agriculture news in marathi, sale of unregistered products, ban, insecticide, rejected, pune | Agrowon

बिगरनोंदणीकृत उत्पादने विक्रीवर बंदी उठविण्यास नकार
मनोज कापडे
मंगळवार, 17 ऑक्टोबर 2017

'कायद्यानुसार नोंदणी नसलेली कीटकनाशके, खत नियंत्रण कायदा तसेच केंद्रीय कीटकनाशक मंडळाच्या सूचित नसलेली संजीवके, भुसाधरके इतर उत्पादने मान्यताप्राप्त दुकानांमधून विकता येणार नाहीत. हा निर्णय कृषी आयुक्तालयाचा नसून राज्य शासनाचा आहे. आम्हाला कायद्यानुसार कामकाज करावे लागेल, असे आयुक्तांनी स्पष्ट केले आहे.

पुणे : कीटकनाशके कायद्यानुसार नोंदणी नसलेली उत्पादने मान्यताप्राप्त दुकानांमध्ये विक्री करण्यास तात्पुरती मुदतवाढ देण्यास कृषी आयुक्तालयाने ठाम नकार दिला आहे. त्यामुळे आता बिगरनोंदणीकृत उत्पादनांच्या कंपन्या न्यायालयात जाण्याची तयारी करीत असल्याची माहिती सूत्रांनी दिली.

राज्यात कृषी खात्याने परवाना दिलेल्या कृषीसेवा विक्री केंद्रांना नोंदणी नसलेल्या खते, कीडनाशकांची विक्री करण्यास राज्य शासनाने बंदी घातली आहे. यवतमाळमध्ये कीटकनाशकांमधून विषबाधा झाल्याचे प्रकरण घडल्यानंतर हा निर्णय घेण्यात आला. कीटकनाशके कायदा १९६८ च्या यादीत समाविष्ट नसलेल्या बिगर नोंदणीकृत पीकवाढ संजीवकांना तसेच खत नियंत्रण आदेश १९८५ मध्ये समाविष्ट नसलेल्या भूसुधारकांना व इतर उत्पादनांची विक्री यामुळे थांबली आहे.

याबाबत राज्याचे कृषी आयुक्त सच्चिंद्र प्रतास सिंह यांची अॅग्रो इनपुट मॅन्युफॅक्चरर्स असोसिएशनचे अध्यक्ष राजकुमार धुरगुडे पाटील यांनी भेट घेतली. 'बिगर नोंदणीकृत कृषी निविष्ठा विकण्यास प्रतिबंध करणारा आदेश जारी केल्यानंतर शेतक-यांच्या समस्या वाढणार आहेत. त्यामुळे शेतकऱ्यांची उलट फसवणूक होईल. त्यामुळे २०१० च्या शासन निर्णयाप्रमाणे बिगरनोंदणीकृत उत्पादने विकण्यास परवानगी द्या, अशी मागणी असोसिएशनने केली.

कृषी आयुक्तांनी मात्र तशी मान्यता देण्यास ठाम नकार दिला. अर्थात, ही समस्या मांडण्यासाठी तुम्ही इतर पर्यायांचा विचार करावा, असा सल्लाही आयुक्तांनी दिला. 'कायद्यानुसार नोंदणी नसलेली कीटकनाशके, खत नियंत्रण कायदा तसेच केंद्रीय कीटकनाशक मंडळाच्या सूचित नसलेली संजीवके, भुसाधरके इतर उत्पादने मान्यताप्राप्त दुकानांमधून विकता येणार नाहीत. हा निर्णय कृषी आयुक्तालयाचा नसून राज्य शासनाचा आहे. आम्हाला कायद्यानुसार कामकाज करावे लागेल, असे आयुक्तांनी स्पष्ट केले.

बिगरनोंदणीकृत उत्पादनांना परवाना मिळवून देण्यासाठी यासाठी आधीच्या आयुक्तांनीच पुढाकार घेतला होता. त्यासाठी अनेक उत्पादनांच्या चाचण्या राज्यातील चारही कृषी विद्यापीठांच्या प्रक्षेत्रावर घेण्यात आल्या आहेत. या उत्पादनांच्या विषविषयक परीक्षणाचे कामदेखील सुरू आहे. त्यासाठी कंपन्यांनी लाखो रुपये खर्च केले आहेत. त्यामुळे कृषी आयुक्तालयाने घेतलेल्या दुहेरी भूमिकेवर कंपन्यांनी नाराजी व्यक्त केली आहे.

