संत गजानन महाराज प्रकट दिन सोहळ्याला लाखोंची उपस्थिती

संत गजानन महाराज प्रकट दिन सोहळ्याला लाखोंची उपस्थिती

शेगाव, जि. बुलडाणा : श्री संत गजानन महाराज यांचा १४० वा प्रकट दिन बुधवारी (ता. ७) लाखो भाविकांच्या उपस्थितीत साजरा झाला. या वर्षी प्रकट दिन सोहळ्याला गुरुवारी (ता. १) सुरवात झाली होती. दररोज काकडा, भजन, प्रवचन, हरिपाठ, कीर्तन आदी कार्यक्रम सुरू होते. बुधवारी झालेल्या सोहळ्याला राज्यभरातील तब्बल एक हजारपर्यंत भजनी दिंड्या शेगावात दाखल झाल्या होत्या.

बुधवारी माघ वद्य-सप्तमीला सकाळपासून श्रींच्या प्रकट दिनानिमित्ताने दर्शनासाठी भक्तांच्या रांगा लागल्या होत्या. अत्यंत शिस्तीत भक्तांनी श्रींचे दर्शन घेतले. दुपारी १२ वाजता गुलाबपुष्प गुलाल उधळून श्रींचा प्रकट सोहळा भक्तिभावाने साजरा झाला. या वेळी संस्थानचे व्यवस्थापकीय विश्‍वस्त कर्मयोगी शिवशंकरभाऊ पाटील यांच्या प्रमुख उपस्थितीत महारुद्र स्वाहाकार यज्ञाची पूर्णाहुती झाली.

संस्थानच्या वतीने दोन लाखांवर भक्तांना महाप्रसाद वितरण करण्यात आला. दुपारी दोन वाजता श्रींच्या १४० व्या प्रकटदिनी पालखीची रथ, मेणा, गज अश्‍वासह नगर परिक्रमा काढण्यात आली. श्रींची ही पालखी दत्तमंदिर, हरहर शिवमंदिर, श्री शीतलनाथ महाराज मंदिर, फुलेनगर श्रींचे प्रकटस्थळ, श्री मारोती मंदिर बाजार विभाग, बस स्थानक व्यापारपेठमार्गे श्रींची पालखी काढण्यात आली. शिवमंदिर, श्री प्रकटस्थळ, श्री मारोती मंदिर येथे विश्‍वतांच्या हस्ते पूजा करण्यात आली. या वेळी शहर ठिकठिकाणी भक्तांच्या वतीने वारकऱ्यांना चहा, नाश्ता, फराळ व महाप्रसादाचे वितरण करण्यात आले.

संतनगरीत प्रत्येक रस्त्यांवर केवळ भाविकांची गर्दी होती. लाखोंचा समुदाय असूनही सर्वत्र शिस्त पाळली जात होती. अालेल्या भाविकांचे स्वागत करण्यात शेगावकरांनी कुठेही कसर ठेवली नाही. पालखी सोहळा निघाला तेव्हा प्रत्येक घरासमोर रांगोळ्याची अारास सजवण्यात अाली होती. फुलांची उधळण करण्यात अाली.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com