agriculture news in Marathi, Raju Shetty says industrialist and traders are responsible for sugar rate decrease, Maharashtra | Agrowon

साखरदर पाडण्यामागे कारखानदार, व्यापाऱ्यांचा हात ः राजू शेट्टी
टीम अॅग्रोवन
सोमवार, 15 जानेवारी 2018

पंढरपूर, जि. सोलापूर ः देशात गरजेइतकेच साखर उत्पादन झाले आहे. तरीही साखरेचे भाव पडले आहेत. यामागे साखर कारखानदार आणि व्यापाऱ्यांचा हात आहे. साखर खरेदी विक्री व्यवहारात मोठा गैरव्यवहार झाल्याचा गंभीर आरोप करत कारखानदार आणि व्यापाऱ्यांची चौकशी करावी, अशी मागणी स्वाभिमानी शेतकरी संघटनेचे अध्यक्ष खासदार राजू शेट्टी यांनी पत्रकारांशी बोलताना केली. 

उपरी (ता. पंढरपूर) येथे शनिवारी (ता. १३) सायंकाळी खासदार शेट्टी यांच्या प्रमुख उपस्थितीत शेतकरी मेळावा झाला. मेळाव्यानंतर पत्रकारांशी बोलताना त्यांनी सरकारच्या साखर खरेदी विक्रीच्या धोरणावर जोरदार टीका केली.

पंढरपूर, जि. सोलापूर ः देशात गरजेइतकेच साखर उत्पादन झाले आहे. तरीही साखरेचे भाव पडले आहेत. यामागे साखर कारखानदार आणि व्यापाऱ्यांचा हात आहे. साखर खरेदी विक्री व्यवहारात मोठा गैरव्यवहार झाल्याचा गंभीर आरोप करत कारखानदार आणि व्यापाऱ्यांची चौकशी करावी, अशी मागणी स्वाभिमानी शेतकरी संघटनेचे अध्यक्ष खासदार राजू शेट्टी यांनी पत्रकारांशी बोलताना केली. 

उपरी (ता. पंढरपूर) येथे शनिवारी (ता. १३) सायंकाळी खासदार शेट्टी यांच्या प्रमुख उपस्थितीत शेतकरी मेळावा झाला. मेळाव्यानंतर पत्रकारांशी बोलताना त्यांनी सरकारच्या साखर खरेदी विक्रीच्या धोरणावर जोरदार टीका केली.

या वेळी खासदार शेट्टी म्हणाले, या वर्षी उसाचे क्षेत्र मोजके आहे. त्यामुळे साखर उत्पादनदेखील कमीच होणार आहे. मागील हंगामातील शिल्लक साखर संपल्याने नव्याने उत्पादित झालेली साखर बाजारात आली आहे; मात्र कारखानदार आणि व्यापाऱ्यांनी संगनमत करून साखरेचे भाव पाडले आहेत. केंद्र सरकारने साखर साठा करण्यास बंदी घातली होती. बंदी उठवावी, यासाठी अनेक वेळा पाठपुरावा केल्यानंतर मध्यंतरी सरकारने स्टॉक लिमिटचे बंधन उठवल्यानंतर, साखरेचे भाव वाढण्याऐवजी लगेच पडले. यामागेसुद्धा साखर कारखानदार आणि साखर व्यापाऱ्यांचे षड्‍यंत्र आहे.

‘‘गेल्या महिन्यामध्ये देशात व राज्यात मोठ्या प्रमाणावर साखर खरेदी विक्रीचे व्यवहार झाले आहेत. हे सर्व व्यवहार संशयास्पद आहेत. ज्यांनी साखर विकत घेतली आणि ज्यांनी विकली त्यांची चौकशी करावी, अशी मागणी मागील आठवड्यात अन्न व नागरीपुरवठा मंत्री, अर्थमंत्री आणि व्यापारमंत्र्यांशी भेट घेऊन केली आहे. चौकशीनंतर साखर कारखानदार आणि व्यापाऱ्यांचा खरा हेतू समोर येईल; परंतु शेतकऱ्यांना फसवण्यासाठी कोणी साखरेचे भाव पाडत असतील, तर आम्ही त्यांच्या नरडीवर पाय देऊन आमच्या घामाचा दाम वसूल करू, असा इशाराही खासदार शेट्टी यांनी दिला. 

