agriculture news in marathi, Report to the Government, attention to compensation | Agrowon

नुकसानीचा अहवाल शासनाकडे, भरपाईकडे लक्ष
टीम अॅग्रोवन
रविवार, 21 एप्रिल 2019

केळीचे नुकसान चोपडा, यावलमध्ये झाले. सुसाट वाऱ्यात केळीचे खांब मोडले. त्यात संबंधित झाडाचे १०० टक्के नुकसान झाले. कारण केळी भुईसपाट झाली, की त्याचा घड कुणी खरेदी करीत नाही. ही बाब लक्षात घेऊन विमाधारकांना नुकसान भरपाई मिळावी. त्याबाबतचे पंचनामे लवकर उरकले जावेत. 
- संजय चौधरी, केळी उत्पादक, खेडी खुर्द (जि. जळगाव)

जळगाव : खानदेशात वादळासह अवकाळी पावसाने केळी, बाजरी, आंबा, मका, बिजोत्पादनाचा कांदा व भाजीपाला पिकांचे मोठे नुकसान झाले. यासंदर्भातील अहवाल तातडीने तयार करून तो शासनाकडे जिल्हा प्रशासनाने दिला आहे. सुमारे ३२५ हेक्‍टरवर नुकसान झाल्याची माहिती आहे. नुकसान भरपाई कशी, केव्हा आणि कुठल्या निकषानुसार जाहीर होणार?, याकडे शेतकऱ्यांचे लक्ष आहे. 

शेतकऱ्यांनी वादळात जमीनदोस्त झालेल्या केळीसंबंधी विमा कंपनीकडे तक्रारी केल्या आहेत. परंतु कंपनीसह प्रशासनाकडून प्रतिसाद मिळाला नसल्याची माहिती आहे. जळगाव जिल्ह्यात सुमारे २५० हेक्‍टरवरील पिकांचे नुकसान झाले. जिल्ह्यात ७५ गावांमधील २०८ हेक्‍टरवरील केळी पिकाचे नुकसान झाले. चोपडा तालुक्‍यातील ४४ गावांमध्ये केळीला फटका बसला. त्याखालोखाल मका पिकाचे २२.७ हेक्‍टर, तर लिंबाचे १३ हेक्‍टर नुकसान झाले. 

ज्या बागेत केळीचे खांब मोडले, तेथे १०० टक्के नुकसान झाले. १५०० झाडांमध्ये १५० ते २०० झाडे मोडल्याचे प्रकार यावल, रावेर, चोपडा व नंदुरबारमधील शहादा, धुळ्यातील शिरपुरात घडले आहेत. यात ज्यांनी विमा संरक्षण घेतले आहे, त्यांनी विमा कंपनीकडे टोल फ्री क्रमांकावर तक्रार करून पंचनाम्यांची मागणी केली आहे. परंतु अजूनही या भागात विमा भरपाईसंबंधीचे पंचनामे झाले नसल्याची माहिती मिळाली. 

खानदेशात १४ ते १६ एप्रिल यादरम्यान वादळ अधिक झाले. साक्री तालुक्‍यात शेडनेट, पॉलिहाउसला मोठा फटका बसला. यासंदर्भातील नुकसानीसंबंधी शेतकऱ्यांनी विमा कंपनीला सूचना दिली. 

वादळानंतर दोन दिवस प्रशासनाने दखल घेतली नव्हती. परंतु नंतर तलाठ्यांसह तहसीलदारांकडून पंचनामा करण्यात आल्याचा दावा जळगाव जिल्हा प्रशासनाने केला. ७५ गावांतील ४९३ शेतकरी बाधित ठरले आहेत. त्याची माहिती शासनाला सादर केल्याचे सांगण्यात आले. धुळ्यात बिजोत्पादनाचा कांदा, आंबा व बाजरी पिकाचे नुकसान झाले. तर नंदुरबारातही केळी, बिजोत्पादनाचा कांदा व बाजरी, मका पिकाचे नुकसान झाल्याचे सांगण्यात आले. 

इतर बातम्या
वर्धा : रोजगारासाठी स्थलांतरामुळे गावं...वर्धा : शेतीपूरक दुग्ध व्यवसायाच्या माध्यमातून...
गावाेगावी पाण्याच्या टॅंकरकडं नजरानगरः तलाव, धरणं कोरडी पडली. कधीच आटल्या नाहीत,...
सेंद्रिय पशुपालन पक्ष्यांच्या...फिनलँड येथील युनिव्हर्सिटी ऑफ हेलसिंकी येथील...
शिकारीमुळे स्थानिक अन्नसुरक्षेवर होतोय...वर्षावनातील जंगलांमध्ये मोठ्या प्रमाणात होत...
नाशिकला डोंगराची काळी मैना विक्रीसाठी...नाशिक : आदिवासी भागात सध्या मोठ्या प्रमाणावर...
सिन्नर तालुक्यातील छावण्यांमध्ये १०९४...नाशिक : नाशिक जिल्ह्यात गेल्या महिण्याभरापासून...
सावळी मोहितकर ग्रामस्थांनी लोकवर्गणीतून...नागपूर ः शासन, प्रशासन आणि लोकप्रतिनिधी स्तरावर...
हळदीला १० हजार रुपये क्विंटल हमीभाव...नांदेड : राज्य आणि केंद्र सरकारने हमीभावाच्या...
यवतमाळ जिल्ह्यात अधिग्रहित विहिरींना...उमरखेड, यवतमाळ ः पाणीटंचाई निवारण्यासाठी म्हणून...
चिखलीतील तेल्हारा धरणाच्या गेटदुरुस्तीस...बुलडाणा ः पाटबंधारे विभागांतर्गत असलेल्या चिखली...
हिंगोली : टॅंकरद्वारे ५६ हजार...हिंगोली : जिल्ह्यातील पाणीटंचाईची समस्या गंभीर...
अंबाबरवा अभयारण्यात चार वाघांचे दर्शनअकोला ः मेळघाट व्याघ्र प्रकल्पांतर्गत येत...
गंगापुरात बनावट खतसाठा जप्तऔरंगाबाद : जिल्ह्यातील गंगापूर येथील एका खत...
सहकार आयुक्तालयातील नियुक्त्यांचे घोळ...पुणे  : दुष्काळ, कर्जमाफी आणि घसरलेले...
चारा, पाण्याची व्यवस्था करा : आमदार...सांगोला, जि. सोलापूर  : राज्यात दुष्काळी...
संत्रा बाग वाळल्याने नयाखेडा येथील...अमरावती ः चार बोअरवेल घेतले, इतरांच्या...
गाळ उपसण्यासाठी गावकऱ्यांचे ‘एकीचे बळ'संगमेश्‍वर, जि. रत्नागिरी : ‘एकीचे बळ मिळते फळ’...
सोलापूर, माढ्याचा निकाल उशिरासोलापूर : लोकसभा निवडणुकीची मतमोजणी गुरुवारी...
झाडावर नाही, काळजावर घाव पडतात नगर ः ‘‘दहा वर्षांपूर्वी संत्र्याची लागवड केली...
दुष्काळ निवारणाच्या उपाययोजनांची माहिती...मुंबई : दुष्काळासंदर्भात उत्तर देण्यासाठी...