agriculture news in Marathi, remove stock limit on sugar stock will help to price rise, Maharashtra | Agrowon

साठा मर्यादा हटविल्याने साखरदरात वाढ होण्याची शक्यता
टीम अॅग्रोवन
शनिवार, 23 डिसेंबर 2017

पुणे : केंद्र सरकारने साखरेवरील साठा मर्यादा (स्टॉक लिमिट) हटविल्यामुळे पुढील काही महिन्यांत साखरेच्या भावात वाढ होण्याची शक्यता आहे, अशी माहिती बाजारपेठेच्या सूत्रांनी दिली. 

ऑल इंडिया शुगर ट्रेड असोसिएशनच्या म्हणण्यानुसार, साठा मर्यादा(स्टॉक लिमिट) हटविल्यामुळे बाजारपेठेत तेजीसाठी अतिशय सकारात्मक वातावरण तयार झाले आहे. मर्यादा हटविताच साखरेचे दर काही तासांत वाढणार नाहीत. मात्र, जानेवारीनंतर दरात किमान प्रतिक्विंटल २०० रुपयांनी वाढ अपेक्षित आहे. 

पुणे : केंद्र सरकारने साखरेवरील साठा मर्यादा (स्टॉक लिमिट) हटविल्यामुळे पुढील काही महिन्यांत साखरेच्या भावात वाढ होण्याची शक्यता आहे, अशी माहिती बाजारपेठेच्या सूत्रांनी दिली. 

ऑल इंडिया शुगर ट्रेड असोसिएशनच्या म्हणण्यानुसार, साठा मर्यादा(स्टॉक लिमिट) हटविल्यामुळे बाजारपेठेत तेजीसाठी अतिशय सकारात्मक वातावरण तयार झाले आहे. मर्यादा हटविताच साखरेचे दर काही तासांत वाढणार नाहीत. मात्र, जानेवारीनंतर दरात किमान प्रतिक्विंटल २०० रुपयांनी वाढ अपेक्षित आहे. 

''साखर बाजारातील मागणी व पुरवठ्याचे नियोजन सरकारने लक्षात घेऊन काही बदल केले आहेत. ते चांगले आहेत. यामुळे साखरेचा साठा करण्यास व्यापारी तयार होतील. स्टॉक लिमिट हटविण्याची मागणी असोसिएशनचीच होती व ती मान्य करण्यात आली. त्याचप्रमाणे आता आयातकरदेखील दहा टक्क्यांनी वाढवावा, असेही शुगर ट्रेड असोसिएशनचे म्हणणे आहे. 

साखर बाजाराचे अभ्यासक योगेश पांडे यांनी सांगितले, की स्टॉक लिमिट रद्द करण्याचे धोरण स्वागतार्ह आहे. मात्र, हा निर्णय झाल्यामुळे साखरेच्या दरात सध्या काहीही परिणाम झालेला नाही.  

 "आता व्यापारी स्टॉक करतील. मात्र, बाजारातील उपलब्धतेवर कुठे तरी नियंत्रण हवेच. अन्यथा यातून बाजारात भरमसाठ माल उतरणे किंवा अकारण स्पर्धादेखील होऊ शकते. सरकारने आता बफर स्टॉक करणे किंवा निर्यातीला प्रोत्साहन देणे, असे उपाय न केल्यास पुढे स्थिती गंभीर होण्याची शक्यता आहे, असे पांडे म्हणाले. 

राज्यातील साखर कारखान्यांनी मात्र साखर टप्प्याटप्याने विकावी, असा सल्ला साखर उद्योगातील अभ्यासक व विस्माचे अध्यक्ष बी. बी. ठोंबरे यांनी दिला आहे. ''साखरेचे भाव पुढील काही दिवसानंतर प्रतिक्विंटल २००-३०० रुपयांनी वाढलेले दिसतील. त्यामुळे सध्या प्रतिक्विंटल ३००० ते ३१०० रुपयांनी साखर कारखान्यांचे सुरू असलेले विक्री दर पुढे ३४००-३५०० रुपये होण्यास पोषक स्थिती आहे. त्यामुळे साखर कारखान्यांनी विक्रीची घाई करू नये, असे श्री. ठोंबरे म्हणाले. 

