agriculture news in marathi, Revaluation of unaided agricultural colleges from January | Agrowon

विनाअनुदानित कृषी महाविद्यालयांचे फेरमूल्यांकन जानेवारीपासून
टीम अॅग्रोवन
शुक्रवार, 15 डिसेंबर 2017

पुणे : राज्यातील विनाअनुदानित कृषी महाविद्यालयांच्या फेरमूल्यांकन कामकाजाला पुरी समितीकडून जानेवारीपासून सुरवात होईल, अशी माहिती सूत्रांनी दिली. दरम्यान, मूल्यांकनाचे अहवाल अनेक दिवस दडवून ठेवले जात असल्याचा आरोप खासगी महाविद्यालयांनी केला आहे.

पुणे : राज्यातील विनाअनुदानित कृषी महाविद्यालयांच्या फेरमूल्यांकन कामकाजाला पुरी समितीकडून जानेवारीपासून सुरवात होईल, अशी माहिती सूत्रांनी दिली. दरम्यान, मूल्यांकनाचे अहवाल अनेक दिवस दडवून ठेवले जात असल्याचा आरोप खासगी महाविद्यालयांनी केला आहे.

राज्यातील चार कृषी विद्यापीठांच्या अखत्यारित सध्या अ, ब, क आणि ड दर्जाची १५६ महाविद्यालये आहेत. राहुरीतील महात्मा फुले कृषी विद्यापीठाच्या कार्यक्षेत्रात सर्वांत जास्त म्हणजे ६३ महाविद्यालयेत आहेत. आतापर्यंत 'ड' दर्जाच्या १९ महाविद्यालयांचे पुनर्मूल्यांकन झाले आहे; मात्र या पुनर्मूल्यांकनानुसार विद्यापीठांना कारवाई करण्यात अपयश आले आहे. मूल्यांकनाच्या निष्कर्षानुसार कारवाईला या महाविद्यालयांनी उच्च न्यायालयाकडून स्थगिती आणली आहे.

पुरी समितीकडून ‘क’दर्जाच्या महाविद्यालयांच्या पुनर्मूल्यांकनाचे काम लवकरच सुरू होईल. यात राहुरी येथील विद्यापीठातील १२, अकोला येथील पंजाबराव देशमुख कृषी विद्यापीठातील ४, परभणी येथील वसंतराव नाईक मराठवाडा कृषी विद्यापीठाच्या १५ आणि डॉ. बाळासाहेब सावंत कोकण कृषी विद्यापीठातील सहा महाविद्यालयांच्या समावेश असेल.

मूल्यमापन समितीच्या कामाकडे सध्या महाविद्यालयांचे लक्ष लागून आहे. समितीचे अध्यक्षपद डॉ. सुभाष पुरी यांना देण्यात आलेले आहे. समितीचे काम जानेवारीपासून पुन्हा सुरू होणार आहे. महाविद्यालयांचे शैक्षणिक वर्ष सुरू होण्याच्या आधीच समितीचा अहवाल सादर केला जाईल, अशी माहिती महाराष्ट्र राज्य कृषी शिक्षण व संशोधन परिषदेच्या सूत्रांनी दिली.

पुरी समितीमध्ये भारतीय कृषी संशोधन परिषदेचे उपमहासंचालक डॉ. एन. एस. राठोरे, अकोला येथील कृषी विद्यापीठाचे माजी अधिष्ठाता डॉ. डी. एल. साळे, राहुरी विद्यापीठाचे सहयोगी अधिष्ठाता डॉ. अजितकुमार देशपांडे यांचा समावेश आहे. संबंधित विद्यापीठाच्या व्यतिरिक्त इतर कृषी अधिष्ठाता हा सदस्य सचिव, तर संबंधित विद्यापीठाचा अधिष्ठाता यात समन्वयक म्हणून काम करणार आहे.

मूल्यमापनाचे अहवाल तत्काळ मिळावेत
राज्यातील विनाअनुदानित कृषी महाविद्यालयांना मूल्यमापनाचे अहवाल तत्काळ मिळावेत, अशी मागणी व्यवस्थापनवर्गाकडून होत आहे. मूल्यमापनाच्या मागे सुधारणेचा हेतू असावा; मात्र चुकीने कारवाई झाल्यास पुन्हा न्यायालयात जाण्याचा इशाराही महाविद्यालयांच्या व्यवस्थापनाने दिला आहे.

 महाविद्यालये सतत संभ्रमात
'विद्यापीठांकडून मूल्यमापन केल्यानंतर अहवालातील माहिती लवकर दिली जात नाही. मूल्यमापनात कोणती श्रेणी मिळाली याविषयी विद्यापीठे वेळेत माहिती देत नसल्यामुळे महाविद्यालये सतत संभ्रमात असतात. त्यानंतर थेट कारवाई केली जाते. त्यामुळे या मनमानी पद्धतीला नियंत्रित करण्यासाठी न्यायालयात जाण्याशिवाय पर्याय नसतो, असेही महाविद्यालयांचे म्हणणे आहे.

इतर अॅग्रो विशेष
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...
वाघाड पाणीवापर संस्थांनी शेतीतून उभारले...नाशिक जिल्ह्यात वाघाड प्रकल्पस्तरीय पाणीवापर...