कोल्हापुरात दोडका ३०० ते ५०० रुपये दहा किलो

दोडका
दोडका

कोल्हापूर : येथील कृषी उत्पन्न बाजार समितीत या सप्ताहात दोडका, वरण्याच्या दरात तेजी होती. दोडक्‍यास दहा किलोस ३०० ते ५०० रुपये दर वरण्यास दहा किलोस २५० ते ३०० रुपये दर होता. टोमॅटोची दररोज एक ते दीड हजार क्रेट आवक होती. टोमॅटोस दहा किलोस ८० ते १३० रुपये दर होता.  वांग्याची तीनशे ते चारशे करंड्या आवक होती. वांग्यास दहा किलोस १०० ते ४०० रुपये दर होता. गेल्या सप्ताहाच्या तुलनेत बहुतांशी भाजीपाल्याचे दर स्थिर होते. ओल्या मिरचीची दररोज दोनशे ते दोनशे पन्नास पोती आवक झाली. हिरव्या मिरचीस दहा किलोस १५० ते २४० रुपये दर होता. गेल्या आठ ते दहा दिवसांपासून जिल्ह्यात थंडीचे वातावरण असल्याने याचा परिणाम गवारीवर होत आहे.  थंडीमुळे गवारीची वाढ फारशी होत नसल्याने गवारीच्या आवकेत घट झाल्याचे बाजार समितीच्या सूत्रांनी सांगितले. गवारीची दररोज केवळ आठ ते दहा पोती आवक होत आहे. गवारीस दहा किलोस ४५० ते ५०० रुपये दर आहे. गाजराच्या आवकेत गेल्या सप्ताहापासून सातत्य टिकून आहे. सांगली, बेळगाव जिल्ह्यांतून गाजराची दररोज दीडशे ते दोनशे पोती आवक होत आहे. गाजरास दहा किलोस ५० ते २५० रुपये दर मिळत आहे. सातारा भागातून एकशे पंचवीस ते एकशे पन्नास पोती आल्याची आवक झाली. आल्यास दहा किलोस २०० ते २२० रुपये दर होता.  पालेभाज्यांमध्ये कोथिंबिरीची चौदा ते पंधरा हजार पेंढ्यांची आवक होती. कोथिंबिरीस शेकडा २०० ते ३०० रुपये दर होता. कोथिंबिरीच्या दरातही फारशी वाढ दिसून आली नाही. मेथीच्या आवकेत मात्र चांगलीच वाढ होती. मेथीची दररोज वीस ते पंचवीस हजार पेंढ्या आवक झाल्याने दर स्थिर राहू शकले नाहीत. मेथीस शेकडा १५० ते ३०० रुपये दर मिळला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com