agriculture news in Marathi, Revenue minister also support for Nagar District divide, Maharashtra | Agrowon

नगर जिल्हा विभाजनाला महसूलमंत्रीही सकारात्मक
सूर्यकांत नेटके
रविवार, 4 फेब्रुवारी 2018

नगर ः निवडणुकीपूर्वी नगर जिल्ह्याचे विभाजन होणार असल्याचे वक्तव्य करून पालकमंत्री प्रा. राम शिंदे यांनी राजकीय राळ उठवून दिली होती. त्यात आता ‘नगर जिल्हा विभाजनासंबंधीचा अहवाल आला आहे, अहवाल पाहून जिल्हा आणि आवश्‍यक तेथे तालुका विभाजनाबाबत लोकभावनेवर निर्णय घेणार आहे’, असे सांगून महसूलमंत्री चंद्रकांत पाटील यांनीही जिल्हा विभाजनाच्या चर्चेत भर घातली आहे. लोकसभा आणि विधानसभा निवडणुकीच्या तोडांवर जिल्हा विभाजनाचा विषय पुढे आल्याने लोकभावनेसोबत राजकीय निर्णय असल्याचीही चर्चा सुरू आहे.

नगर ः निवडणुकीपूर्वी नगर जिल्ह्याचे विभाजन होणार असल्याचे वक्तव्य करून पालकमंत्री प्रा. राम शिंदे यांनी राजकीय राळ उठवून दिली होती. त्यात आता ‘नगर जिल्हा विभाजनासंबंधीचा अहवाल आला आहे, अहवाल पाहून जिल्हा आणि आवश्‍यक तेथे तालुका विभाजनाबाबत लोकभावनेवर निर्णय घेणार आहे’, असे सांगून महसूलमंत्री चंद्रकांत पाटील यांनीही जिल्हा विभाजनाच्या चर्चेत भर घातली आहे. लोकसभा आणि विधानसभा निवडणुकीच्या तोडांवर जिल्हा विभाजनाचा विषय पुढे आल्याने लोकभावनेसोबत राजकीय निर्णय असल्याचीही चर्चा सुरू आहे.

राज्याचे महसुलमंत्री चंद्रकांत पाटील विविध कार्यक्रमासाठी शनिवारी नगरमध्ये होते. नगर जिल्ह्यामध्ये सध्या जिल्हा विभाजनाचा विषय चर्चेत आहे. चार दिवसांपूर्वी पालकमंत्री प्रा. राम शिंदे यांनी कोपरगाव तालुक्‍यातील एका कार्यक्रमात जिल्हा विभाजन करणार असल्याचे सांगितले होते. त्यावरूनच जोरदार चर्चा सुरू झाली असताना पुन्हा महसूलमंत्री पाटील यांनी जिल्हा विभाजनाचे समर्थन करत त्यात भर घातली. पत्रकारांच्या एका प्रश्‍नावर बोलताना चंद्रकांत पाटील यांनी सांगितले की, तालुका आणि जिल्हा विभाजनाचा अहवाल प्राप्त झालेला आहे. त्या अहवालानुसार विभाजनाचा निर्णय शासन घेणार आहे.

‘निवडणुकीच्या तोंडावर जिल्हा विभाजनाचा विषय नाही. जिल्हा विभाजनाची खूप जुनी मागणी आहे. आम्ही सत्तेवर आल्यावरच तालुका आणि जिल्हा विभाजनासाठी समिती नियुक्त केली होती. केवळ नगर जिल्ह्याचाच विभाजनाचा विषय नाही तर राज्यातील इतर मोठ्या जिल्ह्यांचा विभाजनाचा विचार आहे. तालुका आणि जिल्ह्यांचा विभाजनाचा अहवाल प्राप्त झाला असून अहवालानुसार योग्य निर्णय सरकार घेईल. सरकारचा तालुका आणि जिल्हा विकेंद्रीकरणाचा विचार आहे.

सांगली जिल्ह्यातील वाळवा तालुक्‍याचं आष्टा उपकेंद्र केलंय, तर जत तालुक्‍याचं आणि चंद्रपूर जिल्ह्यातही उपकेंद्र केले आहेत. जिल्हा विभाजन ही विकासाची गरज असून ठाणे जिल्हा विभाजनाचा ठाण्याला आणि पालघरला फायदा झाला. ऐन निवडणुकीच्या तोंडावर राज्यात जिल्हा विभाजनाची चर्चा सुरू आहे. मात्र जिल्हा विभाजन हे निवडणुका तोंडासमोर ठेवून नाही तर लोकभावनेवर आम्ही निर्णय घेणार आहोत. पालकमंत्री प्रा. शिंदे यांच्या पाठोपाठ महसूलमंत्री प्रा. चंद्रकांत पाटील यांनीही जिल्हा विभाजनाबाबत सकारात्मकता दर्शवली असल्यामुळे ‘आता जिल्हा नक्की होणार’ अशी चर्चा सुरू झाली आहे.

