सिंदखेडराजा येथून संवाद यात्रेस प्रारंभ

सिंदखेडराजा, जि. बुलडाणा ः येथून सुरू झालेल्या "संवाद" यात्रेवेळी उपस्थित अमर हबीब, प्रवीण गिते, प्रवीण बिल्लोरे अादी.
सिंदखेडराजा, जि. बुलडाणा ः येथून सुरू झालेल्या "संवाद" यात्रेवेळी उपस्थित अमर हबीब, प्रवीण गिते, प्रवीण बिल्लोरे अादी.

अकोला ः पुणे येथील आपुलकी सामाजिक संस्था तसेच मुंबईच्या संत गाडगे बाबा ट्रस्टच्या संयुक्त विद्यमाने आयोजित सिंदखेडराजा ते सेवाग्राम या संवाद यात्रेस शनिवारी (ता. ९) प्रारंभ झाला.

यानंतर ही संवाद यात्रा बुलडाणा जिल्ह्यातील गावागावांमध्ये पोचली. तर रविवारी (ता. १०) अकोला जिल्ह्यातील गावांमध्ये संवाद कार्यक्रम झाला.रविवारी (ता. १७) बापू कुटी, सेवाग्राम येथे समारोप होणार आहे. ग्रामीण भागातील समस्यांना वाचा फोडण्यासाठी, शेती विरोधी कायद्यांमध्ये बदल घडवून आणण्यासाठी तसेच शेतकऱ्यांसोबत विविध विषयांवर चर्चा करण्यासाठी ही संवाद यात्रा सुरू झाली.

‘आपुलकी’ व भूमिपुत्र संघर्ष वाहिनीचे संस्थापक अभिजित फाळके, संत गाडगे महाराज ट्रस्टचे व्यवस्थापक प्रशांत देशमुख यांच्या मार्गदर्शनात राष्ट्रमाता जिजाऊंना अभिवादन करून या यात्रेला सिंदखेडराजा येथून सुरवात झाली. ज्येष्ठ सामाजिक कार्यकर्ते अमर हबीब, लोकजागर परिवाराचे प्रवीण गिते, ‘मातृतीर्थ’चे प्रवीण बिल्लोरे यांची या वेळी उपस्थिती होती.

 सिंदखेडराजा येथून ही यात्रा आडगाव राजा येथे पोचली. येथे शेतकऱ्यांशी संवाद साधताना पिण्याचे पाणी, रस्ते, सिंगल फेज विजेची समस्या, मोबाईल टॉवर व ऐतिहासिक किल्ल्याची निगा याबाबत गावकऱ्यांनी मुद्दे मांडले. त्यानंतर यात्रा चिखली तालुक्‍यातील शेलसूर येथे पोचली.

या ठिकाणी स्वाभीमानी शेतकरी संघटनेचे रविकांत तुपकर, धनंजय ठाकरे, जिल्हा परिषद सदस्य प्रकाश साबळे उपस्थित होते. या ठिकाणी शेलसुरकरांनी पिण्याचे पाणी, शेतरस्त्यांची समस्या, जलयुक्त शिवार योजनेत गावाचा समावेश, गावतलावाचे पुनरुज्जीवन करण्याची मागणी केली. उंद्री, माटरगाव या ठिकाणच्या संवादात रस्ते, वनजमिनी, शैक्षणिक सुविधांबाबत नागरिकांची मागणी प्रमुख होती.

यावेळी ‘आपुलकी’चे संजय रिंढे, लक्ष्मण रिंढे आदी उपस्थित होते. बुलडाणा जिल्ह्यात या यात्रेचे व्यवस्थापन जिल्हा संयोजक प्रा. विजय घ्याळ यांनी केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com