दरम्यान, आता अॅग्रो इनपुट मॅन्युफॅक्चरर्स असोसिएशनकडून न्यायालयात जाण्याची तयारी सुरू आहे. 'शासन याबाबत संभ्रमात टाकणारी भूमिका घेत आहे. आमची उत्पादने कृषी सेवा केंद्रांमधून विकली न गेल्यास ती इतर माध्यमातून विकली जातील. त्यामुळे शेतकऱ्यांची फसवणूक टाळण्यासाठी आता आम्हाला न्यायालयात जावे लागेल, असे असोसिएशनच्या सूत्रांनी स्पष्ट केले.

 

इतर अॅग्रो विशेष
झळा दुष्काळाच्या : शेतशिवार सुने......झळा दुष्काळाच्या ः जिल्हा औरंगाबाद गरज...
पाण्याचे राजकारण कोणीही करणार नाही ः...पुणे: राज्यातील गावा-गावांतील सामान्‍य...
नाशिकच्या आठ तालुक्यांत दुष्काळाचे संकटनाशिक : जुलैच्या पहिल्या आठवड्यात पीकपेरणी करून...
कृषी 'सेवापुलिंग'चे सर्व आदेश रद्दपुणे : कृषी खात्यातील काही महाभागांनी राज्य शासन...
भाताच्या खोडकिडी ल्यूर पाकिटात...चंद्रपूर ः भातावरील खोडकिडीचे पतंग आकर्षित व्हावे...
ग्रामपंचायतींमध्ये पीकनिहाय कृषी संदेश...पुणे: बोंड अळी तसेच पावसाचा खंड असल्यामुळे...
शेतकरी नवराच हवा गं बाई... कोल्हापूर : ‘शेतकरी नवरा नको गं बाई’ म्हणून...
कोकण, मध्य महाराष्ट्राच्या दक्षिण भागात...पुणे : कोकणाच्या सिंधुदुर्ग, रत्नागिरी, मध्य...
‘एमएसीपी’चे फलित काय ?पुणे : जागतिक बॅंकेकडून सुमारे ४५० कोटी रुपयांचे...
एकशेपंचवीस प्रकारच्या देशी बियाणांचा...काळा गहू, काळा हुलगा, लाल उडीद, पांढरे कारळे, साठ...
स्वादयुक्त, निर्यातक्षम आंबेमोहोर...निमझरी (जि. धुळे) येथील मच्छिंद्र, छगन आणि...
केरळला १०० कोटींची मदतकोची : केरळमधील पूरग्रस्त भागाची आज हवाई...
वानरांचा बंदोबस्त करणार कसा? माकडे आणि वानरे हजारो वर्षांपासून जंगलामध्ये,...
योजना चांगली, पण...हा य व्होल्टेज डिस्ट्रिब्युशन सिस्टिम (एचव्हीडीएस...
क्रॉपसॅप निरीक्षणाला अधिकाऱ्यांचा ‘खो'नागपूर ः क्रॉपसॅप प्रकल्पाअंतर्गत आठवड्यातून दोन...
‘दीडपट हमीभाव’प्रश्‍नी जनहित याचिकामुंबई: केंद्र सरकारने खरीप हंगामासाठी शेतीमालाला...
मॉन्सूनच्या काळात ७१८ जणांचा मृत्यूनवी दिल्ली ः देशात यंदाच्या माॅन्सूच्या काळात...
मराठवाड्यातील प्रकल्पांमधील पाणीसाठा...औरंगाबाद : पावसाळा सुरू असला तरी पाऊसच पडत...
कोकण, मध्य महाराष्ट्रात मुसळधारेचा अंदाजपुणे : राज्यात दडी मारलेल्या पावसाला पुन्हा...
वर्धा जिल्ह्यात कपाशीवर बोंड अळीचा...वर्धा ः जून महिन्यात लागवड करण्यात आलेल्या कपाशी...