agriculture news in marathi, Santra auctions on hold due to hailstrom in vidharbha | Agrowon

संत्रा पट्ट्यात थांबले सौदे
टीम अॅग्रोवन
गुरुवार, 15 फेब्रुवारी 2018

नागपूर : वातावरणातील बदलामुळे गेल्या दोन वर्षांपासून फळगळीमुळे नुकसान सोसणाऱ्या संत्रा उत्पादकांना गेल्या दोन दिवसांत झालेल्या गारपिटीमुळे पुन्हा कोट्यवधी रुपयांचे नुकसान सोसावे लागले आहे. व्यपाऱ्यांनी केलेले मृग बहारातील संत्र्यांचे सौदेदेखील फिस्कटल्याने शेतकऱ्यांसमोर नवा पेच निर्माण झाला आहे. 

नागपूर : वातावरणातील बदलामुळे गेल्या दोन वर्षांपासून फळगळीमुळे नुकसान सोसणाऱ्या संत्रा उत्पादकांना गेल्या दोन दिवसांत झालेल्या गारपिटीमुळे पुन्हा कोट्यवधी रुपयांचे नुकसान सोसावे लागले आहे. व्यपाऱ्यांनी केलेले मृग बहारातील संत्र्यांचे सौदेदेखील फिस्कटल्याने शेतकऱ्यांसमोर नवा पेच निर्माण झाला आहे. 

विदर्भात सुमारे दीड लाख हेक्‍टरवर संत्रा लागवड आहे. यातील एक लाख दहा हजारांवर झाडे मोठी असून, त्यापासून फळे मिळतात. अमरावती, नागपूर जिल्ह्यांत सर्वाधिक तर बुलडाणा, वाशीम, वर्धा या जिल्ह्यांमध्येदेखील कमी अधिक प्रमाणात संत्रा लागवड आहे. एकूण लागवड तसेच फळधारणा होणाऱ्या एकूण क्षेत्रापैकी सुमारे ३२ हजार हेक्‍टरवरील क्षेत्राला गेल्या दोन दिवसांत झालेल्या गारपिटीचा फटका बसल्याचा अंदाज वर्तविला जात आहे. काटोल, हेटीकुंडी (कारंजा, वर्धा), चांदूरबाजार, मोर्शी, वरुडचा काही भाग, अंजनगाव, अचलपूर तसेच बुलडाणा, वाशीम जिल्ह्यांतील संत्रा उत्पादकांचा बाधितांमध्ये समावेश आहे. 

व्यापाऱ्यांनी थांबविली खरेदी
हवामान खात्याकडून आधीच वादळवारा, गारपीट आणि पावसाचा अंदाज वर्तविण्यात आला होता. त्यामुळे व्यापाऱ्यांकडून सौदे झालेल्या बागांतील फळांची तोड थांबविण्यात आली. १० ते १५ टक्‍के ‘ॲडव्हान्स’ रक्‍कम दिली जाते. तोडणीच्या वेळी पूर्ण रक्‍कम देण्यावर व्यापाऱ्यांचा भर राहतो. परंतु ज्या फळांना गारांचा मार लागला आहे, ती फळेदेखील आठवडाभरात गळण्यास सुरवात होते. त्यामुळे व्यापाऱ्यांनी खरेदी थांबविली आहे. दहा लाखांचा सौदा झाला असेल त्या शेतकऱ्यांना आता केवळ २ ते ३ लाख रुपये देणार असल्याचे व्यापारी सांगत आहेत. 

संत्रा सौदा फिस्कटला
झिलपा (ता. काटोल, जि. नागपूर) येथील दादासाहेब काळे यांची ५० एकर शेती. ऑटोमायझेशनसह ९ हजार संत्रा झाडे, शेडनेटमधील मिरची लागवड त्यांनी केली आहे. मृग बहारातील संत्र्याला व्यापाऱ्यांनी दहा लाख रुपयांत मागितले होते. परंतु हवामान खात्याने गारपिटीचा अंदाज व्यक्‍त केल्याने व्यापाऱ्यांनी सावध होत तोडच केली नाही. दहा लाख रुपयांत मृगातील संत्र्याचा सौदा ठरला होता. मृग बहारदेखील झडल्याने दुहेरी नुकसान सोसावे लागले आहे. 

नुसते सर्वेक्षण...
गेल्या हंगामात वातावरणातील बदल, अवकाळी पाऊस तसेच बुरशीचा प्रादुर्भाव यामुळे आंबीया बहारातील संत्र्याची फळगळ झाली होती. त्यानंतर प्रशासनाकडून अमरावती जिल्ह्यात सर्वेक्षण करण्यात आले. परंतु अद्याप शेतकऱ्यांना मदत मिळालेली नाही. त्यामुळे यावेळीही सर्वेक्षणाचा केवळ फार्स राहील, अशी भीती शेतकऱ्यांना सतावत आहे.

