सांगली जिल्ह्यात बेदाणा उत्पादनात वाढ, दर मात्र घसरले

सांगली ः बेदाणा निर्मितीसाठी प्रतिकूल वातावरण आल्याने राज्यात यंदा बेदाण्याचे १ लाख ९० हजार टन उत्पादन झाले असून, गेल्या वर्षीपेक्षा ३० हजार टनांनी उत्पादनात वाढ झाली आहे. उत्पादन वाढले, मात्र गेल्या तीन महिन्यांपासून बेदाण्याच्या दरात सातत्याने घसरण होत असल्याने शेतकरी अडचणीत आले आहेत.  यंदाच्या द्राक्ष हंगामात चांगले वातावरण होते. त्यामुळे शेतकरी बेदाणा निर्मितीसाठी पुढे आहे. राज्यात यंदाच्या बेदाणा हंगामात ३० हजार टनांनी बेदाण्याचे उत्पादन वाढले. वाढलेले उत्पादन दर कमी होण्यास कारणीभूत असल्याची चर्चा शेतकऱ्यांच्यामध्ये आहे. सुरवातीला बेदाण्याचे दर २५० रुपये प्रति किलो असे होते. त्यानंतर हळूहळू बेदाण्याची आवक वाढली. त्याचा परिणाम बेदाण्याच्या दरावर झाला. गेल्या महिन्यात बेदाण्याला सरासरी २०५ रुपये असा दर मिळाला. रमजान ईदच्या पार्श्वभूमीवर बेदाण्याच्या दरात वाढ होईल, अशी आशा होती. परंतु मागणी नसल्याने बेदाण्याच्या दरात वाढ झाली नाही. तर सातत्याने बेदाणा दर कमी होऊ लागले आहेत.  बेदाण्याला अपेक्षित दर नसल्याने शेतकऱ्यांनी शीतगृहात ठेवलेला बेदाणा विक्रीस काढण्यास तयार नाहीत. रमजान ईद या सणामध्ये दर वाढले नाहीत. आता येणारा गणपती, दसरा, दिवाळी या सणावर बेदाण्याचे दर अवलंबून आहेत. त्यामुळे बेदाणा उत्पादकांना दरासाठी या सणापर्यंत प्रतीक्षा करावी लागणार असल्याचे चित्र आहे.  दोन महिन्यांत ३० रुपयांपर्यंत दर कमी बेदाण्याचे दर एप्रिल- मेमध्ये सरासरी प्रति किलोस २०० ते २२५ रुपये असा दर होता. परंतु हळूहळू मागणी कमी होईल तशी दर कमी होऊ लागले. बेडण्याच्या दरात प्रत्येक वेळी तीन ते चार रुपये असा दर कमी झाला. वास्तविक पाहता कमी झालेला दर २५ ते ३० रुपये इतका झाला. त्यामुळे शेतकऱ्याचे आर्थिक गणित कोलमडू लागले आहे. बेदणा दृष्टिक्षेपात

प्रतिक्रिया बेदाण्याची मागणी कमी झाली आहे. त्यामुळे बेदाण्यास उठाव नाही. त्याचा परिणाम दरावर झाला असून मार्केट थंड आहे. त्यामुळे शेतकरी बेदाणा विक्रीस पुढे येत नाहीत.  - अरविंद ठक्कर, बेदाणा व्यापारी, सांगली.