विदर्भ, खानदेशच्या उत्तर भागांतून मॉन्सून परतला

मॉन्सून परतण्यास प्रारंभ
मॉन्सून परतण्यास प्रारंभ

पुणे : गेल्या महिन्यात सुरू झालेल्या परतीच्या पावसाने अखेर रविवारी (ता.15) राज्यातील विदर्भ आणि खानदेशातील काही भागांतून माघार घेतली आहे. चार ते पाच दिवस राज्यात काही ठिकाणी हवामान ढगाळ राहणार असून, तुरळक ठिकाणी हलका ते मध्यम स्वरूपाचा पाऊस पडेल, असे हवामान विभागाच्या सूत्रांनी सांगितले. दरम्यान, रविवारी पुण्यासह राज्यातील काही ठिकाणी पावसाने हजेरी लावली.

गेल्या वर्षीही 15 ते 27 सप्टेबर या कालावधीत परतीच्या पावसास सुरवात झाली होती. त्यानंतर सतरा ते अठरा दिवस टप्प्याटप्प्याने वाटचाल करत अखेर 14 ते 15 सप्टेंबर रोजी परतीच्या पावसाने माघार घेतली होती. यंदाही पावसाने माघार घेण्यास सुमारे 17 ते 18 दिवस शेतकऱ्यांना वाट पाहावी लागली. गेल्या 27 सप्टेंबरपासून राजस्थानच्या पश्‍चिम भागातून परतीच्या पावसास सुरवात झाली होती.

त्यानंतर 30 सप्टेंबर रोजी हा परतीचा पाऊस उत्तराखंड, दिल्ली, उत्तर प्रदेश, गुजरात या भागात दाखल झाला होता. दहा ऑक्‍टोबरला याच भागात थांबत बहुतांशी ठिकाणी हा पाऊस पडला; परंतु 11 ऑक्‍टोबरला पुन्हा हळूहळू पुढे मार्गक्रमण करत 14 ऑक्‍टोबरपर्यंत मध्य प्रदेश आणि उत्तर प्रदेशाच्या अनेक भागांत परतीचा पाऊस दाखल झाला होता. या काळात उत्तरेकडील अनेक भागांत मेघगर्जनेसह जोरदार स्वरूपाचा पाऊस पडला.

सध्या परतीच्या पावसास माघारी जाण्यासाठी पोषक हवामान तयार झाले आहे. त्यामुळे बिहार, झारखंड, छत्तीसगड आणि महाराष्ट्रातील विदर्भातील काही भाग, मराठवाडा व खानदेशातील काही भागांतून पावसाने माघार घेतली. मात्र, दोन ते तीन दिवसांत देशातील सर्वच भागातून पाऊस माघारी फिरण्याची शक्‍यता आहे. त्यामुळे कोकण, गोवा, मध्य महाराष्ट्र, मराठवाडा, कर्नाटक, केरळ या भागातही काही ठिकाणी मुसळधार पाऊस पडेल. चार ते पाच दिवस राज्यातील काही भागांत हवामान ढगाळ राहणार असून काही ठिकाणी हलका ते मध्यम स्वरूपाचा पावसाची शक्‍यता हवामान विभागाच्या सूत्रांनी वर्तविली.

कमी दाब क्षेत्राची तीव्रता वाढतेयं सध्या बंगालच्या उपसागरात तयार होत असलेले कमी दाबाचे क्षेत्र तीव्र होत आहे. हे तीव्र होत असलेले क्षेत्र उत्तरेकडे सरकत आहे. त्यामुळे राज्यात शुक्रवारपासून (ता.20) पुन्हा हवामानात चढ-उतार राहणार असून, बहुतांशी ठिकाणी मेघगर्जनेसह काही ठिकाणी अतिवृष्टी होण्याची शक्‍यता हवामान विभागाच्या सूत्रांनी वर्तविली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com