agriculture news in marathi, raju shetty demand for parliamentary session on farmers issue, mumbai, maharashtra | Agrowon

`केंद्र सरकारने शेतकऱ्यांसाठी विशेष अधिवेशन घ्यावे`
टीम अॅग्रोवन
शुक्रवार, 8 जून 2018

मुंबई  ः राज्यातीलच नव्हे तर देशातील शेतकऱ्यांवर अतिशय बिकट परिस्थिती ओढवली आहे. मोदी सरकारने घोषणा करूनही शेतकऱ्यांच्या शेतीमालाला दीडपट हमीभाव दिलेला नाही. दूध आणि भाजीपाल्याचे दरही घसरत आहेत, या सर्व प्रश्नांच्या पार्श्वभूमीवर केंद्र सरकारने शेतकऱ्यांचे प्रश्न सोडविण्यासाठी विशेष अधिवेशन घ्यावे, अशी मागणी केल्याची माहिती खासदार राजू शेट्टी यांनी दिली. काही खासगी विधेयके आपण मांडणार असल्याचेही त्यांनी सांगितले.

मुंबई  ः राज्यातीलच नव्हे तर देशातील शेतकऱ्यांवर अतिशय बिकट परिस्थिती ओढवली आहे. मोदी सरकारने घोषणा करूनही शेतकऱ्यांच्या शेतीमालाला दीडपट हमीभाव दिलेला नाही. दूध आणि भाजीपाल्याचे दरही घसरत आहेत, या सर्व प्रश्नांच्या पार्श्वभूमीवर केंद्र सरकारने शेतकऱ्यांचे प्रश्न सोडविण्यासाठी विशेष अधिवेशन घ्यावे, अशी मागणी केल्याची माहिती खासदार राजू शेट्टी यांनी दिली. काही खासगी विधेयके आपण मांडणार असल्याचेही त्यांनी सांगितले.

पत्रकार परिषदेत खासदार शेट्टी यांनी ही माहिती दिली. राज्यात शेतकरी संघर्ष समितीच्या वतीने सुरू असलेल्या आंदोलनाला आपला पाठिंबा आहे. शेतकरी हितासाठी होणाऱ्या सर्व आंदोलनांना आमचा पाठिंबा असेल; मात्र या आंदोलनात आम्ही सहभागी नसल्याचे त्यांनी स्पष्ट केले.

फडणवीस सरकारने दिलेली कर्जमाफी ही फसवी असून, त्याचा शेतकऱ्यांना फायदा झालेला नाही. गेल्या वर्षी शेतकऱ्यांनी ४२ हजार कोटी रुपयांचे कर्ज उचलले होते. मात्र, या वेळी केवळ २२ हजार कोटी रुपयांच्या कर्जाची उचल झाली आहे. ती कर्जमाफी मिळाली म्हणून नव्हे; तर शेतकऱ्यांना बॅंकांनी कर्ज नाकारले म्हणून, असा आरोप शेट्टी यांनी केला. शेतकऱ्यांच्या खात्यावर अजूनही कर्ज थकीत दिसते आहे. त्यामुळे बॅंका त्यांना कर्ज नाकारत आहेत, तर शेतकऱ्यांना ना हरकत प्रमाणपत्रे मिळत नाहीत त्यामुळे बॅंकांनी व्याज आकारणी सुरू केली असून, हे अन्यायकारक असल्याचे श्री. शेट्टी यांनी सांगितले. 

विरोधी पक्षांची एकजूट होत असल्याने मोदी सरकारचे धाबे दणाणले आहे. त्यामुळेच आता भाजपाचे अध्यक्ष अमित शहा यांना ‘मातोश्री’चे दरवाजे दिसले, असा टोलाही त्यांनी लगावला. हे सरकार अन्यायकारक असून, ते घालवण्यासाठी आपण विरोधी आघाडीत सामील झालो आहोत. मात्र, केवळ सत्तांतर हा आपला हेतू नसून, शेतकऱ्यांचे हित हाच उद्देश असल्याचे शेट्टी यांनी स्पष्ट केले.  

