agriculture news in marathi, satara District in maratha agitation | Agrowon

सातारा जिल्ह्यात कडकडीत बंद
टीम अॅग्रोवन
शुक्रवार, 10 ऑगस्ट 2018

सातारा ः मराठा समाजाला आरक्षण मिळावे, या प्रमुख मागणीसह रस्त्यावर उतरलेल्या मराठ्यांनी गुरुवारी (ता. ९) पुन्हा एकदा क्रांती घडविली. महाराष्ट्र बंदमध्ये जिल्ह्यावासीय उत्स्फूर्तपणे सहभागी झाल्याने जिल्ह्याच्या कानाकोपऱ्यातही कडकडीत बंद राहिला. जिल्ह्यात ठिकठिकाणी रास्ता रोको, कोणी मुंडण केले, जनावरे रस्त्यावर बांधली, पोवाडे, देशभक्तिपर गीत म्हणाले, तर कोणी ठिय्या मारला. शासनाच्या भूमिकेवर तीव्र नाराजी व्यक्‍त करत तळपत्या मराठ्यांनी आणखी एकदा समाजाची एकजुटीतील ताकद सिद्ध केली.

सातारा ः मराठा समाजाला आरक्षण मिळावे, या प्रमुख मागणीसह रस्त्यावर उतरलेल्या मराठ्यांनी गुरुवारी (ता. ९) पुन्हा एकदा क्रांती घडविली. महाराष्ट्र बंदमध्ये जिल्ह्यावासीय उत्स्फूर्तपणे सहभागी झाल्याने जिल्ह्याच्या कानाकोपऱ्यातही कडकडीत बंद राहिला. जिल्ह्यात ठिकठिकाणी रास्ता रोको, कोणी मुंडण केले, जनावरे रस्त्यावर बांधली, पोवाडे, देशभक्तिपर गीत म्हणाले, तर कोणी ठिय्या मारला. शासनाच्या भूमिकेवर तीव्र नाराजी व्यक्‍त करत तळपत्या मराठ्यांनी आणखी एकदा समाजाची एकजुटीतील ताकद सिद्ध केली.

मराठा समाजाने संयमाची भूमिका घेतली असली तरी आजचा बंद म्हणजे मराठ्यांचा सुप्त उद्रेकच ठरला. नेतृत्वाशिवाय मराठा ताकदवान आहे, ही चुणूक दाखविणारा संप यशस्वी करून सुप्त उद्रेक दाखवून दिला. त्यातही पुणे-बंगळूर राष्ट्रीय महामार्गावर कोल्हापूर नाका (कऱ्हाड) येथे तसेच तासवडे (ता. कऱ्हाड) टोल नाक्‍यावर मराठा आंदोलकांनी भजन कीर्तन करत काही काळ महामार्ग रोखून धरला. कऱ्हाड-पंढरपूर रस्त्यावर सदाशिवनगर (ता. कऱ्हाड) येथे रास्ता रोको केला.

केळघर (ता. जावळी), नरवणे (ता. माण) येथे टायर पेटवून शासनाचा निषेध नोंदविला. वडूजमध्ये (ता. खटाव) कडकडीत बंद पाळून तहसील कार्यालयावर मोर्चा काढण्यात आला. अव्याहतपणे सुरू असलेल्या जिल्ह्यातील सर्वच बाजारपेठांनी महाराष्ट्र बंदमुळे `विश्रांती'' घेतली. सातारा, कऱ्हाड, फलटण, वाई या शहरांसह जिल्ह्यातील इतर शहरे, एव्हाना गावोगावीच्या बाजारपेठाही बंद राहिल्या. जिल्ह्याची बाजारपेठ असलेल्या साताऱ्यात कडकडीत बंद होता. पर्यटनस्थळ असलेल्या पाचगणी येथेही बंद पाळण्यात आल्याने पर्यटनस्थळावर शुकशुकाट पसरला. रहिमतपूर (ता. कोरेगाव) येथे आठवडा बाजार असूनही कडकडीत बंद पाळण्यात आला.

