agriculture news in marathi, Relief for kharif crops due to rain in Pune division | Agrowon

पुणे विभागात पावसामुळे खरीप पिकांना दिलासा
टीम अॅग्रोवन
बुधवार, 22 ऑगस्ट 2018

पुणे ः गेल्या आठवड्यात झालेल्या पावसामुळे तूर, मूग, उडीद, बाजरी, सोयाबीन, भात, कपाशी या पिकांना दिलासा मिळाला. सध्या ही पिके वाढीच्या अवस्थेत आहे. येत्या काळात आणखी पाऊस झाल्यास पिकांची जोमदार वाढ होऊन उत्पादनात काही अंशी वाढ होण्याची शक्यता आहे.

पुणे ः गेल्या आठवड्यात झालेल्या पावसामुळे तूर, मूग, उडीद, बाजरी, सोयाबीन, भात, कपाशी या पिकांना दिलासा मिळाला. सध्या ही पिके वाढीच्या अवस्थेत आहे. येत्या काळात आणखी पाऊस झाल्यास पिकांची जोमदार वाढ होऊन उत्पादनात काही अंशी वाढ होण्याची शक्यता आहे.

खरीप हंगामात सुरवातीच्या काळात काही ठिकाणी हलका ते मध्यम स्वरूपाचा पाऊस पडला होता. त्यामुळे अनेक शेतकऱ्यांनी खरिपाच्या पेरण्या केल्या होत्या. मात्र, नंतर पावसाने ओढ दिल्यानंतर पिकांची काही प्रमाणात वाढ खुंटली होती. अनेक ठिकाणी पिके सुकत असल्याची स्थिती होती. मागील आठवड्यापासून पुणे विभागातील नगर, पुणे, सोलापूर जिल्ह्यातील बहुतांशी भागात मध्यम ते जोरदार स्वरूपाच्या सरी बरसल्या. त्यामुळे खरिपातील पिकांना बऱ्यापैकी दिलासा मिळाला. विभागात सरासरीच्या सात लाख ८८ हजार ४८० हेक्टरपैकी सात लाख ९३ हजार २५० हेक्टर म्हणजेच शंभर टक्के पेरणी झाल्यामुळे या सर्व क्षेत्रावरील पिके वाढीच्या अवस्थेत आहेत.

नगर जिल्ह्यात अकोले तालुक्यात ११ हजार ३६९ हेक्टरवर भात रोपांची पुनर्लागवड झाली आहे. बाजरी, भात पीक फुटवे फुटण्याच्या अवस्थेत आहे. मूग पीक काही ठिकाणी फुलोरा ते दाणे भरण्याच्या अवस्थेत आहे. काही ठिकाणी मूग पिकांवर किडीचा प्रादुर्भाव झाला आहे. उडीद पीकही फलोरा अवस्थेत आहे. भूईमूग पीकवाढीच्या अवस्थेत आहे. गेल्या आठवड्यापर्यंत पाऊस नसल्यामुळे कापूस पिकांची वाढ खुंटली होती. मात्र, आता पाऊस झाल्यामुळे काही प्रमाणात दिलासा मिळाला आहे. अनेक ठिकाणी बोंड अळीचा प्रादुर्भाव दिसून येत आहे.

शिरूर, दौंड, इंदापूर, बारामती व पुरंदर या तालुक्यांत मूग, उडीद, कापूस, सोयाबीन पिके वाढीच्या अवस्थेत आहेत. सोलापूर जिल्ह्यातील अक्कलकोट, बार्शी व दक्षिण सोलापूर या तालुक्यात पेरणी झालेले मूग व उडीद पिके फुलोऱ्यांच्या अवस्थेत आहे. तूर, सोयाबीन, सूर्यफूल ही पिके वाढीच्या अवस्थेत आहे. उर्वरित तालुक्यात पिकांची पेरणी उशिरा झालेली असून पिके वाढीच्या अवस्थेत आहे. मूग, उडीद व सोयाबीन पिकावर मावा किडीचा प्रादुर्भाव झाला आहे.