प्रतिक्रिया...
"विदर्भात संत्रा उत्पादकांचे गारपिटीमुळे ३२ हजार हेक्‍टरपेक्षा अधिक क्षेत्रावरील नुकसान झाले आहे. यापूर्वी संत्रा उत्पादकांचा नुकसान भरपाईच्या अपेक्षेने विमा काढण्यावर भर होता. परंतु विमा हप्ता भरल्यानंतर प्रत्यक्ष नुकसानीच्या वेळी मात्र अनेक नियम व अटी लादत भरपाई नाकारली गेली. परिणामी आता विमा काढण्यासाठी शेतकरी इच्छुकच होत नाहीत. संत्रा बागांच्या व्यवस्थापनावर लाखो रुपये करणाऱ्यांना विमा हप्ता म्हणून ५ ते १० हजार रुपये भरणे सहज शक्‍य होते. परंतु त्यानंतर प्रत्यक्ष नुकसानीपोटी नुकसान भरपाई मिळत नसल्याने शेतकरी विम्यापासून दुरावत आहेत.''
- श्रीधर ठाकरे,
अध्यक्ष, महाऑरेज 

----------
"यापूर्वी झालेल्या फळगळीनंतर नुसते सर्वेक्षण झाले, अद्याप मदत मिळाली नाही. त्यामुळे शासनाने यावेळी तरी निदान संत्रा उत्पादकांचे दुःख समजून त्यांच्यासाठी मदत जाहिर करावी. शेतकऱ्यांच्या खात्यांत ही मदत थेट जमा व्हावी, अशी अपेक्षा आहे.''
- अमोल तोटे
अध्यक्ष, ऑरेज ग्रोवर्स असोसिएशन ऑफ इंडिया

इतर अॅग्रो विशेष
चिमुरड्याच्या कॅमेऱ्यात कैद आनंदी शेतकरीआपल्याकडील शेतकरी आनंदी असू शकतो का? उत्तर...
‘अ’तंत्र निकेतनपुरेसा अभ्यास आणि तयारीअभावी, यंत्रणेचा विरोध...
शेतकरी कंपन्यांनी राबवला थेट विक्रीचा...राज्यामध्ये शेतकरी उत्पादक कंपन्यांची स्थापना...
सिंचन विहिरी, फळबागांचा निधी थेट बँक...मुंबई: मनरेगा योजनेतून शेतकऱ्यांना सिंचन...
वनामकृविचे कुलगुरू मराठी भाषिक असावेतपरभणी ः वसंतराव नाईक मराठवाडा कृषी विद्यापीठाच्या...
मराठवाड्यात आठ लाख ७५ हजार टन रासायनिक...औरंगाबाद: मराठवाड्यातील आठही जिल्ह्यांत रासायनिक...
‘डिमोशन’ रोखण्यासाठी अनेकांची पळापळ;...अकोला ः राज्याच्या कुठल्याही विभागात नसेल असा...
देशात खरीप पेरणीला प्रारंभनवी दिल्ली ः देशात खरीप हंगाम २०१८-१९ च्या...
विदर्भात उष्णतेची तीव्र लाट; चंद्रपूर,...पुणे : विदर्भात उन्हाचा ताप वाढल्याने उष्णतेची...
सूत उत्पादनात महाराष्ट्र तिसऱ्या स्थानीजळगाव : कापूस गाठींच्या उत्पादनाप्रमाणे सुताच्या...
कृषी विभागातील समुपदेशन बदल्या स्थगित;...पुणे : राज्याच्या कृषी विभागात समुपदेशनाने...
शेतीतील नव तंत्रज्ञानाचा मार्ग मोकळा...अकोला :  भारतीय शेतकरी जागतिक बाजारात...
उपाय आहेत, इच्छाशक्ती हवी ! पुणे : राज्यात दुधाच्या गडगडलेल्या दरामुळे...
किफायतशीर दुग्ध व्यवसायासाठी...आपण आंतरराष्ट्रीय पातळीवर दूध उत्पादनात अग्रेसर...
शालेय पोषण आहार, अंगणवाडीत दूध पुरवा :...राज्यात सध्या दूध दराचा प्रश्‍न चव्हाट्यावर आहे....
दूधधंदा मोडून पडल्यास शेतीतील समस्या...शेतकऱ्यांना वस्तुस्थिती न सांगता त्यांच्या...
दूधदर प्रश्‍नी हवी ठोस उपाययोजना : संघदूध भुकटीला मागणीला नसल्याने अतिरिक्त दूध बाजारात...
दूधकोंडी फोडण्यासाठी शासनाचे सर्वतोपरी...दूध उत्पादक शेतकरी दर मिळत नसल्याने अडचणीत आले...
उत्पादकता, गुणवत्ता सुधारणे आवश्‍यकपुणे : भारत दूध उत्पादनात जगात आघाडीवर असला तरी...
दूध उत्पादकांना २८ रुपये दर देणे शक्य...सरकारने जाहीर केलेल्या दरापेक्षा लिटरमागे दररोज...