राज्यभरासह सातारा जिल्ह्यात सकाळपासून सायंकाळपर्यंत एकही बस धावली नाही. त्यामुळे नेहमी आंदोलनाची शिकार होणारी एसटी दुपारपर्यंत सुखरूप राहिल्या. कऱ्हाड येथील प्रीतिसंगमावर आंदोलकांनी सामूदायिक मुंडण केले. जावळीतील हजारो मराठ्यांनी मेढ्यात ठिय्या आंदोलन केले. त्यानंतर तहसील कार्यालयावर मोर्चा काढला होतो.

इतर बातम्या
महाराष्ट्रातील दुष्काळग्रस्तांना...शिर्डी: महाराष्ट्रात यंदा पाऊस कमी झाला....
अकोल्याला रब्बीसाठी हरभऱ्याचे वाढीव...अकोला  ः जिल्ह्यात रब्बी हंगामासाठी...
दुष्काळाची व्यथा मांडताना महिला...निल्लोड, जि. औरंगाबाद : विहिरींनी तळ गाठला, मक्‍...
कोल्हापूर जिल्ह्यात खरीप पिकांच्या...कोल्हापूर  : खरीप पिकांची काढणी वेगात...
सोलापुरातील अडचणीतील शेतकऱ्यांसाठी आश्‍...सोलापूर  ः सोलापूर जिल्ह्यात दुष्काळाची...
खानदेशात पपईचे पीक जोमात धुळे : यंदा पपईचे पीक कमी पाऊस असतानाही सातपुडा...
नगरमधील ४३३८ शेतकऱ्यांची शेतीमाल...नगर  ः आधारभूत किमतीने मूग, उडीद, सोयाबीनची...
जळगाव जिल्ह्यात ज्वारीच्या पेरणीला...जळगाव : जिल्ह्यात रब्बीतील ज्वारी पेरणीकडे...
मराठवाडा भीषण पाणीटंचाईच्या उंबरठ्यावरऔरंगाबाद : दुष्काळाची छाया गडद झालेल्या...
कमी दरांवरून जिनर्सचा ‘सीसीआय’च्या...जळगाव ः भारतीय कापूस महामंडळाच्या (सीसीआय) कापूस...
कोल्हापुरी गुळाचा गोडवा यंदा वाढणारकोल्हापूर : यंदाच्या पावसाळ्यात गुजरात,...
शेतीपासून जितके दूर जाल तितके दुःख...पुणे : शेतीशी जोडलेली माणसं ही निसर्ग आणि मानवी...
‘पंदेकृवि’च्या सुवर्णमहोत्सवी वर्षाचा...अकोला :  डॉ. पंजाबराव देशमुख कृषी विद्यापीठ...
'दक्षिण व उत्तर सोलापूर तालुक्‍यांतील...सोलापूर : ‘‘दक्षिण व उत्तर सोलापूर तालुक्‍यांतील...
पुणे जिल्ह्यात रब्बीसाठी १९ हजार...पुणे : पुणे जिल्ह्यात रब्बी हंगामाची तयारी सुरू...
सोलापूर जिल्हा बॅंकेकडून ७० हजार...सोलापूर  : सोलापूर जिल्हा बॅंकेच्या सव्वा...
‘दुष्काळाच्या निकषांसाठी शासनाने...पुणे : कमी पाऊस झाल्यामुळे सरकारला दुष्काळ जाहीर...
नाबार्डच्या व्याजदरातच जिल्हा बँकांना...मुंबई : राज्य बँकेला नाबार्डकडून मिळणाऱ्या...
सोयाबीन खरेदी केंद्रे सुरू होईनातसातारा : जिल्ह्यात खरिप पिकांची काढणी अंतिम...
अकोला, बुलडाणा जिल्ह्यांत कोरडवाहू...अकोला : अकोला आणि बुलडाणा जिल्ह्यात कोरडवाहू...