स्वाभिमानीसोबत दिलजमाईसाठी बुलडाण्यात राष्ट्रवादीची कसरत !

स्वाभिमानीसोबत दिलजमाईसाठी बुलडाण्यात राष्ट्रवादीची कसरत !
स्वाभिमानीसोबत दिलजमाईसाठी बुलडाण्यात राष्ट्रवादीची कसरत !

बुलडाणा ः लोकसभा निवडणुकीसाठी राष्ट्रवादीने बुलडाणा मतदारसंघाची जागा डॉ. राजेंद्र शिंगणे यांना सोडली. या घोषणेने बुलडाणा लोकसभा मतदारसंघ महाअाघाडीत स्वाभिमानी शेतकरी संघटनेला मिळेल, या चर्चांना पूर्णविराम मिळाला. येथपर्यंत राष्ट्रवादीसाठी सर्व काही सुरळीत झाले. मात्र अाता खरी कसोटी अाहे ती स्वाभिमानीचे मतदान कसे मिळवता येईल याचीच.  स्वाभिमानीचे प्रदेशाध्यक्ष रविकांत तुपकर यांनी या मतदारसंघात गावागावात नेटवर्क उभे केले अाहे, हे सर्वच जाणतात. शेतकऱ्यांच्या प्रश्नांवर सातत्याने लढा देत न्याय मिळवून देण्यासाठी ही संघटना अोळखली जात होती. लोकसभेसाठी स्वाभिमानीचे सर्वेसर्वा खासदार राजू शेट्टी यांनी रविकांत तुपकर हे येथे लढतील हे सांगत महाअाघाडीकडे बुलडाण्याची जागा प्रतिष्ठेची केली होती. वाटाघाटीत शेवटच्या क्षणी स्वाभिमानीचा बुलडाण्यावरील दावा धुडकावण्यात अाला. यामुळे तुपकरांचे येथून उभे राहण्याचे स्वप्न अपूर्ण राहले. अाता महाअाघाडीत बुलडाण्याची जागा न मिळाल्याने या जिल्ह्यातील कार्यकर्ते किती प्रमाणात राष्ट्रवादीचे उमेदवार डॉ. शिंगणे यांचे काम करतात हे येत्या मे महिन्यात जाहीर होणाऱ्या निकालातून समोर येईल. वास्तविक या वेळी बुलडाण्यात विद्यमान खासदारांना जोरदार टक्कर देणारी लढत होईल, अशी शक्यता होती. परंतु युती झाल्याने शिवसेनेचे प्रतापराव जाधव यांचे काम बरेच सुकर झाले. त्यातच ही जागा स्वाभिमानीला न मिळणेही त्यांच्या पथ्यावर पडले. त्यांच्यापेक्षा महाअाघाडीच्या उमेदवारालाच अधिक कसरत करावी लागत अाहे. रविकांत तुपकर यांना २०१४ च्या निवडणुकीत थांबविण्यात अाले होते. अाता दुसऱ्यांदा त्यांच्यावर तशीच वेळ अाली अाहे. महाअाघाडीचा उमेदवार घोषित झाल्यापासून संपूर्ण जिल्ह्यात स्वाभिमानीच्या कार्यकर्त्यांच्या भावना तीव्र झालेल्या अाहेत. त्यामुळेच पुढील भूमिकेवर सर्व गणिते अवलंबून असल्याच्या चर्चा सुरू होत अाहेत. महाअाघाडीने जागा दिली नसली तरी, स्वतंत्र लढा असा अाग्रह स्वाभिमानीचे कार्यकर्ते तुपकरांजवळ करीत अाहेत. परंतु ‘अापण संघटनेला, खासदार राजू शेट्टी यांच्या शब्दाला जागणारे अाहोत. कुठल्याही पदापेक्षा, विचार व नेतृत्व देईल तो अादेश पाळणे महत्त्वाचे असल्याचे तुपकर कार्यकर्त्यांना सांगत अाहेत.’  तुपकरांची गोची कार्यकर्त्यांना माहिती अाहे. त्यामुळे ते सांगतील त्याचे काम कार्यकर्ते करतीलच याबाबत शाश्वती देता येत नाही. तिकीट न दिल्याने स्वाभिमानीतील अनेकांच्या मनात महाअाघाडीच्या नेत्यांबाबत रोष अाहे. दरम्यान रविवारी (ता. १७) अाघाडीचे उमेदवार डॉ. शिंगणे यांनी तुपकरांच्या निवासस्थानी जाऊन भेट घेतली. दोघांमध्ये दोन ते अडीच तास चर्चा झाली. यावरूनही अाघाडीला तुपकरांच्या भूमिकेचे महत्त्व किती अाहे, हे अधोरेखित झाले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com