''साखर व्यापारी फक्त टेंडर काढून रेट ओपन करतात; मात्र माल उचलत नाहीत. त्यामुळे बाजारात चुकीचा संदेश जातो. आमच्या मते गाळप बंद होण्याच्या कालावधीत साखरेचे भाव वाढतील. त्यामुळे साखर कारखान्यांनी भावपातळी पाहून विक्रीचे नियोजन करावे, असाही सल्ला श्री. ठोंबरे यांनी दिला. 

साखरसाठा केवळ ३५ लाख टन
देशात खूप साखरसाठा आहे, अशी आवई उठविण्यात आली आहे. यंदा देशाचे साखर उत्पादन २५० लाख टन राहण्याचा आमचा अंदाज होता. सरकारचा अंदाज २४९ लाख टनांचा आहे. मुळात आपला सुरवातीचा साठा ७०-७५ लाख टनांचा असतो. पण, यंदा तो केवळ ३५ लाख टनांचा आहे. देशाचा वापर २५५ लाख टनांचा आहे. त्यामुळे देशात भरपूर उपलब्धता किंवा पुढील वर्षी जादा कॅरी फॉरवर्ड स्टॉक राहणे असे काहीही होणार नाही, असे विस्माचे अध्यक्ष ठोंबरे यांनी स्पष्ट केले आहे. 
 

इतर अॅग्रो विशेष
वीज पडून जाणारे जीव वाचवामागील जूनपासून सुरू झालेला नैसर्गिक आपत्तींचा कहर...
जल व्यवस्थापनाच्या रम्य आठवणीजलव्यवस्थापनाचे धडे घेण्यासाठी कुठलेही पुस्तक...
कापूस उत्पादकतेत भारताची पीछेहाटजळगाव ः जगात कापूस लागवडीत पहिल्या क्रमांकावर...
अडीच कोटींचे अनुदान ‘हरवले’पुणे : राज्यातील शेतकऱ्यांना वाटण्यासाठी केंद्र...
उन्हाचा चटका काहीसा कमी पुणे ः गेल्या दोन दिवसांपासून उन्हाच्या चटक्यात...
ऊस पट्ट्यात द्राक्ष शेतीतून साधली...लातूर जिल्ह्यातील आनंदवाडी (ता. चाकूर) हे गाव ऊस...
खारपाणपट्ट्यात कृषी विद्यापीठाने दिला...खारपाणपट्ट्यात विविध हंगामात पिके घेण्यावर...
शेतीमाल दरवाढीचे लाभार्थी सधन शेतकरीचमिलिंद मुरुगकर यांनी अटलबिहारी वाजपेयी यांच्या...
व्यवस्था परिवर्तन कधी?सतराव्या लोकसभेची निवडणूक सध्या सुरू आहे. एक...
राज्यातील दहा मतदारसंघांत आज मतदानपुणे ः लोकसभा निवडणुकीच्या दुसऱ्या टप्प्यात...
मराठवाड्यात सव्वाचार लाख जनावरे चारा...औरंगाबाद : गत आठवड्याच्या तुलनेत औरंगाबाद, बीड व...
नुकसानीचे पंचनामे होणार केव्हा?जळगाव  ः खानदेशात सलग तिसऱ्या दिवशी म्हणजेच...
जीपीएसद्वारे टँकर्सचे नियंत्रण करा ः...मुंबई : राज्यातील धरण व तलावांमध्ये उपलब्ध...
राज्यात कोरड्या हवामानाचा अंदाजपुणे : पूर्वमोसमी पावसाच्या सर्वच भागात हजेरी...
चीनची दारे भारतीय केळीसाठी बंदच जळगाव ः अतिथंडी व फी जारियम विल्ट या रोगामुळे...
वादळी पावसाने दाणादाणपुणे  : सोसाट्याचा वारा, मेघगर्जना, विजा,...
उत्पादन वाढले; पण उठाव ठप्पशेतकऱ्यांच्या दृष्टीने चालू ऊस हंगाम फारसा ठीक...
शुभवार्तांकनावर शिक्कामोर्तबअर्धा देश दुष्काळाने आपल्या कवेत घेतला आहे....
'कोरडवाहू'साठी एक तरी शाश्‍वत पीक...माझ्याकडे उत्तम बागायतीची सुविधा असून, गेल्या २०-...
खानदेशात चाराटंचाईचे संकटजळगाव : खानदेशातील पशुधनाच्या रोजच्या गरजेपेक्षा...