बेदाण्याच्या दरात वाढ

संग्रहित छायाचित्र
संग्रहित छायाचित्र

सांगली : ः गतवर्षीच्या तुलनेत यंदा बेदाणानिर्मितीला पोषक वातावरण मिळाल्याने बहुतांश शेतकऱ्यांना गुणवत्तेचा बेदाणा तयार करणे शक्‍य झाले आहे. सध्या चांगल्या प्रतीच्या बेदाण्याच्या दरात वाढ झाली असून, प्रतिकिलोस १५० ते २२५ रुपये असा दर मिळत आहे. 

यंदा बेदाण्याच्या उत्पादनात सुमारे २० टक्‍क्‍यांहून अधिक घट झाली असली, तरी दरात वाढ होण्याची शक्‍यता असल्याची माहिती बेदाणा उत्पादक शेतकऱ्यांनी दिली. द्राक्षाच्या छाटण्या सप्टेंबरमध्ये झाल्यास हंगामाच्या प्रारंभी बेदाणा बाजारपेठेत येतो; परंतु यंदा अनुकूल हवामानात सातत्य नसल्याने द्राक्ष बागायतदारांनी छाटणीचा कार्यक्रम पंधरा ते वीस दिवसांनी पुढे ढकलला. 

गतवर्षीपेक्षा यंदाच्या हंगामात बेदाणानिर्मितीसाठी पोषक वातावरण असल्याने दर्जेदार बेदाणानिर्मिती झाली आहे. सांगली जिल्ह्यात बेदाणा हंगाम सुरू झाला आहे. बेदाणानिर्मितीस गती आली आहे.

गेल्यावर्षीचा बेदाणा शिल्लक नाही, त्यामुळे नव्या बेदाण्याची मागणी वाढली आहे. गेल्या हंगामाच्या सुरवातीला बेदाण्याला ८० ते १६० रुपये किलो इतका दर मिळत होता, त्यानंतर हळूहळू त्यात वाढ होत गेली. २०१४ मध्ये बेदाण्याच्या दरात अशीच वाढ झाली होती. त्यानंतर गेल्या तीन वर्षांपासून बेदाण्याच्या दरात वाढ झाली नव्हती. यामुळे बेदाणा उत्पादक शेतकरी हवालदिल झाला होता. मात्र, यंदाच्या हंगामात बेदाण्याला अपेक्षित दर मिळू लागला आहे. 

हंगामाच्या सुरवातीलाच १६० रुपये प्रतिकिलो असा दर मिळाला. त्यानंतर बेदाण्याच्या दरात हळूहळू वाढ होत गेली. यामुळे बेदाणा उत्पादक शेतकऱ्यांना चांगला दिलासा मिळाला आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com