मराठवाड्याकडे पावसाची पाठ कायम

मराठवाड्याकडे पावसाची पाठ कायम
मराठवाड्याकडे पावसाची पाठ कायम

औरंगाबाद : मराठवाड्याकडे पावसाने केलेली पाठ कायम आहे. पाच ते सहा दिवसांपासून काही ठिकाणचा अपवाद वगळता बहुतांश मराठवाड्यात तुरळक पावसाने हजेरी लावली. त्यामुळे मराठवाड्यात जोरदार पाऊस येणार तरी केव्हा हा प्रश्न आहे.

औरंगाबाद जिल्ह्यातील फुलंब्री तालुक्‍यांतर्गत येत असलेल्या फुलंब्री, वडोदबाजार, पिरबावडा या तीन मंडळात शुक्रवारी (ता. २९) सकाळपर्यंतच्या चोवीस तासांत १० ते २० मिलिमीटरदरम्यान पाऊस पडला. औरंगाबाद तालुक्‍यातील भावसिंगपुरा, चौका, लाडसावंगी मंडळात १० ते ११ मिलिमीटर पावसाची नोंद झाली. पैठण तालुक्‍यातील आडूळ मंडळात ७, तर विहामांडवा मंडळात २ मिलिमीटर पाऊस नोंदल्या गेला.

सिल्लोड तालुक्‍यातील सिल्लोड, अजिंठा, अंबाई, गोळेगाव, मंडळात २ ते ९ मिलिमीटर, सोयगाव तालुक्‍यातील सोयगाव मंडळात २० मिलिमीटर, बनोटी ६, सावलदबारा ८, तर वैजापूर तालुक्‍यातील वैजापूर, शिवूर, महालगाव, लाडगाव, लासूरगाव, मंडळात २ ते ४ मिलिमीटर, कन्नड तालुक्‍यातील कन्नड मंडळात ६, चिकलठाणा ८ तर चापानेर ४ मिलिमीटर पावसाची नोंद झाली. जालना जिल्ह्यातील भोकरदन तालुक्‍यातील भोकरदन सिपोरा बाजार, आणि धावडा मंडळात १ ते ६ मिलिमीटर, जाफराबाद तालुक्‍यातील वरूड मंडळात १३ मिलिमीटर, बीड जिल्ह्यातील गेवराई तालुक्‍यातील मांदळमोही, पाचेगाव व सिरसदेवी मंडळात ३ ते १५ मिलिमीटर पावसाची नोंद झाली. लातूर व उस्मानाबाद जिल्ह्यात तुरळक ठिकाणी पावसाची हलकी सर पडल्याचे वृत्त आहे.      ४० मंडळांत अपेक्षित पावसाच्या निम्मा पाऊस मराठवाड्यातील ४२१ मंडळांपैकी ४० मंडळांत अपेक्षित पावसाच्या तुलनेत निम्माच पाऊस पडला आहे. जालना व बीड जिल्ह्यांतील पाच मंडळांत अपेक्षित पावसाच्या तुलनेत २५ टक्‍केही पाऊस पडला नाही. २४७ मंडळांत अपेक्षित पावसाच्या तुलनेत जास्त पाऊस पडला असला तरी १३४ मंडळांत ५० ते १०० टक्‍क्‍यादरम्यान पाऊस पडला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com