agriculture news in Marathi, rajendra nikam says, integrated pesticide management need in boll worm, Maharashtra | Agrowon

गुलाबी बोंड अळीचे सामूहिकरीत्या एकीकृत कीड व्यवस्थापन करा
टीम अॅग्रोवन
मंगळवार, 24 जुलै 2018

अकोला : जिल्ह्यात तेल्हारा तालुक्यातील दहीगाव, थार, कोठा येथे प्री-मॉन्सून लागवड केलेल्या शेतकऱ्यांच्या कापूस पिकावर फुलोरावस्थेतच गुलाबी बोंड अळीचा प्रादुर्भाव दिसून अाला असून, या कीडीचा प्रादुर्भाव इतर भागांत वाढण्याची शक्यता नाकारता येत नाही. कापूस पिकावरील गुलाबी बोंड अळीचे सामूहीकरीत्या एकीकृत कीडव्यवस्थापन करावे, असे आवाहन जिल्हा अधीक्षक कृषी अधिकारी राजेंद्र निकम यांनी केले अाहे.

अकोला : जिल्ह्यात तेल्हारा तालुक्यातील दहीगाव, थार, कोठा येथे प्री-मॉन्सून लागवड केलेल्या शेतकऱ्यांच्या कापूस पिकावर फुलोरावस्थेतच गुलाबी बोंड अळीचा प्रादुर्भाव दिसून अाला असून, या कीडीचा प्रादुर्भाव इतर भागांत वाढण्याची शक्यता नाकारता येत नाही. कापूस पिकावरील गुलाबी बोंड अळीचे सामूहीकरीत्या एकीकृत कीडव्यवस्थापन करावे, असे आवाहन जिल्हा अधीक्षक कृषी अधिकारी राजेंद्र निकम यांनी केले अाहे.

तेल्हारा तालुक्यात गुलाबी बोंड अळी अाढळून अाल्यानंतर कृषी अधिकारी व विद्यापीठाच्या तज्ज्ञांनी पाहणी केली.   यामध्ये दहिगाव, थार व कोटा या तीन गावांमध्ये एकत्रित ३.२० हेक्टर क्षेत्रावर फुले व पाते अवस्थेत असलेल्या पूर्व हंगामी कपाशी पिकावर गुलाबी बोंड अळीचा दोन ते तीन टक्के प्रादुर्भाव दिसून आला. प्रादुर्भाव हा आर्थिक नुकसान पातळीपेक्षा कमी आहे. या गावांमध्ये शेतकऱ्यांच्या सभा घेऊन कृषी विद्यापीठाच्या शास्त्रज्ञांमार्फत उपाययोजना सुचविण्यात आल्या आहेत. 

प्रादुर्भाव आढळलेल्या तीनही शेतकऱ्यांच्या शेतावर कामगंध सापळे बसवण्यात आले आहेत. त्याच्या कार्यपद्धतीविषयी, तसेच प्रादुर्भाव वाढल्यास रासायनिक कीटकनाशकांच्या फवारणी बाबत मार्गदर्शन करण्यात आले. वरील तीन गावांतील तीन शेतकऱ्यांच्या शेतातील वगळता जिल्ह्यात अन्यत्र सध्या प्रादुर्भाव आढळून आलेला नाही. 

शेतकऱ्यांनी कापूस पिकाची नियमित निरीक्षण करीत सामूहीकरीत्या उपाययोजना केल्यास प्रादुर्भाव रोखता येईल. यासाठी शेतकऱ्यांनी कापूस पिकाचे नियमित निरीक्षण ठेवावे, पिकामध्ये एकरी किमान दोन कामगंध सापळे व व्यवस्थापनासाठी एकरी आठ कामगंध सापळे लावावेत. या सापळ्यांमध्ये अडकलेले नर पतंग वेळोवेळी काढून कीटकनाशक मिश्रित पाण्यात टाकून नष्ट करावेत. कापूस पिकात अाढळलेल्या डोमकळ्यात प्रादुर्भावग्रस्त पात्या, फुले व बोंडे हाताने ताेडून त्यातील अळी नष्ट करावी.