पर्यावरणमंत्री रामदास कदम यांनी रासायनिक खतांवर बंदी आणण्याबाबत केलेल्या वक्तव्याची खिल्ली उडवून शेट्टी म्हणाले, की हे शक्य नाही; कारण असे झाल्यास शेतीतील उत्पादकता घटून शेतीमालाचे भाव प्रचंड वाढतील, जे ग्राहकांना परवडणारे नसतील.

इतर ताज्या घडामोडी
औरंगाबादेत हिरवी मिरची ४००० ते ४५००...औरंगाबाद : येथील कृषी उत्पन्न बाजार समितीमध्ये...
पाणीटंचाईमुळे पुणे जिल्ह्यातील ३६...पुणे   : उन्हाच्या झळा वाढत असल्याने...
जनावरांच्या छावणीत बांधली गेली ‘...नगर : दुष्काळ पाचवीलाच पूजलेला, पिण्याचे पाणी...
शिरुर तालुक्यात रानडुकरांकडून उभ्या...रांजणगाव सांडस, जि. पुणे : शिरूर तालुक्‍...
पाथर्डी, पारनेरमध्ये सर्वाधिक टॅंकरने...नगर : जिल्ह्यात पाणीटंचाईचे गंभीर परिणाम...
राजकारणातील प्रस्थापितांची घराणेशाही...नगर  : मुस्लिम समाजाला भीती दाखविण्यासाठी...
सातारा जिल्ह्यात ३३६५ हेक्टरवर उन्हाळी...सातारा  ः जिल्ह्यातील पूर्व भागात तीव्र...
पाणीपुरवठ्यासाठी खानदेशात ५०७ विहिरी...जळगाव : पाणीटंचाई दूर करण्यासाठी खानदेशात सुमारे...
स्ट्रॉबेरी उत्पादनवाढीवर शेतकऱ्यांनी भर...भिलार, जि. सातारा  : स्ट्रॉबेरी महोत्सव हा...
लोकसभा निवडणुकीच्या दुसऱ्या टप्प्यात...मुंबई   ः राज्यात लोकसभा निवडणुकीच्या...
अब्दुल सत्तार यांची हकालपट्टी; तर...जालना ः  पक्षाविरोधात काम केल्यामुळे अब्दुल...
मराठवाड्याचा पाणी प्रश्‍न सोडविणार :...पैठण, जि. औरंगाबाद   : पश्चिम घाटातून...
मोदीजी, महाराष्ट्र तुम्हाला धडा...मुंबई : आमच्या महाराष्ट्राच्या मातीतील...
दुष्काळाच्या हद्दपारीसाठी परदेशातूनही...गोंदवले, जि. सातारा : दुष्काळ हद्दपार करण्यासाठी...
अकोला, वाशीम जिल्ह्यांत तूर, हरभरा...अकोला  : जिल्हा मार्केटिंग फेडरेशनच्या वतीने...
बांबू पिकाला आहे व्यावसायिक मूल्य...बांबू हा पर्यावरणरक्षक आहे. याचबरोबरीने बांबू...
सांगलीतील ९० टक्के द्राक्ष हंगाम उरकलासांगली : जिल्ह्यातील यंदाचा द्राक्ष हंगाम ९०...
फरारी द्राक्ष व्यापाऱ्यास शेतकऱ्यांनी...नाशिक  ः चालू वर्षाच्या हंगामात जिल्ह्यातील...
औरंगाबाद लोकसभा मतदारसंघातील प्रचार...औरंगाबाद : औरंगाबाद लोकसभा मतदारसंघातील...
सध्याचे सरकार म्हणजे लबाडाचे आवतन : पवारनगर : सध्याचे केंद्र सरकार म्हणजे लबाडाचे आवतन...