agriculture news in marathi, Rashtrawadi positive for Ahmednagar district division | Agrowon

नगर जिल्हा विभाजन राष्ट्रवादी काँग्रेसला मान्य
सूर्यकांत नेटके
सोमवार, 12 फेब्रुवारी 2018

नगर ः नगर जिल्ह्याच्या विभाजनाच्या चर्चेला वरचेवर वेग आहे. जिल्हा विभाजन होण्याला नागरिकांचीही पसंती आहे. मात्र त्याकडे राजकारण म्हणूनही पाहिले जात आहे. असे असताना राष्ट्रवादी काँग्रेसने ‘निर्णय मान्य असेल’ असे सांगून अप्रत्यक्षपणे जिल्हा आणि तालुका विभाजनाला सकारात्मकता दार्शवल्याने नगर जिल्ह्यामध्ये अनेक राजकीयांच्या भुवया उंचावल्या आहेत.  

नगर ः नगर जिल्ह्याच्या विभाजनाच्या चर्चेला वरचेवर वेग आहे. जिल्हा विभाजन होण्याला नागरिकांचीही पसंती आहे. मात्र त्याकडे राजकारण म्हणूनही पाहिले जात आहे. असे असताना राष्ट्रवादी काँग्रेसने ‘निर्णय मान्य असेल’ असे सांगून अप्रत्यक्षपणे जिल्हा आणि तालुका विभाजनाला सकारात्मकता दार्शवल्याने नगर जिल्ह्यामध्ये अनेक राजकीयांच्या भुवया उंचावल्या आहेत.  

नगर जिल्ह्याचे विधानसभा व लोकसभा निवडणुकीच्या आधी विभाजन करणार असल्याचे काही दिवसांपूर्वी वक्तव्य केल्याने राजकीय, सामाजिकांसह लोकांच्या भुवया उंचावल्या. त्यानंतर काही दिवसांत नगरला आलेल्या महसूलमंत्री चंद्रकांत पाटील यांनीही ‘नगरसह राज्यातील अन्य जिल्ह्यांचे व तालुक्‍यांचे विभाजन करण्याला सकारात्मकता दर्शवली होती. ‘‘जिल्हा विभाजनासंबंधीचा अहवाल आला आहे, अहवाल पाहून जिल्हा आणि आवश्‍यक तेथे तालुका विभाजनाबाबत लोकभावनेवर निर्णय घेणार आहे’’ असे स्पष्टपणे सांगून टाकल्याने जिल्हा विभाजन होणार हे नक्की झाल्याचे लोकांत बोलले जात आहे. त्यात आज (रविवारी) पत्रकारांशी संवाद साधताना ‘‘जिल्हा आणि तालुके विभाजनाचा निर्णय राष्ट्रवादीला मान्य असेल’ असे स्पष्टपणे सांगून टाकल्याने राजकीय नेत्यांच्या भुवया उंचावल्या आहेत. 

नगर जिल्ह्याच्या विभाजनाचा विषय तसा अनेक वर्षांपासून चर्चेत आहे. जिल्हा विभाजन झाले तर राजूर (अकोले), तीसगाव (पाथर्डी), बोधेगाव (शेवगाव), देवळाली प्रवरा (राहुरी) निघोज (पारनेर), सोनई (नेवासा) ही प्रमुख बाजारपेठांच्या गावांना तालुक्‍याचा दर्जा मिळावा ही मागणी आहे. जिल्हा विभाजनाला जिल्ह्यामधील बहुतांश भागांतील लोकांचा पाठिंबा असला तरी राजकीय इच्छाशक्ती नसल्याचे सातत्याने जाणवले आहे. पालकमंत्री राम शिंदे यांनी जिल्हा विभाजनावर केलेल्या भाष्यानंतर विधानसभेतील विरोधीपक्ष नेते राधाकृष्ण विखे पाटील यांनी शिंदे यांच्या वक्‍त्यव्याची खिल्ली उडवली. 

जिल्ह्याच्या दक्षिणेत बाळासाहेब थोरात, राधाकृष्ण विखे पाटील, मधुकर पिचड, यशवंतराव गडाख या मातब्बर नेत्याचे वर्चस्व आहे. राष्ट्रवादीचे जिल्हाध्यक्ष चंद्रशेखर घुले यांचा भागही उत्तरेशीच निगडित असल्यासारखे आहे. दक्षिणेच्या तुलनेत उत्तरेतील शेती, सहकारही अधिक बळकट आहे. सिंचनाचे क्षेत्र जास्त असल्याने प्रगत भाग आहे. जिल्ह्यामधील दुष्काळी तालुके दक्षिणेत आहेत.

