने खरीप, रब्बी हंगामात...
पशुसल्लासध्या महाराष्ट्रात सर्वच ठिकाणी कमी-जास्त...
नांदेड जिल्हा कर्जवाटपात मराठवाड्यात...नांदेड : जिल्ह्यात मुद्रा योजनेअंतर्गत १ लाख ५५...
कृषिपंप वीजजोडणीच्या प्रतीक्षेत पाचशेवर...देऊर, जि. धुळे : धुळे ग्रामीण उपविभागांतर्गत...
खानदेशातील ऊस गाळपात आर्यन शुगरने घेतली...जळगाव : खानदेशात सर्वाधिक तीन साखर कारखाने...
काजू बोंडापासून इथेनॉल, सीएनजी...पुणे  ः भविष्यातील इंधनाची टंचाई आणि आयात...