agriculture news in marathi, remove GST on Soyameal demands poultry industry | Agrowon

सोयामिलवरील जीएसटी मागे घ्यावा
टीम अॅग्रोवन
सोमवार, 29 जानेवारी 2018

नाशिक : शेतीमालावर जीएसटी नसताना सोयामीलवरही तो नसावा. यामुळे लहान-मोठ्या सर्वच पोल्ट्रीधारकांचा उत्पादनखर्च वाढत अाहे. सोयामीलवरील जीएसटी रद्द करावा, अशा आशयाचे निवेदन पोल्ट्री फार्मर्स अॅंड ब्रीडर्स असोसिएशनने राज्याचे पशुसंवर्धनमंत्री महादेव जानकर यांना दिले आहे.

नाशिक : शेतीमालावर जीएसटी नसताना सोयामीलवरही तो नसावा. यामुळे लहान-मोठ्या सर्वच पोल्ट्रीधारकांचा उत्पादनखर्च वाढत अाहे. सोयामीलवरील जीएसटी रद्द करावा, अशा आशयाचे निवेदन पोल्ट्री फार्मर्स अॅंड ब्रीडर्स असोसिएशनने राज्याचे पशुसंवर्धनमंत्री महादेव जानकर यांना दिले आहे.

पोल्ट्री प्रदर्शनाच्या उद्‍घाटनासाठी नुकतेच मंत्री श्री. जानकर येथे आले होते. त्या वेळी असोसिएशनचे अध्यक्ष सी. वसंतकुमार, सचिव डॉ. प्रसन्न पेडगावकर यांच्यासह असोसिएशनचे पदाधिकारी आणि पोल्ट्री उद्योजक श्रीकृष्ण गांगुर्डे, उद्धव आहिरे, राजेंद्र थोरात, अरुण पवार यांच्यासह शेतकरी प्रतिनिधी बापू गुंजाळ, मनोज कापसे आदी उपस्थित होते. पोल्ट्री उद्योगाचा प्रमुख कच्चा माल असलेल्या सोयामीलच्या दरात ३४ हजार प्रतिटनापर्यंत वाढ झाली आहे. सध्या सोयामीलवर पाच टक्के जीएसटी आकारला जात असून, त्या माध्यमातून प्रतिटन सुमारे दीड हजार रुपये सोयामील महाग झाले आहे, असे असोसिएशनने म्हटले आहे.

निवेदनातील अन्य मागण्या...

  •  बाजार समितीच्या आवाराबाहेर मका खरेदी करणाऱ्या पोल्ट्रीधारक शेतकऱ्यांना सेस भरण्याच्या नोटिसा पाठवल्या जात आहे. पोल्ट्रीधारक मका उत्पादकांकडून थेट खरेदी करतात. यामुळे शेतकऱ्यांना व्यापाऱ्याऐंवजी थेट पर्याय उपलब्ध असून, किफायती मोबदला मिळत आहे. त्यामुळे पोल्ट्रीधारकांकडील मका खरेदीवरील सेस आकारणी रद्द व्हावी.
  •  थेट चिकन विक्रीसंदर्भात नगरपंचायती क्षेत्रात आडकाठी केली जात असून, संबंधित यंत्रणांकडून दुकान सुरू करण्यासाठी परवानगी नाकारली जात आहे. महापालिकांप्रमाणेच नगर परिषदा, नगर पंचायती क्षेत्रात थेट चिकन विक्रीसाठी खास झोन उपलब्ध करून द्यावेत.
  •  अनेक पोल्ट्रीधारकांना ग्रामपंचायतींकडून व्यवसाय सुरू करण्यासाठी लागणाऱ्या ना हरकत प्रमाणपत्राबाबत टाळाटाळ करण्यात येत आहे. काही सुरू असलेले फार्मदेखील बंद करण्याच्या नोटिसा पाठवल्या जात आहे. याबाबत ठोस नियमावली तयार करावी आणि प्रदूषण नियामक मंडळ आणि स्थानिक स्वराज्य संस्थांच्या समन्वयाने नेमके नियम व अटी जारी करावेत.
  •  तेलंगणा सरकारच्या धर्तीवर राज्याच्या सरकारी गोदामात पडून असलेले धान्य उदा. मका, बाजरी महाराष्ट्रातील पोल्ट्री उद्योगासाठी माफक दरात पुरवावे. आधारभावाने खरेदी केलेला मका योग्य वेळेत थेट पोल्ट्रीधारकांनाच अनुदानित दराने पुरवावा.
  •  लहान व मध्यम शेतकऱ्यांना पोल्ट्रीसाठीच्या खेळत्या भांडवलाकरिता पीककर्जाचा दर्जा मिळावा आणि ते सध्याच्या दहा ते बारा टक्क्यांवरून सहा ते आठ टक्के दराने मिळावे.
  •  औद्योगिक वापरासाठी एकीकडे वीस टक्क्यांची वीज दरवाढ असताना, पोल्ट्रीसाठी मात्र तब्बल ७० टक्क्यांनी दरवाढ केली आहे. ती मागे घ्यावी. शेतीपूरक व्यवसायाचे निकष लावून रास्त दरात वीज द्यावी.