पालकमंत्री राम शिंदे व माजी मंत्री बबनराव पाचपुते हे दोन प्रमुख नेते दक्षिणेतील असले, तरी उत्तरेच्या तुलनेत दक्षिण जिल्ह्यांमध्ये विकास झालेला नाही. त्यामुळे जिल्हा विभाजन झाले तर दक्षिणेला न्याय मिळेल, असे लोकांना वाटत आहे. मात्र जिल्हा विभाजनाचा विषय राजकीय सबंधाशी जोडला जात आहे. जिल्हा विभाजन ही भाजपची खेळी असल्याचे काही राजकीय मंडळी उघडपणे बोलत असताना, राष्ट्रवादीने मात्र जिल्हा आणि तालुका विभाजनाचा निर्णय मान्य असल्याचे सांगून टाकल्याने अनेक राजकीयांच्या भुवया उंचावल्या आहेत. 

अजून अनेकांच्या भूमिका अस्पष्ट 
नगर जिल्ह्याचे विभाजन होणार, मात्र मुख्यालय कोठे असेल हे स्पष्ट नाही. जिल्हा विभाजन करावे ही लोकांची मागणी असल्याचे लपून राहिलेले नाही. पालकमंत्र्याच्या वक्‍तव्यानंतर राधाकृष्ण विखे यांचे एक आणि आज राष्ट्रवादीने स्पष्ट केलेली भूमिका वगळता अजून अन्य राजकीय नेत्यांनी भूमिका मांडलेली नाही. त्यामुळे जिल्हा विभाजनाबाबत कोणत्या नेत्यांची काय भूमिका आहे याकडेही लोकांचे लक्ष लागले आहे. 

इतर ताज्या घडामोडी
ऊस गाळपात इंदापूर कारखान्याची आघाडी पुणे  : जिल्ह्यात सर्व १७ साखर कारखान्यांनी...
निवडणुकीमुळे चाराटंचाईकडे दुर्लक्ष;...पुणे  : निवडणुकीची रणधुमाळी सुरू असताना...
नाशिक जिल्ह्यात चारा छावण्यांसाठी...नाशिक  : जिल्ह्यातील टंचाईच्या झळा तीव्र होत...
सभा मोदींची; प्रशासनाने घेतली...नाशिक : लोकसभा उमेदवारांच्या प्रचारार्थ २२ एप्रिल...
नगर : पशुधन वाचविण्यासाठी इतर...नगर : जिल्ह्यात २८ लाख लहान-मोठे जनावरे आहेत....
सौर कृषिपंप योजना खोळंबलीजळगाव : सौर कृषिपंपासाठी खानदेशातून ८ हजार ९५०...
मराठवाड्यात पाणीपुरवठ्यासाठी २३५९ टँकरऔरंगाबाद : मराठवाड्यात दुष्काळामुळे होणारी...
नत्र ऱ्हास रोखण्यासोबत वाढवता येईल...शेतकरी आपल्या मक्याच्या उत्पादनांचा अंदाज...
खानदेशात पाणंद रस्त्यांची कामे ठप्पजळगाव : खानदेशात जानेवारीत मंजुरी मिळालेल्या,...
म्हैसाळची विस्तारित योजना पूर्ण करणार...जत, जि. सांगली : ‘‘जत तालुक्याच्या पूर्व भागाला...
पुणे विभागात रब्बी कांद्याचे ३६ लाख टन...पुणे   ः रब्बी हंगामात शेतकऱ्यांनी...
गारपीट, वादळी पावसाने पुणे जिल्ह्याला...पुणे  : जिल्ह्याच्या उत्तर भागात असलेल्या...
जळगावात आले प्रतिक्विंटल २००० ते ६५००...जळगाव : कृषी उत्पन्न बाजार समितीमध्ये बुधवारी (ता...
अवकाळी पावसाने वऱ्हाडात दाणादाणअकोला   ः वऱ्हाडातील अनेक भागात...
नगर जिल्ह्यातील १२८ गावांत दूषित पाणीनगर  : ‘सर्वांना शुद्ध पाणी’ यासाठी सरकार...
आमच्या काळात एकही घोटाळा नाही :...सोलापूर : काँग्रेस आघाडी देशाला मजबूत करू...
सातारा जिल्ह्यात सलग तिसऱ्या दिवशी...सातारा : जिल्ह्यात मंगळवारी सकाळपासून ढगाळ...
बहुपयोगी नत्रयुक्त खत `कॅल्शिअम...सावकाश उपलब्ध होण्याच्या क्षमतेमुळे कॅल्शियम...
जल, मृद्‌संधारणासाठी पूर्वमशागत...जमिनीमध्ये चांगले पीक उत्पादन येण्याकरिता भौतिक,...
कृषी सल्ला : भुईमूग, आंबा पीक भुईमूग शेंगा अवस्था भुईमूग पीक आऱ्या...