agriculture news in marathi, registration of tur producers in jalgaon, maharashtra | Agrowon

जळगावमधील गावांमध्ये जाऊन केली जाणार तूर उत्पादकांची नोंदणी
टीम अॅग्रोवन
गुरुवार, 25 जानेवारी 2018
तूर उत्पादकांचा ऑनलाइन नोंदणीला हवा तसा प्रतिसाद मिळालेला नाही. यामुळे आता शेतकी संघांनी गावोगावी जाऊन तूर उत्पादकांची नोंदणी करून घेण्यासंबंधी मार्केटिंग फेडरेशन आदेश देणार आहेत. प्रमुख गावांमध्ये नोंदणी होईल. शेतकऱ्यांचा सातबारा उतारा व इतर प्राथमिक माहिती संकलित केली जाईल. 
- परिमल साळुंखे, पणन अधिकारी, मार्केटिंग फेडरेशन.
जळगाव  ः जिल्ह्यात सुमारे २५ दिवसांपासून शेतकी संघात तूर उत्पादकांची ऑनलाइन नोंदणी सुरू आहे. परंतु नोंदणीला अल्प प्रतिसाद मिळत असल्याने शासकीय तूर खरेदी केंद्र सुरू करण्यासंबंधी अडचणी येत आहेत. ही बाब लक्षात घेता जिल्ह्यातील प्रमुख तूर उत्पादक गावांमध्ये जाऊन त्यांची नोंदणी करण्याचा निर्णय मार्केटिंग फेडरेशनने घेतला आहे. 
 
जिल्ह्यात या महिन्याच्या सुरवातीलाच नऊ शेतकी संघांना तूर उत्पादकांची तूर विक्रीसंबंधी नोंदणीचे आदेश मार्केटिंग फेडरेशनने दिले. हे आदेश दिल्यानंतर नोंदणी सुरू झाली, परंतु ऑनलाइन नोंदणीत अडचणी येऊ लागल्या. संबंधित अॅप व्यवस्थितपणे काम करीत नव्हते. तसेच सर्व्हर डाऊन व अप्रशिक्षित कर्मचारी आदी समस्याही येत होत्या. 
 
पाचोरा, अमळनेर, जामनेर, बोदवड, मुक्ताईनगर, रावेर, चाळीसगाव आदी आठ शेतकी संघांना नोंदणीच्या सूचना देण्यात आल्या. परंतु अजूनही शेतकऱ्यांचा हवा तसा प्रतिसाद मिळालेला नाही. एरंडोल येथेही एक केंद्र सुरू करण्याचा प्रयत्न मार्केटिंग फेडरेशनने केला होता. परंतु त्यास मंजुरी मिळाली नाही. यातच फक्त ७०० शेतकऱ्यांनी ऑनलाइन नोंदणी करून घेतली. काही केंद्रांवर अत्यल्प प्रतिसाद आहे. जामनेर, मुक्ताईनगर व बोदवड येथेच बरा प्रतिसाद आहे.
 
जिल्ह्यात साडेतीन हजार हेक्‍टरपेक्षा अधिक क्षेत्रावर तुरीची लागवड झाली आहे. ही बाब लक्षात घेता किमान चार हजार शेतकऱ्यांची नोंदणी अपेक्षित आहे. नोंदणीबाबत शेतकऱ्यांना माहिती देण्यासह त्यांना तालुक्‍याला येण्याचा त्रास लक्षात घेता आता प्रमुख गावांमध्ये जाऊन नोंदणी करून घेतली जाईल.
 
ही नोंदणी ऑफलाइन असेल. त्यात सातबारा उतारा, बॅंक खाते क्रमांक, आधार क्रमांक आदी आवश्‍यक कागदपत्रे घेतले जातील. परंतु नंतर संबंधित शेतकऱ्याची ऑनलाइन नोंदणी करून त्याच्याकडून तुरीची खरेदी होईल. 
 
सध्या शासकीय तूर खरेदी केंद्र सुरू नसल्याने बाजार समिती व इतर ठिकाणी शेतकऱ्यांच्या तुरीला हमीभावापेक्षा कमी दर मिळत आहेत. ३८०० ते ४३०० रुपये क्विंटलपर्यंत दर आहेत. काही अडतदार तर यापेक्षा कमी दर देत असल्याच्या तक्रारी वाढत आहेत. 

इतर ताज्या घडामोडी
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...
रणजितसिंहाच्या भाजप प्रवेशाने खरच...सोलापूर ः सोलापूर जिल्ह्यातील विशेषतः पश्चिम...
काँग्रेस-राष्ट्रवादीचे प्रत्येकी बारा...मुंबई ः आगामी लोकसभा निवडणुकीसाठी राज्यातील...
आचारसंहिता भंगाच्या ७१७ तक्रारीमुंबई : नागरिकांना आचारसंहिता भंगाच्या तक्रारी...
भाजपकडून लोकसभा उमेदवारांची पहिली यादी...नवी दिल्ली : पंतप्रधान नरेंद्र मोदी वाराणसी तर...
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...