पिकावर पाच टक्के निंबोळी अर्काची फवारणी तातडीने प्रतिबंधक उपाययोजना म्हणून फवारावी,  बोंड अळीच्या व्यवस्थापनासाठी ट्रायकोग्रामा हेक्टरी एक ते दीड लाख अंडी शेतामध्ये लावावीत. कीडीने नुकसानीची पातळी अोलांडल्यास  क्विनॉलफॉस २०  मिली, किंवा थायोडीकार्ब (७५ टक्के डब्ल्यूपी) २० ग्रॅम प्रती १० लिटर पाण्यामध्ये मिसळून नॅपसॅक पंपानेे फवारणी करावी, असेही श्री. निकम यांनी सांगितले       अाहे.  
 

इतर अॅग्रो विशेष
अवकाळी पावसाचा पुन्हा तडाखापुणे  ः दक्षिण महाराष्ट्र, मध्य महाराष्ट्र,...
दुष्काळग्रस्तांना मदत, आरक्षणावरून...मुंबई   ः मराठा, मुस्लिम आणि धनगर आरक्षण...
गोड धाटाच्या ज्वारीपासून इथेनॉल नव्हे,...सध्या पेट्रोलसाठी पर्याय म्हणून इथेनॉल...
पिकते तिथेच करा प्रक्रियाहरितक्रांतीच्या काळात देशात साधनसंपत्ती विपुल...
कापूस गाठींचे देशांतर्गत उत्पादन घटणारजळगाव ः कापूस हंगामाच्या दुसऱ्या टप्प्यात...
दुष्काळप्रश्नी विरोधकांचा राज्य सरकारवर...मुंबई : दुष्काळी भागातील शेतकऱ्यांना तातडीने मदत...
वादळी पावसाचा दणकापुणे : कोल्हापूर, सातारा, सांगली जिल्ह्यांत...
कोकण, मध्य महाराष्ट्रात आजही पावसाची...पुणे : पावसाला पोषक हवामान असल्याने राज्यात...
पुरवणी मागण्या : दुष्काळग्रस्तांच्या...मुंबई : हिवाळी अधिवेशनाच्या पहिल्याच दिवशी...
राज्यातील ७४ पाणलोट क्षेत्रांमध्ये अधिक...पुणे  : यंदा कमी पाऊस झाल्याने भूजल...
आयटी क्षेत्रातील नोकरीपेक्षा हिरव्या...शेतीतील विविध संकटांमुळे युवक शेती सोडून नोकरी,...
नवे काश्मीर घडवणारे ‘बसेरा- ए- तबस्सुम'अधिक कदम या कोसेगव्हाण (ता. श्रीगोंदा, जि. नगर)...
पर्यायी चाऱ्यासाठी काटे विरहित निवडूंगमुरमाड, कुरण जमिनी, वालुकामय जमिनी तसेच शेती बांध...
ऊसतोडणीचे काम थांबवले शेतीतून नवी उमेद...शिरूर कासार (जि. बीड) या दुष्काळी तालुक्‍यातील...
दुष्काळी परिस्थितीतून जनतेला बाहेर...पंढरपूर : राज्यातील दुष्काळी परिस्थितीतून जनतेला...
पडला सत्याचा दुष्काळ, बहू झाला घोळराज्याचे मुख्यमंत्री देवेंद्र फडणवीस यांनी २३...
चारा नियोजनातील ‘दुष्काळ’राज्यात आजपासून हिवाळी अधिवेशन सुरू होणार आहे....
मोहोळमध्ये ‘हुमणी‘ने १७ हजार एकरांचे...मोहोळ, जि. सोलापूर : तालुक्‍यातील सात महसुली...
पॉलिथिन पिशव्यांचा वापर थांबविण्याचे...पुणे   : राज्यातील कृषी तसेच वन विभागातील...
ढगाळ हवामानामुळे थंडी गायब; आजही...पुणे : अरबी समुद्रात असलेल्या तीव्र कमी दाब...