इतर ताज्या घडामोडी
औरंगाबादेत प्रतिक्विंटल वांगी १००० ते...औरंगाबाद : येथील कृषी उत्पन्न बाजार समितीमध्ये...
ज्याची पेरणी करू त्याचे दर सुधारतील का?जालना : गुलाबी बोंड अळीच्या संकटाने चिंतेत असलेले...
पुणे विभागातील १७ तालुक्यांत तीव्र...पुणे : पुणे विभागात पाणीटंचाई दिवसागणिक वाढतच आहे...
मागील हंगाम वाया गेला; यंदा चांगले... नंदुरबार ः जिल्ह्यात मागील हंगामाच्या तुलनेत...
निविष्ठा बाजारात उपलब्ध; पण हाती पैसा... नांदेड ः हरभरा, तुरीचे चुकारे अडकले आहेत. पीक...
नगरमध्ये काँग्रेसचे सरकार विरोधात विश्‍...नगर  ः ‘भाजप सरकारने सामान्य लोकांचा विश्‍...
पदोन्नतीपात्र अधिकाऱ्यांनी हातोहात...नागपूर  : विदर्भात काम करण्यास अनुत्सुक...
दूध दरवाढ आंदोलनासाठी शेतकरी संघर्ष...वैजापूर, जि. औरंगाबाद  : दूधदराच्या प्रश्‍...
शेतकऱ्यांनी शेतात भाजपचे झेंडे पेरावेत...बुलडाणा (प्रतिनिधी) ः शासनाने जाहीर केलेल्या...
राज्यातील शेतकऱ्यांना मिळणार १४ नवे वाणदापोली, जि. रत्नागिरी  : राज्याचे कृषी...
अर्जुन लागवडीसाठी निवडा दर्जेदार रोपेअर्जुन हा वृक्ष वनशेतीसाठी उत्तम आहे. अर्जुन...
कृषी, परराष्ट्र, रोजगार, इंधनाच्या...नवी दिल्ली : मागील चार वर्षात मोदी सरकार...
पिवळी डेझी लागवड कशी करावी?पिवळी डेझी (गोल्डन रॉड) हे अत्यंत कणखर पीक आहे....
निशिगंध लागवडीसाठी निचरा असलेली जमीन...निशिगंध पिकाची लागवड सोपी असून, तिचा लागवड खर्चही...
काळी मिरी कशी तयार करतात?काळी मिरीच्या वेलांची लागवड केल्यानंतर तीन...
वनस्पतींना रोगापासून वाचविण्यासाठी...वनस्पती आणि रोगकारक सूक्ष्मजीव यांच्यामध्ये...
शेतीमालाला रास्त भाव मिळेपर्यंत एल्गार...नगर : भाजप सरकार भांडवलदार उद्योगपती धार्जिणे...
शेतकरीप्रश्नी सरकारला गांभीर्य नाहीच :...पुणे  ः केंद्र आणि राज्य सरकार हेवत असून,...
शेतकऱ्यांना शहाणपणा शिकविण्याची गरज...पुणे : देशात आणि राज्यात शेतकरी तंत्रज्ञान...
एक जूनच्या संपात शेतकरी संघटना नाही :... पुणे ः देशात १ जून ते १० जूनदरम्यान पुकारण्यात...