agriculture news in marathi, round table conference decide to bring loanwaiver bill | Agrowon

दीडपट हमीभाव, संपूर्ण कर्जमाफीसाठी स्वतंत्र विधेयके
टीम अॅग्रोवन
गुरुवार, 29 मार्च 2018

नवी दिल्ली : उत्पादन खर्चाच्या आधारे शेतीमालास दीडपट हमी मिळण्याचा अधिकार व शेतकऱ्यांची संपूर्ण कर्जमुक्ती ही विधेयके लोकसभा आणि राज्यसभेत मांडण्याचा निर्णय बुधवारी (ता. २८) येथे घेण्यात आला. तत्पूर्वी या विधेयकांचे आठ दिवसांत पुनरावलोकन करण्यासाठी शेतकरी संघटनेसह अन्य सोबतच्या पक्षांच्या खासदारांची समिती नेमण्याचा निर्णयही यावेळी घेण्यात आला.

नवी दिल्ली : उत्पादन खर्चाच्या आधारे शेतीमालास दीडपट हमी मिळण्याचा अधिकार व शेतकऱ्यांची संपूर्ण कर्जमुक्ती ही विधेयके लोकसभा आणि राज्यसभेत मांडण्याचा निर्णय बुधवारी (ता. २८) येथे घेण्यात आला. तत्पूर्वी या विधेयकांचे आठ दिवसांत पुनरावलोकन करण्यासाठी शेतकरी संघटनेसह अन्य सोबतच्या पक्षांच्या खासदारांची समिती नेमण्याचा निर्णयही यावेळी घेण्यात आला.

किसान संघर्ष समन्वय समितीच्या वतीने ही विधेयके संसदेच्या दोन्ही सभागृहांत मांडण्याबाबत चर्चा करण्यासाठी देशभरातील ३०हून अधिक पक्षांच्या प्रमुख नेत्यांची बैठक झाली. त्यावेळी हा निर्णय घेण्यात आला. आठ दिवसांत याबाबत सूक्ष्म अभ्यास करून ही विधयेके लोकसभा व राज्यसभेत मांडण्याचा निर्णय घेण्यात आला. या विधेयकांना उपस्थित सर्वच पक्षांच्या नेत्यांनी पाठिंबा दाखवत यामध्ये सहभागी असल्याचे जाहीर केले.

यावेळी माजी केंद्रीय कृषिमंत्री, खासदार शरद पवार, स्वाभिमानी शेतकरी संघटनेचे खासदार राजू शेट्टी, योगेंद्र यादव यांची प्रमुख उपस्थिती होती. श्री. पवार म्हणाले, की शेतकऱ्यांच्या दृष्टीने महत्त्वाची असलेली ही विधेयके मांडण्याबाबत चर्चा करण्यात येत आहे. ही चांगली गोष्ट आहे. ही विधेयके महत्त्वाची असली तरी याबाबत सूक्ष्म व सर्वांगीण अभ्यास करणे गरजेचे आहे. विधेयके मांडताना यातील बारीकसारीक तपशील घेणे, ते कोणत्याही मुद्यावरून फेटाळले जाऊ नये यासाठी त्याचा अभ्यास करणे गरजेचे आहे. यामुळे सध्या उपस्थित काही खासदारांची एक समिती तयार करून त्यावर अभ्यास करावा, याला फार वेळ लागणार नाही. आठ दिवसांच्या कालावधीत ही विधेयके तयार करून ती दोन्ही सभागृहांत मांडावी लागतील. राज्यसभेत भाजप वगळता अन्य पक्षांची बलाबल जास्त आहे. यामुळे प्रामुख्याने पहिल्यांदा राज्यसभेत ही विधेयके मंजूर करावी लागतील. त्यानंतर ती लोकसभेपुढे ठेवावी लागतील. थोडे प्रयत्न केले तर हे शक्‍य आहे. 

