agriculture news in marathi, scam in soil and water conservation | Agrowon

मृद आणि जलसंधारणात चार कोटी हडपले
टीम अॅग्रोवन
बुधवार, 3 जानेवारी 2018

पुणे : बीड जिल्ह्यामध्ये मृद आणि जलसंधारणाची कामे न करताच अधिकारी आणि ठेकेदारांनी एकत्रितपणे चार कोटी रुपये हडप केले आहेत. या गैरव्यवहाराची गंभीर दखल घेत थेट फौजदारी कारवाई करण्याचे आदेश राज्याचे कृषी आयुक्त सच्चिंद्र प्रताप सिंह यांनी दिले आहेत.

पुणे : बीड जिल्ह्यामध्ये मृद आणि जलसंधारणाची कामे न करताच अधिकारी आणि ठेकेदारांनी एकत्रितपणे चार कोटी रुपये हडप केले आहेत. या गैरव्यवहाराची गंभीर दखल घेत थेट फौजदारी कारवाई करण्याचे आदेश राज्याचे कृषी आयुक्त सच्चिंद्र प्रताप सिंह यांनी दिले आहेत.

डीबीटी नसलेल्या योजनांमध्ये अधिकारी व ठेकेदार एकत्र येऊन पैसे लांबवत असल्याचे उघड होत असल्यामुळे डीबीटीमुक्त योजनांवर आता कडक लक्ष ठेवण्याचा निर्णय आयुक्तालयाने घेतला आहे. बीडमध्ये शेतकरी विकासाच्या नावाखाली कोट्यवधी रुपयांची अफरातफर झाल्याचे वसंतराव मुंडे यांनी निदर्शनास आणून दिले होते. त्यांची तक्रार दडपून टाकण्याचा प्रयत्न सोनेरी टोळीने केला.

'श्री. मुंडे यांनी केलेली तक्रार दाबण्याचा प्रयत्न कृषी खात्यातील वरिष्ठांच्या संगनमताने केला जात होता. मात्र, तक्रारदारांनी थेट मंत्रालयापर्यंत घोटाळेबहाद्दरांच्या विरोधात आवाज उठविला. कृषी आयुक्तांनीदेखील या प्रकरणातील मुद्द्यांवर अहवाल मागविला होता. या अहवालात कोट्यवधी रुपयांचा गैरव्यवहार झाल्याचा निष्कर्ष हाती येताच आयुक्तांनी पोलिस कारवाईचे आदेश दिले आहेत, अशी माहिती आस्थापना विभागाच्या सूत्रांनी दिली.

आयुक्तालयाने बीडच्या जिल्हा अधीक्षक कृषी अधिकाऱ्यांना गोपनीय पत्र (जाक्र-विकृस-अ2-7007-2017) पाठविले आहे. 'बीड जिल्ह्यात कृषी खात्याच्या बोगस कामांच्या चौकशीत अधिकारी, कर्मचारी, ठेकेदार दोषी आढळले आहेत. त्यांच्यावर पोलिस कारवाई करून कृषी आयुक्तांना तातडीने अहवाल सादर करा, असे आदेश या पत्राद्वारे देण्यात आले आहेत.

राज्यात कृषी खात्यातील अधिकारी ठेकेदारांना जोडीला घेत अनेक कामे कागदोपत्री दाखवतात. मात्र, गैरव्यवहार उघड होणार नाही याची काळजीदेखील घेतात. मात्र, बीड जिल्ह्यात एकूण 300 कामांमध्ये लक्षावधी रुपयांच्या रकमा विविध गावांमध्ये काढताना अधिकाऱ्यांमध्येच वाटेहिश्श्यावरून भांडणे झाली. त्यातून मोठा घोटाळा उघड झाला आहे. त्यातील 26 कामे जागेवरच नाहीत आणि निधी खर्च झाल्याचे दाखविण्यात आले आहे.

कृषी आयुक्तालयाने या कामांची सखोल तपासणी केली असता पहिल्या टप्प्यात 20 ते 24 अधिकाऱ्यांना या गैरव्यवहाराबाबत दोषी धरण्यात आलेले आहे. उपविभागीय कृषी अधिकारी एम. एन. पाळवदे, एच. बी. फड, एस. एस. हजारे, एस. एस. आव्हाड, डी. ए. काळदाते, व्ही. ए. भताने, यू. जी. भारती या अधिकाऱ्यांचा या घोटाळ्यात समावेश असल्याचा आस्थापना विभागाचे म्हणणे आहे.