अजूनही भात पिकांच्या लागवडी सुरू
पुणे जिल्ह्यातील पश्चिम पट्यात सुमारे ५७ हजार ३३४ हजार हेक्टरवर भाताची पुनर्लागवड झाली असून पिके वाढीच्या अवस्थेत आहेत. काही ठिकाणी मजुरांअभावी पुनर्लागवडी लांबल्या असून, अजूनही भात पिकांच्या लागवडी सुरू आहेत.

इतर बातम्या
परभणी : धरणांच्या जलाशयातील उणे...परभणी ः वाढते तापमान, बेसुमार उपसा, वेगाच्या...
नाशिक : पाणीटंचाई आणि चाऱ्याच्या...अंबासन, जि. नाशिक : बागलाण परिसरातील गावागावांत...
देगावात दुष्काळाचा फळबागांना मोठा फटकावाळूज, जि. सोलापूर : यंदाच्या भीषण दुष्काळाचा...
वऱ्हाडाला केंद्रीय मंत्रिपदाची अपेक्षाअकोला : या लोकसभा निवडणुकीत पुन्हा एकदा मतदारांनी...
कीड व्यवस्थापनासाठी निंबोळी अर्काचा...नांदेड ः निरोगी मानवी आरोग्यासाठी शेतकऱ्यांनी...
केंद्रीय मंत्रिपदासाठी शिवसेनेच्या...मुंबई : अनंत गिते, आनंदराव अडसूळ, चंद्रकांत...
कॉँग्रेस नेते मुख्यमंत्रिपदाची स्वप्ने...नगर  ः कॉँग्रेसचे महाराष्ट्रातील नेते...
सरसकट कर्जमाफीसाठी सरकारला विनंती करू ः...शेटफळगढे, जि. पुणे : यूपीए सरकारच्या काळात आपण...
रत्नागिरी, कर्नाटक हापूसचा हंगाम अंतिम...पुणे  : ग्राहकांची विशेष पसंती असलेल्या...
नगर जिल्ह्यात दुष्काळी स्थितीमुळे...नगर ः उसासोबत ज्वारीचे आगार म्हणून ओळख असलेल्या...
विमा कंपन्यांच्या अधिकाऱ्यांसमवेत १...अमरावती : विमा कंपन्यांच्या हेकेखोरपणापुढे...
यवतमाळ बाजार समितीत हळद खरेदीस प्रारंभयवतमाळ  ः जिल्ह्यात हळदीखालील क्षेत्रात वाढ...
गोकुळकडून गायीच्या दूध खरेदी दरात २...कोल्हापूर: कोल्हापूर जिल्हा दूध संघाने (गोकुळ)...
शेतकऱ्यांना व्यापारी करण्यावर भर: कृषी...बारामती, जि. पुणे ः आपल्याकडे पिकणाऱ्या प्रत्येक...
तीस टन हापूसची रत्नागिरीतून थेट निर्यातरत्नागिरी ः रत्नागिरीतील प्रक्रिया केंद्रातून...
उन्हाचा चटका; उकाडा नकोसापुणे : मे महिन्याच्या सुरवातीपासून कमाल तापमान...
पूर्वमोसमी वळीवाच्या सरींचाही दुष्काळपुणे: उन्हाच्या झळा वाढल्याने राज्याला तीव्र...
ग्राम स्तरावरील पीककापणी प्रयोग रद्द !पुणे: राज्यात येत्या खरिपात पीकविम्यासाठी ग्राम...
दुष्काळ पाहूनही मदतीचं आश्वासन नाय दिलंकोल्हापूर/सांगली ः गेल्या महिन्यात आमच्याकडं...
पराभव मान्य; पण लढाई संपलेली नाही... :...राज्यातील शेतकरी चळवळीचा चेहरा असलेले स्वाभिमानी...