शेतीच्या घसरलेल्या विकास दराबद्दल विचारले असता खासदार शेट्टी म्हणाले, शेतीचा विकास दर घसरण्यास सरकारची धोरणे कारभूत आहेत. चुकीच्या धोरणांमुळे शेतीमधील गुंतवणूक कमी झाल्याने शेतीमालाला हमी मिळत भाव नाही. गेल्या काही वर्षांमध्ये आयात शेतीमालावरील खर्चात वाढ झाली आहे. २८ हजार कोटींवरून १ लाख ४० लाख हजार कोटींपर्यंत गेली आहे. शेतमालाची निर्यात ४२ हजार डॉलरवरून ३२ हजार डॉलरवर आली आहे. त्याचा परिणाम बाजारपेठेवर झाला आहे. सरकारच्या चुकीच्या धोरणांमुळे शेती विकास दर घसरल्याचे ही खासदार शेट्टी यांनी सांगितले.

या वेळी रविकांत तुपकर, साहेबराव नागणे, दत्ता नागणे आदी उपस्थित होते.

माढ्यात लोकसभेसाठी ‘स्वाभिमानी’चा उमेदवार
माढा लोकसभा मतदारसंघ हा स्वाभिमानी शेतकरी संघटनेचा बालेकिल्ला आहे. तो कालही होता, आजही आहे आणि उद्याही राहणार. २०१९ मध्ये होणारी लोकसभा निवडणूक स्वाभिमानी मोठ्या ताकदीने लढणार आहे. पूर्वीपेक्षा सक्षम व ताकदवान उमेदवार दिला जाईल. योग्यवेळी उमेदवाराच्या नावाची घोषणा केली जाईल. यापूर्वी आमदार भालके, परिचारक, जानकर यांना उमेदवारी देऊन त्यांची पिपाणी वाजवण्याचे काम केले. यापुढे कोणाची पिपाणी वाजवणार नाही. स्वाभिमानीवर प्रेम करणाऱ्या आणि एकनिष्ठ कार्यकर्त्याला उमेदवारी दिली जाईल, असेही खासदार शेट्टी यांनी स्पष्ट केले.

इतर ताज्या घडामोडी
भाजीपाला पिकांची रोपवाटिका तयार करतानाभाजीपाला पिकांची रोपवाटिका करताना योग्य ती काळजी...
परभणीत फ्लाॅवर प्रतिक्विंटल २००० ते...परभणी ः येथील जुना मोंढा भागातील फळे भाजीपाला...
पुण्यात फुलांची ७ काेटींची उलाढालपुणे ः फूल उत्पादक शेतकऱ्यांची भिस्त असणाऱ्या...
योग्य प्रमाणातच वापरा युरियानत्र पानांच्या पेशीमध्ये हरित लवकाची निर्मिती...
वनस्पतीतील संजीवकांमुळे अवकाशातही...पोषक घटकांची कमतरता आणि गुरुत्वाकर्षण कमी असणे या...
राज्यातील काही भागात अंशतः ढगाळ वातावरणमहाराष्ट्राच्या पश्‍चिम किनारपट्टीवर म्हणजेच कोकण...
सांगली जिल्हा बॅंकेला कर्जमाफीसाठी...सांगली ः राज्य शासनाच्या छत्रपती शिवाजी महाराज...
गूळ, बेदाणा, काजू महोत्सवास पुणे येथे...पुणे : दिवाळीच्या निमित्ताने ग्राहकांना रास्त...
'सरकारला दुष्काळाची दाहकता लक्षात येईना'पुणे  : यंदा ऑक्टोबर महिन्यातच धरणांमधील...
कर्नाटकात दुष्काळ जाहीर, मग...मुंबई  : ग्रामीण महाराष्ट्र दुष्काळात...
ऊसतोड मजूर महामंडळाला शंभर कोटींचा निधी...बीड   : याआधीच्या सरकारने दहा वर्षांत अडीच...
हिवरेबाजारमध्ये मांडला पाण्याचा ताळेबंदनगर  ः आदर्श गाव हिवरेबाजारमध्ये...
माण, खटाव तालुक्यांत पाणीटंचाई वाढलीसातारा   ः रब्बी हंगामाच्या तोंडावर पाऊस...
पुणे जिल्ह्यात खरिपात ६९ टक्के पीक...पुणे ः यंदा पाऊस वेळेवर न झाल्याने शेतकऱ्यांकडून...
बुलडाणा जिल्ह्यात १ लाख ६५ हजार...बुलडाणा  ः या रब्बी हंगामात जिल्ह्यात एक लाख...
यवतमाळ जिल्ह्यात जिल्हा प्रशासन उभारणार...यवतमाळ  ः शेतीला पूरक व्यवसायाची जोड देत...
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...