सांगली काही ठिकणी ‘ईव्हीएम’च्या बिघाडाने गोंधळ 

सांगली शहरासह जिल्हाभरात ‘ईव्हीएम’च्या बिघाडाने गोंधळ 
सांगली शहरासह जिल्हाभरात ‘ईव्हीएम’च्या बिघाडाने गोंधळ 

सांगली ः जिल्ह्यात लोकसभेसाठी झालेल्या मतदानावेळी शहरासह विविध तालुक्‍यांतील गावागावांमध्ये ईव्हीएम बिघाडाच्या तक्रारींचा पाऊस पडला. यापूर्वीही ईव्हीएम मशिनमध्ये बिघाडाच्या तक्रारी झाल्या. मात्र, आजच्या इतक्‍या तीव्र नव्हत्या. यामागचे नेमके कारण अधिकारी स्पष्ट करू शकले नाहीत. सांगली लोकसभा मतदारसंघात मंगळवारी (ता. २३) मतदान झाले. सांगली लोकसभा मतदारसंघात सायंकाळी सहा वाजेपर्यंत  सांगली 64.00 टक्के मतदान झाले. जिल्ह्यात सर्वत्र चुरशीने मतदान झाले. 

सांगली लोकसभेत तिरंगी अशी लढत असून लोकसभेसाठी बारा उमेदवार निवडणूक लढवत आहेत. जिल्ह्यात लोकसभेच्या मतदानासाठी सर्वच ठिकाणी सकाळपासून गर्दी झाली होती. जिल्ह्यातील देशिंग, आरग, बिऊर, आटपाडी, कवठेपिरान आणि ढालगाव या ठिकाणी येथे मतदान यंत्रांमध्ये बिघाड झाल्याची तक्रार आहे. त्यामुळे मतदान सुरू होण्यास विलंब झाला होता. त्यामुळे रांगा लागल्या होत्या. 

अनेक ठिकाणी यंत्रे बिघडली असल्याने मतदान न करताच नागरिक परत गेल्‍याचे चित्र पहावयास मिळाले. सकाळी मतदान प्रक्रिया सुरू होताच अनेक ठिकाणांहून गोंधळ आणि ईव्हीएम बिघाडाच्या तक्रारींची रीघ सुरू झाली. सकाळी-सकाळीच गोंधळाचे वातावरण निर्माण झाल्याने नेते आणि कार्यकर्ते अस्वस्थ झाले. अनेक ठिकाणी मतदान केंद्रांवरील अधिकाऱ्यांसोबत कार्यकर्त्यांचे वादाचे प्रसंग घडले. प्रक्रिया सुरळीत राहण्यासाठी अधिकाऱ्यांची पळापळ झाली. 

सांगलीत त्रिकोणी बागेजवळ केंद्र क्रमांक २०७ वर गोंधळ झाला. कोणतेही बटण दाबले तरी मत कमळ चिन्हाला मिळत असल्याची तक्रार लोकांनी केली. वरिष्ठ अधिकारी तातडीने तेथे आले. त्यांनी तपासणीअंती तक्रार फेटाळली. भाजपलाच मतदान जात असल्याची तक्रार राष्ट्रवादीचे नगरसेवक दिग्विजय सूर्यवंशी यांनी केली. 

क्रांतीसिंह नाना पाटील यांच्या कन्या क्रांतिविरांगणा हौसाताई पाटील (वय ९४) यांनी आज हणुमंतवडिये (ता. खानापूर) येथे आपला मतदानाचा हक्क बजावला. स्वतंत्र भारताच्या पहिल्या निवडणुकीपासून आजपर्यंतच्या सर्व सार्वत्रिक निवडणुकांमध्ये त्यांनी आपला मतदानाचा हक्क बजावला आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com