नांदेड, परभणी, हिंगोलीत पावसाचे पुनरागमन

नांदेड, परभणी, हिंगोलीत पावसाचे पुनरागमन
नांदेड, परभणी, हिंगोलीत पावसाचे पुनरागमन

नांदेड ः दीर्घ खंडानंतर नांदेड, परभणी, हिंगोली जिल्ह्यांमध्ये शनिवारी (ता. ११) दुपारनंतर पावसाचे आगमन झाल्यामुळे वाढीच्या, परिपक्वतेच्या अवस्थेतील सुकू लागलेल्या खरीप पिकांना जीवनदान मिळाल्याने शेतकऱ्यांना दिलासा मिळाला. रविवारी (ता. १२) सकाळी आठपर्यंतच्या २४ तासांमध्ये नांदेड, परभणी, हिंगोली जिल्ह्यातील ३० तालुक्यातील १३३ मंडळांमध्ये हलका ते जोरदार पाऊस झाला. नांदेड जिल्ह्यातील धर्माबाद मंडळामध्ये (९६ मिमी) आणि किनवट मंडळामध्ये (६७ मिमी) या दोन मंडळांमध्ये अतिवृष्टी झाली.

नांदेड जिल्ह्यातील सर्व १६ तालुक्यांमध्ये दीर्घ खंडानंतर पावसाचे पुनरागमन झाले. धर्माबाद, किनवट, माहूर, बिलोली, भोकर, मुदखेड, हिमायतनगर, मुखेड, अर्धापूर, नायगाव, कंधार तालुक्यात पावसाचा जोर होता. जिल्ह्यातील ७९ मंडळांमध्ये हलका ते जोरदार पाऊस झाला. परभणी जिल्ह्यातील जिंतूर, गंगाखेड, पालम, पूर्णा, पालम तालुक्यात पावसाचा जोर होता. नऊ तालुक्यांतील ३६ मंडळांमध्ये पावसाने हजेरी लावली. हिंगोली जिल्ह्यातील पाच तालुक्यांतील १७ मंडळांमध्ये हलका ते मध्यम पाऊस झाला. वसमत तालुक्यात पावसाचा जोर अधिक होता.

मंडळनिहाय पाऊस (मिलिमीटरमध्ये)ः नांदेड जिल्हा ः नांदेड शहर १९, नांदेड ग्रामीण २२, वजीराबाद २१, वसरणी १८, तरोडा २०, तुप्पा २०, लिंबगांव १८, विष्णुपुरी १८, अर्धापूर ३६, दाभड २९, मालेगांव १४, हदगांव २४, मनाठा १२, पिंपरखेड ११, निवघा १०, आष्टी ३०, देगलूर २३, खानापूर ९, शहापूर १५, मरखेल ७, मालेगांव ६, हणेगांव ७, हिमायतनगर २७, सरसम २९, जवलगांव २२, माहूर ३२, वाई बाजार ३८, वानोळा १५, सिंदखेड ४६, किनवट ६७, इस्लापूर १४, मांडवी ५२, बोधडी ४०, दहेली ४०, जलधारा ३४, शिवणी ४३, मुदखेड ३६, मुगट १९, बारड ३५, भोकर ४, मोघाळी २०, मातुळ ४१, किनी ३२, उमरी २८, शिंदी १७, गोलेगाव २०, धर्माबाद ९६, जारिकोट ४८, करखेली ५५, बिलोली ४५, लोहगाव ३०, कुंडलवाडी ३०, सगरोळी ३५, आदमापूर २८, नायगांव ३८, नरसी २२, मांजरम ११, बरबडा १८, कुंटूर २१, मुखेड २५, जांब २०, येवती २२, जहूर २२, चांडोला २५, मुक्रमाबाद ३८, बाऱ्हाळी २०, लोहा १०, माळकोळी १३, कलंबर २४, शेवडी ९, सोनखेड ९, कापशी २५.

परभणी जिल्हा ः झरी ६, दैठणा ५, पिंगळी ६, गंगाखेड १०, जिंतूर ९, बामणी १२, बोरी ५, पूर्णा ८, ताडकळस ५, लिमला ५, चुडावा १२, वालूर ६.

हिंगोली जिल्हा ः आखाडा बाळापूर ७, वारंगा फाटा ११, गोरेगाव ६, वसमत ९, हट्टा १२, गिरगाव १०, टेंभुर्णी २१, आंबा १५, हयातनगर १६, औंढा नागनाथ ६, जवळा बाजार १४, साळणा १७.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com