agriculture news in marathi, raju shetty discuss with sugar commisionar about frp, pune, maharashtra | Agrowon

खोटी आकडेवारी दाखवून गाळप परवाने घेतले : खासदार राजू शेट्टी
टीम अॅग्रोवन
मंगळवार, 13 नोव्हेंबर 2018

पुणे   : शेतकऱ्यांना `एफआरपी` दिल्याचे भासवून खोट्या आकडेवारीच्या आधारे यंदाच्या हंगामात काही साखर कारखान्यांनी गाळप परवाने मिळवल्याचा आरोप स्वाभिमानी शेतकरी संघटनेचे अध्यक्ष, खासदार राजू शेट्टी यांनी सोमवारी (ता.१२) साखर आयुक्तांशी चर्चेदरम्यान केला. यामुळे एका कारखान्याचा गाळप परवाना तडकाफडकी निलंबित करण्यात आला.

पुणे   : शेतकऱ्यांना `एफआरपी` दिल्याचे भासवून खोट्या आकडेवारीच्या आधारे यंदाच्या हंगामात काही साखर कारखान्यांनी गाळप परवाने मिळवल्याचा आरोप स्वाभिमानी शेतकरी संघटनेचे अध्यक्ष, खासदार राजू शेट्टी यांनी सोमवारी (ता.१२) साखर आयुक्तांशी चर्चेदरम्यान केला. यामुळे एका कारखान्याचा गाळप परवाना तडकाफडकी निलंबित करण्यात आला.

आधीच्या हंगामातील एफआरपी शेतकऱ्यांना दिल्याशिवाय कायद्यानुसार साखर कारखान्यांना नव्या हंगामासाठी गाळप परवाना देता येत नाही. `एफआरपी` आणि `आरएसएफ` थकविलेल्या कारखान्यांना गाळप परवाने न देण्याची भूमिका साखर आयुक्त संभाजी कडूपाटील यांनी काही दिवसांपूर्वीच स्पष्ट केली होती. मात्र, आयुक्तालयाला चकवून काही कारखान्यांनी गाळप परवाने मिळवल्याचे खासदार शेट्टी यांनी निदर्शनास आणून दिले. 

उस्मानाबाद येथील भैरवनाथ शुगर वर्क्सने २०१७-१८ मधील हंगामातील `एफआरपी` अदा न करताच गाळप सुरू केल्याची तक्रार ‘स्वाभिमानी’चे मराठवाडा विभागातील नेते गोरख चांगदेव भोरे यांनी केली आयुक्तांकडे केली. या वेळी खासदार शेट्टी म्हणाले, की राज्यातील शेतकऱ्यांची फसवणूक करून खोट्या माहितीच्या आधारे काही कारखान्यांनी गाळप परवाने घेतले आहेत. शासनाची दिशाभूल करून परवाने घेणाऱ्या कारखान्यांवर फौजदारी कारवाई करावी. `एफआरपी` थकविणाऱ्या कोणत्याही कारखान्यांना आयुक्तालयाने परवाना दिलेला नाही. मात्र, काही कारखान्यांबाबत शंका असल्यास चौकशी केली जाईल, असे आयुक्तांनी स्पष्ट केले. विशेष म्हणजे भैरवनाथ शुगरचा गाळप परवाना आयुक्तांनी तडकाफडकी निलंबित केला.

भैरवनाथ शुगरने शेतकरी सभासदांना पूर्णतः `एफआरपी` दिली नसल्याचे सकृतदर्शनी दिसते आहे. त्यामुळे आयुक्तालयाने या प्रकरणाची चौकशी करण्याच्या सूचना नांदेडच्या साखर सहसंचालक व उस्मानाबादच्या विशेष लेखा परीक्षक (साखर) यांना दिल्या आहेत. ही चौकशी पूर्ण होईपर्यंत २०१८-१९ साठीचा गाळप हंगाम परवाना तात्पुरता निलंबित करण्यात आला आहे, असे साखर आयुक्तांनी स्पष्ट केले. या वेळी ‘स्वाभिमानी’चे नेते योगेश पांडे, रवींद्र इंगळे, अॅड. रामराजे देशमुख तसेच इतर पदाधिकारी उपस्थित होते.

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...