सिंधुदुर्ग जिल्ह्यात गीर, साहिवाल गायीपालन, कुक्कुटपालन योजनांना मान्यता

सिंधुदुर्ग जिल्ह्यात गीर, साहिवाल गायीपालन, कुक्कुटपालन यो
सिंधुदुर्ग जिल्ह्यात गीर, साहिवाल गायीपालन, कुक्कुटपालन यो

पुणे : सिंधुदुर्ग जिल्ह्यात दुग्ध आणि कुक्कुट उत्पादनवाढीसाठी पशुसंवर्धन विभागाच्या वतीने गीर आणि साहिवाल गायींपालन, शेळी गटांचे वाटप आणि कुक्कुट ग्राम योजनांना मान्यता दिली आहे. याद्वारे दुग्ध उत्पादनासह मांस आणि अंडी उत्पादनाला चालना दिली जाणार असून, अंडी विपणन आणि निर्यातीसाठी हॅपी हेन एग्ज आॅरगॅनिक एग्ज या ब्रॅण्डची निर्मिती केली जाणार आहे, अशी माहिती पशुसंवर्धन आयुक्त कांतीलाल उमाप यांनी दिली. 

या विविध योजनांमध्ये वैयक्तिक, सामूहिक आणि महिला बचत गटांसाठीची तरतूद करण्यात आली आहे. यामध्ये प्रामुख्याने वैयक्तिक योजनेमध्ये २ दुधाळ शुद्ध गीर किंवा साहिवाल गायींचे वाटप करण्यात येणार आहे. यासाठी गोठा बांधणीसह गायी खरेदी करता येणार आहे. यासाठी २ लाख ८ हजार रुपये मंजूर करण्यात आले आहेत. तर सामूहिक गोपालनासाठी ५० गायींसाठी ४५ लाखांची योजना असून, या योजनेमध्ये सर्वसाधारण गटांसाठी ७५ टक्के अनुदान तर अनुसूचित जाती व जमाती प्रवर्गासाठी ९० टक्के अनुदान असणार आहे. 

शेळीपालन योजनेमध्ये १० शेळ्या आणि १ बोकड गटाचे वाटप करण्यात येणार आहे. यामध्ये स्थानिक हवामानाला तग धरणाऱ्या कोकण कन्याल, उस्मानाबादी, मलबेरी या जातींचे वाटप केले जाणार आहे. ही योजना ९४  हजार २०० रुपयांची असणार आहे. तर महिला बचत गट सदस्यांसाठी देखील कुक्कुटपालनाची योजना आखण्यात आली असून, गटातील १० लाभार्थी महिलांना प्रत्येकी १०० कुक्कुट पिलांचे वाटप केले जाणार आहे. यासाठी एका गटासाठी १ लाख रुपयांचे अनुदान दिले जाणर असून, ४० महिला बचत गटांचा समूह तयार करून, क्कुटग्रामसाठी ४० लाख रुपयांच्या निधीची तरतूददेखील करण्यात आली आहे. या योजनेतून उत्पादित होणारी अंडी खरेदीसाठी बायबॅक योजनादेखील राबविण्यात येणार आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com