नायडूंच्या निर्णयाला कॉंग्रेसकडून आव्हान

नायडूंच्या निर्णयाला कॉंग्रेसकडून आव्हान
नायडूंच्या निर्णयाला कॉंग्रेसकडून आव्हान

नवी दिल्ली : सरन्यायाधीशांविरोधातील महाभियोगाची नोटीस फेटाळण्याच्या राज्यसभा अध्यक्षांच्या निर्णयाला आव्हान देत कॉंग्रेसच्या दोन खासदारांनी सोमवारी (ता.७) सर्वोच्च न्यायालयात धाव घेतली. महाभियोगाची नोटीस देण्यात कोणतीही गैरवर्तणूक नव्हती, असा दावा या खासदारांनी केला आहे. प्रतापसिंह बाजवा (पंजाब) आणि अमी हर्षदराय याज्ञिक (गुजरात) या राज्यसभेतील कॉंग्रेसच्या दोन खासदारांनी सर्वोच्च न्यायालयात याचिका दाखल केली आहे. या याचिकेची तातडीने सुनावणी घ्यावी, अशी विनंती वरिष्ठ वकील आणि कॉंग्रेस नेते कपिल सिब्बल यांनी केली. यावर याबाबतचा अधिकार सरन्यायाधीशांचा असल्याने त्यांच्यासमोर ही याचिका दाखल करावी, अशी सूचना वरिष्ठ न्यायाधीश जे. चेलमेश्‍वर यांच्या अध्यक्षतेखालील खंडपीठाने सिब्बल आणि ज्येष्ठ वकील प्रशांत भूषण यांना केली. न्या. एस. के. कौल यांचा या खंडपीठात समावेश होता. मात्र, सरन्यायाधीशांच्या या अधिकाराबाबत माहिती असली, तरी महाभियोगाची नोटीस त्यांच्याच विरोधात असल्याने त्यांच्यानंतरचे ज्येष्ठ वकील याबाबतचा निर्णय घेऊ शकतात, असा युक्तिवाद सिब्बल यांनी केला. अशा प्रकारची परिस्थिती पूर्वी कधीही आलेली नाही, त्यामुळे या याचिकेवर कोणते खंडपीठ निकाल देणार, याचा निर्णय न्यायालयाने देणे आवश्‍यक आहे, असा दावाही त्यांनी केला आणि सुनावणी कधी घेणार, कोण घेणार याबाबत काही तरी सांगावे, अशी विनंती केली. प्रशांत भूषण यांनीही हाच मुद्दा मांडला. यावर न्या. चेलमेश्‍वर आणि न्या. कौल यांनी सिब्बल आणि भूषण यांना मंगळवारी (ता. ८) येण्यास सांगितले. कॉंग्रेसच्या नेतृत्वाखाली सात विरोधी पक्षांनी गेल्या महिन्यात सरन्यायाधीश दीपक मिश्रा यांच्याविरोधात महाभियोगाची नोटीस राज्यसभा अध्यक्ष वेंकय्या नायडू यांच्याकडे सादर केली होती. मात्र, ही नोटीस नायडू यांनी फेटाळून लावली होती. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com