तालुका विभाजनाची मागणी वाढली
नगर जिल्ह्याचे विभाजन करून श्रीरामपूर, कोपरगाव, संगमनेर किंवा शिर्डी यापैकी एक नव्या जिल्ह्याचे मुख्यालय असेल असेही आता लोकांना वाटू लागले आहे. जिल्हा विभाजनासोबत अकोलेमधील राजूर, शेवगावमधील बोधेगाव, पाथर्डीतील तीसगाव, पारनेरमधील सुपा, यासह अन्य मोठ्या गावांला तालुक्‍याचा दर्जा देण्याचीही मागणी पुढे येऊ लागली आहे. मंत्रालयातील अप्पर सचिव यांच्या अध्यक्षतेखाली जिल्हा विभाजन व तालुका विभाजन अशा दोन समित्या केल्या होत्या. त्या समित्यांनी अहवाल सादर केले आहेत. अहवालात काय आहे हे सांगितले जात नसले तरी अहवाल सकारात्मक असल्याचे बोलले जात आहे. 

इतर अॅग्रो विशेष
‘उजनी’तील पाणीसाठा उणे पातळीत सोलापूर  ः सोलापूर जिल्ह्याची वरदायिनी...
राज्यभरात अन्नत्याग आंदोलनमुंबई ः शेतकरी साहेबराव करपे व कुटुंबीयांप्रती...
मार्चनंतरही पणन करणार कापूस बाजारात...यवतमाळ ः शेतकऱ्यांच्या घरातील कापूस विकल्या...
मढी यात्रेला बुधवारपासून प्रारंभनगर ः होळीच्या दिवशी सकाळी कानिफनाथांच्या समाधीला...
दर्जेदार ऊसबेण्याची केली निर्मिती काशीळ (ता. जि. सातारा) येथील उच्चशिक्षित व...
मतदानासाठी सकाळी सात ते सायंकाळी...अकोला ः देशात होत असलेल्या लोकसभा...
कोकणातील आंबा अडकला धुक्याच्‍या फेऱ्यातवेंगुर्ले, जि. सिंधुदुर्ग : ऐन हंगामातच कोकणातील...
विदर्भात वादळी पावसाची शक्यतापुणे : मध्य भारतात होत असलेल्या वाऱ्यांच्या...
हळदीचे दिवसातून दोन वेळा सौदेसांगली ः सांगली बाजार समितीत गेल्या दोन ते...
पदविकाधारकांना कृषिसेवेचे दरवाजे बंद... पुणे : राज्याच्या शेतकरी कुटुंबातील हजारो...
सर्वसामान्यांचा असामान्य नेतामाजी संरक्षणमंत्री आणि गोव्याचे मुख्यमंत्री मनोहर...
सर्जनशीलतेला सलाम!व र्ष २०१७ च्या खरीप हंगामात कापसावर फवारणी...
प्राणघातक हृदयरोगाचे प्रमाण होतेय कमीगेल्या दोन वर्षामध्ये हृदयरोगाला प्रतिबंध आणि...
अन्नत्याग आंदोलनास प्रारंभ : अमर हबीब,...नवी दिल्ली : शेतकरी आत्महत्यांप्रती सहवेदना आणि...
मच्छीमारी व्यवसायाने आणली समृद्धीगणित विषयात पदवी असूनही बेरोजगार राहणं नशिबी आलं...
काबुली हरभऱ्याने उंचावले अर्थकारण चोपडा तालुक्‍यातील (जि. जळगाव) तापी व अनेर...
जत तालुक्यात द्राक्ष, डाळिंब बागा...सांगली : जत तालुक्यात पश्‍चिम भाग वगळता...
प्रकल्प व्यवस्थापकावर कारवाईचे आदेशपुणे : एकात्मिक पाणलोट व्यवस्थापन...
सहवेदना :आज अन्नत्याग आंदोलनयवतमाळ: शेतकरी साहेबराव करपे व कुटुंबीयांप्रति...
उन्हाची काहिली वाढलीपुणे: राज्यात गेल्या काही दिवसांपासून उन्हाची...