राजारामबापू दूध संघाला डेअरी उत्कृष्टता पुरस्कार

गुजरात ः ‘एनडीडीबी’चा डेअरी उत्कृष्टता पुरस्कार केंद्रीय कृषिमंत्री राधामोहनसिंह यांच्या हस्ते स्वीकारताना राजारामबापू दूध संघाचे अध्यक्ष विनायकराव पाटील.
गुजरात ः ‘एनडीडीबी’चा डेअरी उत्कृष्टता पुरस्कार केंद्रीय कृषिमंत्री राधामोहनसिंह यांच्या हस्ते स्वीकारताना राजारामबापू दूध संघाचे अध्यक्ष विनायकराव पाटील.
इस्लामपूर, जि. सांगली ः राजारामबापू पाटील सहकारी दूध संघाला गुजरात येथील नॅशनल डेअरी डेव्हलपमेंट बोर्ड (एनडीडीबी) यांच्यातर्फे देशपातळीवरील डेअरी उत्कृष्टता पुरस्कार देऊन गौरविण्यात आले आहे. 
 
महाराष्ट्रात असा पुरस्कार मिळणारा ‘राजारामबापू'' एकमेव दूध संघ ठरला आहे. केंद्रीय कृषिमंत्री राधामोहन सिंह, गुजरातचे मुख्यमंत्री विजय रुपाणी, कृषी कल्याण राज्यमंत्री पुरुषोत्तम रुपाला, आरोग्य मंत्री शंकर चौधरी, उद्योगमंत्री रोहितभाई पटेल आणि एनडीडीबीचे अध्यक्ष दिलीप रथ यांच्या हस्ते दूध संघाचे अध्यक्ष विनायकराव पाटील व कार्यकारी संचालक सुरेश पाटील यांनी हा पुरस्कार स्वीकारला.
 
सन्मानचिन्ह, एक लाख रुपये रोख असे या पुरस्काराचे स्वरूप आहे. बोरगाव (ता. वाळवा) येथील अहिल्यादेवी महिला दूध संस्थेच्या उत्पादक कमल ज्ञानू गावडे यांनाही उत्कृष्ट महिला दूध उत्पादक पुरस्कार देऊन गौरविण्यात आले आहे. ११ हजार रुपये रोख व सन्मानचिन्ह असे या पुरस्काराचे स्वरूप आहे. 
 
या बाबत माहिती देताना विनायकराव पाटील म्हणाले, की देशपातळीवरील मध्यम डेअरी एक ते पाच लाख लिटर प्रतिदिन संकलन विभागात राजारामबापू दूध संघाची निवड झाली. संबंधित संस्थेने संघ पातळीवर होणाऱ्या सर्वच कामांची तपासणी करून निवड केली. दुधाची प्रत्येक टप्प्यावर गुणवत्ता तपासून ते ग्राहकांपर्यंत पोचण्याची प्रक्रिया पाहण्यात आली.
 
उत्पादकांना दिला जाणारा परतावा, सेवानिविष्टा हेदेखील तपासले गेले. लोकनेते राजारामबापू पाटील यांच्या ध्येयधोरणानुसार व आमदार जयंत पाटील यांच्या मार्गदर्शनाखाली संचालक मंडळाने वेळोवेळी घेतलेले निर्णय यामुळे हा पुरस्कार मिळाला आहे. यावेळी कार्यकारी संचालक सुरेश पटेल, उपाध्यक्ष जगन्नाथ पाटील, संचालक बाळासाहेब पाटील उपस्थित होते. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com