कापूस, सोयाबीनच्या प्रश्नांवर लढू : शेट्टी

बुलडाणा ः या हंगामात सोयाबीन, कापूस या दोन्ही पिकांना मोठा फटका बसला. सोयाबीन पावसाअभावी करपले. एकरी उत्पादन दोन तीन क्विंटलवर अाले. निसर्गाने मारले, सरकारनेही मारले. सध्या कुठल्याच शेतीमालाला भाव नाही. कर्जमाफीची प्रक्रिया सुरूच अाहे. पीककर्जासाठी शरीरसुखाची मागणी केली जाते. अाता शेतकऱ्याला लढाई करायची असेल, तर एकाच वेळी अनेकांना अंगावर घ्यावे लागणार अाहे. यासाठी १९ अाॅक्टोबरपासून विदर्भात चाकबंद अांदोलन सुरू केले जाईल, अशी घोषणा स्वाभिमानी शेतकरी संघटनेचे खासदार राजू शेट्टी यांनी केली. ‘स्वाभिमानी’च्या पुढाकाराने विदर्भात सहा अाॅक्टोबरपर्यंत वेगवेगळ्या जिल्ह्यांमध्ये कापूस-सोयाबीन प्रश्नांवर खासदार शेट्टी व रविकांत तुपकर परिषदा घेणार अाहेत. यातील पहिली परिषद मंगळवारी (ता. २) बुलडाण्यात गर्दे वाचलनाच्या सभागृहात झाली. या वेळी जिल्ह्यातील हजारोंच्या संख्येने कापूस व सोयाबीन उत्पादक शेतकरी उपस्थित होते. व्यासपीठावर स्वाभिमानीचे रविकांत तुपकर, सुबोध मोहिते, डॉ. प्रकाश पोफळे, रसिकाताई ढगे, अमोल हिप्परगे, रणजित बागल, दामोदर इंगोले, शर्मिलाताई येवले यांच्यासह संघटनेने पदाधिकारी उपस्थित होते. खासदार शेट्टी म्हणाले, की या सरकारच्या काळात पीककर्जाची मागणी करणाऱ्या शेतकऱ्याच्या पत्नीला शरीरसुखाची मागणी केली जाते. मागणी करणारा हा अारोपी अधिकारी दोन दिवसांत जामिनावर सुटतो. तर दुधाचे अांदोलन करणारे १५ दिवस अात ठेवले जातात. सोयाबीन, कापूस उत्पादकांना ठोस मदत मिळणे अाज गरजेचे अाहे. पण सरकार पाठबळ देत नाही. पीकविमा कंपनीही तिजोरी भरण्याची यंत्रणा झाली अाहे. महात्मा गांधीच्या जयंतीदिनी अश्रुधूर, पाण्याचे फवारे न्याय मागण्यांवर उडविले गेले. या वेळी तुपकर यांनी सरकारवर टीका करीत सोयाबीन, कापूस उत्पादकांचे हाल होत असल्याचे सांगितले. पाऊस नसतानाही अाणेवारी वाढवून काढण्यात अाली. अापल्या न्यायासाठी स्वतः लढावे लागेल असे सांगत स्वाभिमानी तुमच्या पाठिशी उभी राहत आहे. या वेळी सुबोध मोहिते, डॉ. पोफळे यांच्यासह इतरांनी घणाघाती भाषणे केली.