'मराठवाड्यातील दुष्काळी गावांमध्ये मंत्रालय किंवा आयुक्तालयाचे लक्ष नसल्याचे गृहीत धरून काही अधिकारी ठेकेदाराच्या मदतीने बोगस कामे करतात. शेतकऱ्यांना ही कामेच माहित नसल्यामुळे त्याची तक्रारदेखील येत नाही. तथापि, विद्यमान कृषी आयुक्तांनी घोटाळेबहाद्दरांना धडा शिकवण्यासाठी थेट कारवाईचा बडगा उगारला आहे. यामुळे भ्रष्ट अधिकाऱ्यांची घाबरगुंडी उडाली आहे, असे सूत्रांनी स्पष्ट केले.

घोटाळेबहाद्दरांना निलंबित करण्याचे आदेश
शेतकऱ्यांच्या विकासासाठी कामे केल्याचे दाखवून कोट्यवधी रुपयांच्या रकमा हडप करण्याऱ्या महाभागांकडून चार कोटी रुपये वसूल करण्याचेदेखील आदेश देण्यात आले आहेत. 'घोटाळेबहाद्दरांकडून या रकमांची वसुली करावी तसेच घोटाळ्याची कागदपत्रे पोलिसांना दाखवून गुन्हे दाखल करावेत. जबाबदार असलेल्या कर्मचाऱ्यांना कामावरून निलंबित करावे, असे आदेश आयुक्तालयाने दिले आहेत.

इतर अॅग्रो विशेष
गोकुळानं ‘गणित’ नाही मांडलंपशुपालनातून दूध व्यवसाय म्हणजे मुळातच उद्योग आहे...
ब्राझीलचा धडा घेणार कधी?सातत्याने दोन वर्षांच्या चांगल्या पाऊसमानानंतर...
उत्तर प्रदेशातील कारखान्यांची अतिरिक्त...नवी दिल्ली ः बाजारात साखरेचे पडलेले दर आणि...
भारतात गोड्या पाण्याची उपलब्धता घटलीवॉशिंग्टन ः भारतात उपलब्ध पाण्याचा आणि पाणी...
कापसाच्या ३७० वाणांच्या विक्रीला...नगर  ः बोंड अळीच्या नियंत्रणासाठी कमी आणि...
अधिकाऱ्यांनी कोंडून दिली खुनाची धमकीपुणे  : कृषी खात्यातील पाणलोट व मृद्संधारण...
उन्हाचा चटका कायम राहणारपुणे : राज्यात उन्हाचा ताप वाढल्याने विदर्भ, मध्य...
वादळाने बाष्प खेचून नेले; अरबी समुद्रात...पुणे : अरबी समुद्रात मंगळवारी कमी तीव्रतेचे वादळ...
हिरापूरच्या बैल बाजारात चार कोटींवर...बीड : हिरापूर (ता. गेवराई) येथे बैलांचा आठवडे...
दापोलीत उद्यापासून जॉइंट ॲग्रेस्कोपुणे ः यंदा ४६ वी संयुक्त कृषी संशोधन व विकास...
बफर स्टॉकच्या शक्‍यतेने साखर १००...कोल्हापूर : गेल्या अनेक दिवसांपासून मंदीच्या...
कापूस बियाणे सत्यता पडताळण्यासाठी ‘क्‍...जळगाव ः बोगस कापूस बियाण्याला आळा घालण्यासह...
फळपिकांसह एकत्रित क्रॉपसॅप योजना...मुंबई : राज्यातील प्रमुख फळ पिके व इतर पिकांवरील...
‘महावेध’ देणार शेतकऱ्यांना अचूक...मुंबई : लहरी हवामानामुळे नेहमीच नुकसान सहन करीत...
‘वनामकृवि’ कुलगुरू पदासाठी उद्या मुलाखतीपरभणी : वसंतराव नाईक मराठवाडा कृषी...
सिंचनक्षमता बळकट करून फळबागशेती केली...केळीचे मुख्य पीक, त्याचे निर्यातक्षम उत्पादन,...
‘त्या’ कृषी पर्यवेक्षकांच्या ‘डिमोशन’ला...अकोला ः सन २०११ मध्ये कृषी पर्यवेक्षक पदावर...
फळबाग शेती, रायपनिंग चेंबर, थेट विक्रीडोंगरकडा (जि. हिंगोली) येथील वयाच्या पासष्टीमध्ये...
अकोला जिल्हा प्रशासन शेतकऱ्यांना देणार...अकोला ः देशात राबवल्या जात असलेल्या प्रधानमंत्री...
दक्षिण महाराष्ट्रातील कारखान्यांत ८०...सांगली/कोल्हापूर ः साखरेला दर नसल्याने निराश...