ग्रामसडक योजनेतून साधणार ग्रामविकास : मुख्यमंत्री

ग्रामसडक योजनेतून साधणार ग्रामविकास : मुख्यमंत्री
ग्रामसडक योजनेतून साधणार ग्रामविकास : मुख्यमंत्री

वर्धा : देशात व राज्यात रस्ते विकासाची कामे वेगात सुरू असून, जूनपर्यंत मुख्यमंत्री ग्रामसडक योजनेअंतर्गत ३० हजार किलोमीटरच्या रस्त्यांची कामे पूर्ण करण्यात येतील, असे मुख्यमंत्री देवेंद्र फडणवीस यांनी सांगितले.

भारतीय राष्ट्रीय महामार्ग प्राधिकरणतर्फे (रस्ते वाहतूक व महामार्ग मंत्रालय) हिंगणघाट येथील टाका मैदान येथे वर्धा व यवतमाळ जिल्ह्यातील रस्तेविकासाच्या विविध कामांचे लोकार्पण व भूमिपूजन कार्यक्रम झाला. या वेळी केंद्रीय परिवहनमंत्री नितीन गडकरी, केंद्रीय गृह राज्यमंत्री हंसराज अहिर, जिल्हा परिषदेचे अध्यक्ष नितीन मडावी, खासदार रामदास तडस, आमदार समीर कुणावर, आमदार अशोक उईके, आमदार राजू तोडसाम, आमदार डॉ. पंकज भोयर, आमदार डॉ. रामदास आंबटकर, नगराध्यक्ष प्रेम बसंतानी आदी उपस्थित होते.

फडणवीस म्हणाले, ‘‘अनेक संकटांवर मात करत शासन शेतकऱ्यांच्या पाठीशी उभे आहे. राज्यात यंदा काही भागात पर्जन्यमान कमी झाले. १८० तालुक्यांत दुष्काळसदृश परिस्थिती जाहीर करण्यात आली. शेतकऱ्यांना वेळोवेळी भरीव मदत देण्यात येत आहे. मात्र जलयुक्त शिवार अभियानअंतर्गत जलसंधारणाच्या झालेल्या विविध कामांमुळे शेतकऱ्यांना लाभ होत आहे. शेतकऱ्यांना २१ हजार कोटी रुपयांची मदत आणि कर्जमाफी देण्यात आली. तीन वर्षांत साडेआठ हजार कोटी रुपयांची धान्य खरेदी करण्यात आली.``

‘‘विदर्भातील सिंचन योजनांसाठी भरीव निधी उपलब्ध करून देण्यात आला. अमरावती येथील टेक्सटाइल पार्कप्रमाणेच विदर्भात अन्यत्रही त्याच्या उभारणीसाठी भरीव निधी देण्यात येईल. याद्वारे रोजगार निर्मितीलाही चालना मिळेल. विदर्भातील नझुल जमिनींच्या संदर्भातील प्रश्‍न सोडविण्यात येणार आहे,`` असेही फडणवीस यांनी सांगितले.

गडकरी म्हणाले, ‘‘स्थानिक युवकांना रोजगार प्राप्त होण्यासाठी सिंदी ड्रायपोर्ट उभारण्यात येत आहे. याद्वारे आयात निर्यातीस चालना मिळणार आहे. येथे ब्रॉडगेज रेल्वेचे डबे बनविण्याचा कारखाना उभारण्यात येईल. शेतकरी आत्महत्या रोखण्यासाठी राज्याची सिंचनक्षमता ५० टक्क्यांवर नेण्याचा मानस असून, जलयुक्त शिवार अभियान राज्यासाठी अतिशय महत्त्वपूर्ण ठरले आहे. १०८ सिंचन प्रकल्प पूर्ण करण्यासाठी भरीव निधी उपलब्ध करून देण्यात आला असून, याद्वारे सिंचनक्षमता नक्कीच वाढेल. राज्यात ब्रिज कम बंधाऱ्यांची कामेही वेगात सुरू आहेत.``

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com