 

खासदार शेट्टी यांनी ही विधेयके का महत्त्वाची आहेत, याबाबत सविस्तर महिती दिली. दर नसल्याने शेतकरी अडचणीत आहेत. त्यातच कर्जाचा भार वाढत असल्याने शेतकऱ्यांत आत्महत्या सुरू आहेत. यामुळे कोणत्याही परिस्थितीत ही विधेयके संमत होण्यासाठी प्रयत्न आवश्‍यक असल्याचे श्री. शेट्टी यांनी सागितले. 

यावेळी कॉंग्रेसचे मोहन प्रकाश, लोकसभेतील कॉंग्रेसचे सभागृह नेते मल्लिकार्जुन खर्गे, शरद यादव, माकपचे ज्येष्ठ नेते खासदार सीताराम येच्युरी, फारुख अब्दुल्ला, कनिमोळी यांच्यासह विविध राजकीय पक्षांचे प्रतिनिधी उपस्थित होते.

इतर अॅग्रो विशेष
आर्थिक स्थैर्याचे अनुकरणीय मॉडेलराज्यातील शेतीमधील समस्यांची यादी केली तर ती खूप...
पॉलिहाउस शेडनेट नायकांची करुण कथाउच्च तंत्रज्ञानाचा वापर करून शेतीत भरघोस नफा...
पाणी व्यवस्थापनासाठी सूक्ष्मजीवांचा...पाणी व्यवस्थापन म्हटले, की आपल्या डोळ्यासमोर ठिबक...
शिवरायांच्या आदर्शावर राज्य कारभार सुरू...पुणे : ‘‘छत्रपती शिवाजी महाराज यांच्या...
वनक्षेत्राने वेढलेल्या भागामध्ये...कृषी क्षेत्रानजीक वनक्षेत्र असलेल्या परिसरामध्ये...
चारा छावण्या लांबणीवरमुंबई: राज्यात दुष्काळ तीव्र होत चालला असला...
विदर्भात वादळी पावसाची शक्यतापुणे  : राज्याच्या किमान तापमानात वाढ होत...
खरीप पीकविमा परतावाप्रश्नी उच्च...परभणी: परभणी जिल्ह्यात २०१७ च्या खरिपातील...
शेतकरी आठवडे बाजारातून विस्तारताहेत...संत शिरोमणी श्री सावता माळी शेतकरी आठवडी...
मार्केटच्या अभ्यासातून गुलाब शेतीत...निमगाव (ता. राहाता) येथील हर्षल प्रभात पाटील या...
आजचा चंद्र हा सर्वांत जवळ : 'ग्रेट...या वर्षी जानेवारी, फेब्रुवारी व मार्च या...
समजून घ्या पाण्याचे महत्त्वपाण्याची समस्या शाश्वत पद्धतीने सोडवण्यासाठी...
जनावरांची तडफड, लोकांचा पाण्यासाठी टाहोसोलापूर ः राज्य शासनाने दुष्काळ जाहीर करून जवळपास...
‘गुणनियंत्रण’विरोधात विखेंचेही पत्र पुणे : राज्याच्या कृषी खात्यातील गुण नियंत्रण...
राज्य बॅंकेकडून साखरेच्या मूल्यांकनात...कोल्हापूर : केंद्राने खुल्या साखरेचे किमान विक्री...
राज्यात उद्या हलक्या पावसाची शक्यतापुणे: वेगाने बदलणारे वातावरण, वाऱ्यांच्या...
प्रेरणा प्रकल्पातून ९० हजार शेतकऱ्यांचे...मुंबई : राज्यातील शेतकरी आत्महत्याग्रस्त १४...
कांद्याच्या ढिगाऱ्यात बुजवून घेत...नाशिक  : कमी पाऊस, दुष्काळी परिस्थिती व...
एका संदेशाने आयुष्य केले बळकटटाकळी ढोकेश्वर, जि. नगर  ः काही तासांपूर्वी...
'दावणीलाही नाही आणि छावणीत नाही; जनावरे...सोलापूर :  मागील सरकारच्या काळात छावणीत...