agriculture news in Marathi, rate not increased even jaggery production fell, Maharashtra | Agrowon

गुळाचे उत्पादन घटूनही दरात वाढ नाहीच
टीम अॅग्रोवन
शुक्रवार, 7 डिसेंबर 2018

कोल्हापूर : यंदा गुळास गेल्या वर्षीपेक्षा चांगला दर मिळेल, ही अपेक्षा यंदाच्या हंगामातील पहिल्या दोन महिन्यांत फोल ठरली आहे. यंदा उत्पादनात तब्बल पस्तीस टक्क्‍यापर्यंत घट होऊनही गेल्या वर्षीइतकेच दर असल्याने जादा दर मिळण्याच्या आशा संपुष्टात येत असल्याचे चित्र आहे.

कोल्हापूर : यंदा गुळास गेल्या वर्षीपेक्षा चांगला दर मिळेल, ही अपेक्षा यंदाच्या हंगामातील पहिल्या दोन महिन्यांत फोल ठरली आहे. यंदा उत्पादनात तब्बल पस्तीस टक्क्‍यापर्यंत घट होऊनही गेल्या वर्षीइतकेच दर असल्याने जादा दर मिळण्याच्या आशा संपुष्टात येत असल्याचे चित्र आहे.

यंदा गूळ पट्यात तब्बल ९५ दिवस सलग पाऊस झाल्याने उसाचा दर्जा नीट राहिला नाही. याचा परिणाम गुळाच्या दर्जावरही झाला. दर्जेदार गुळाची आवक कमी प्रमाणात होत आहे. दुसऱ्या व तिसऱ्या क्रमांकांच्या गुळाचे उत्पादन जास्त होत असल्याने याचा परिणाम गुळाच्या दरावर होत आहे. परिणामी गूळ उत्पादक शेतकऱ्यांचे नुकसानच होत आहे. 

हंगाम सुरू होण्यापूर्वी गूळ बाजारात तेजीचे वातावरण होते. आवक कमी होण्याची शक्‍यता असल्याने त्याचा सकारात्मक परिणाम गूळ बाजारावर झाला होता. आवकेत घटीच्या शक्‍यतेने व्यापाऱ्यांनीही जादा गूळ खरेदी करण्यास सुरवात केली होती. परिणामी क्विंटलला दोनशे ते चारशे रुपयांनी दरात वाढ झाली होती. परंतु जसे उत्पादन वाढले तशी बाजारातील नकारात्मकता दिसून येऊ लागली. दर्जेदार गुळात घट होत असल्याने प्रमुख बाजारपेठ समजल्या जाणाऱ्या गुजरातमधून गुळाच्या मागणीत घट येत असल्याचे लक्षात येताच गुळाच्या दरातही घसरण होऊ लागली. याचा फटका शेतकऱ्याला बसत आहे. 

अडचणी वाढल्या
यंदा केवळ शंभर ते दीडशेच्या दरम्यानच कशीतरी गुऱ्हाळे सुरू झाली आहेत. त्यातच ऊस मिळत नसल्याने गुऱ्हाळचालकही हैराण झाले आहेत. उसाचा दर्जाच खराब असल्याने दर्जेदार गूळ तयार करणे गुऱ्हाळमालकांना अशक्‍य होत आहे. याचाच फटका हंगामाला बसत आहे. शेवटच्या टप्प्यात गुळाची आवक एकदमच मंदावली, तर क्विंटलला शंभर रुपयांच्या आसपास दर वाढतील, अन्यथा दराची स्थिती कायम राहण्याची भीती गूळ उद्योगातील सूत्रांनी व्यक्त केली. 

प्रतिक्रिया
हंगामाच्या सुरवातीला यंदाचा हंगाम उत्पादकांसाठी चांगला जाईल अशी अपेक्षा होती. पण अपेक्षित मागणी नसल्याने दरही वाढत नसल्याची स्थिती आहे. गुजरातमधून दर्जेदार गुळाची मागणी होत आहे. पण पावसामुळे उसाचा दर्जा खराब झाल्याने तितका दर्जेदार गुळ येत नसल्याने दर वाढीला मर्यादा येत आहेत. 
- निमेष वेद, गूळ व्यापारी

अशी आहे दराची स्थिती

गूळ प्रकार दर (क्विंटल)
स्पेशल  ३८०० ते ४२००
क्रमांक एक ३१०० ते ३६००
क्रमांक दोन  ३००० ते ३५००
क्रमांक तीन  २८०० ते २९००

 

इतर बातम्या
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
दोन्ही शिंदेंना आत्मविश्वास नडला सोलापूर : सोलापूर आणि माढा लोकसभा मतदारसंघाच्या...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
सांगोला साखर कारखाना राज्य बँकेच्या...सोलापूर : सांगोला सहकारी साखर कारखाना राज्य...
‘कृष्णे’च्या पाणीपातळीत घटसांगली : म्हैसाळ उपसा सिंचन योजनेला पाणीपुरवठा...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
बुलडाण्यात मागणी आल्यास तत्काळ टँकर...बुलडाणा  : जिल्ह्यात पाणीटंचाईचे संकट भीषण...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
वऱ्हाडात विद्यमान खासदारांनाच पुन्हा...अकोला ः लोकसभा निवडणुकीच्या निकालात गुरुवारी (ता....
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
नाशिकला हेमंत गोडसे रिपीट, तर डॉ. भारती...नाशिक : नाशिक जिल्ह्यात नाशिक व दिंडोरी लोकसभा...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
निविष्ठांची तस्करी रोखण्यासाठी...यवतमाळ ः गेल्या वर्षीच्या अनुभवातून बोध घेत...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...