agriculture news in marathi, In the second phase, soybean percentage is high | Agrowon

मराठवाड्यात दुसऱ्या टप्प्यातही सोयाबीनचा टक्‍का अधिकच
संतोष मुंढे
शुक्रवार, 6 जुलै 2018

औरंगाबाद : पावसाने डोळे वटारल्याने मराठवाड्यातील खरिपाच्या पेरणीला ब्रेक लागला आहे. पेरणीचा दुसरा टप्पा आटोपला असताना पेरणी झालेले कपाशीचे क्षेत्र अधिक असले तरी प्रस्तावित क्षेत्राच्या तुलनेत झालेली तुलनात्मक आकडेवारी पाहाता कपाशीच्या तुलनेत सोयाबीनचा टक्‍काच अधिक आहे.

औरंगाबाद : पावसाने डोळे वटारल्याने मराठवाड्यातील खरिपाच्या पेरणीला ब्रेक लागला आहे. पेरणीचा दुसरा टप्पा आटोपला असताना पेरणी झालेले कपाशीचे क्षेत्र अधिक असले तरी प्रस्तावित क्षेत्राच्या तुलनेत झालेली तुलनात्मक आकडेवारी पाहाता कपाशीच्या तुलनेत सोयाबीनचा टक्‍काच अधिक आहे.

यंदा मराठवाड्यात ४९ लाख ११ हजार हेक्‍टरवर खरिपाची पेरणी प्रस्तावित करण्यात आली होती. त्या तुलनेत १७ लाख ८७ हजार हेक्‍टरवरची पेरणी उरकली आहे. नांदेड व हिंगोली जिल्ह्यात निम्मी पेरणी आटोपली असताना जालना, परभणी, लातूर, उस्मानाबाद जिल्ह्यात अजून प्रस्तावित क्षेत्राच्या तुलनेत ३० टक्‍केही पेरणी आटोपली नाही. औरंगाबाद जिल्ह्यात ४१ टक्‍के तर बीड जिल्ह्यात ३५ टक्‍के पेरणी झाली आहे. पावसाच्या खोड्याने मराठवाड्यातील पेरणीला ब्रेक लावला.

शिवाय पेरणी झालेल्या शेतकऱ्यांसमोर दुबार पेरणीचे ढग दाटून आल्याचे चित्र आहे. चारदोन ठिकाणी झालेल्या थोड्याबहूत पावसाचा अपवाद वगळता पंधरवड्यापेक्षा जास्त काळ पावसाने दडी मारलेल्या औरंगाबाद व जालना जिल्ह्यात खरीप पिकांची स्थिती बिकट आहे. यंदा मराठवाड्यात सोयाबीनचे क्षेत्र १० लाख ३८ हजार ८९० हेक्‍टरवर प्रस्तावित करण्यात आले होते. त्या तुलनेत ४ जुलैअखेर सोयाबीनची ६ लाख ४२ हजार ८४९ हेक्‍टरवर अर्थात ६१.८८ टक्‍के क्षेत्रावर पेरणी आटोपली आहे. दुसरीकडे कपाशीच्या प्रस्तावित करण्यात आलेल्या १७ लाख १७ हजार ४५१ हेक्‍टरच्या तुलनेत ७ लाख ९ हजार ९९० हेक्‍टरवर कपाशीची लागवड झाली आहे.

मराठवाड्यात कपाशीचे जिल्हे म्हणून औरंगाबाद, जालना, बीड, परभणी, व नांदेडची ओळख. परंतु, या जिल्ह्यामध्ये प्रस्तावित क्षेत्राच्या तुलनेत कपाशी लागवडीचा टक्‍का २७ ते ६२ टक्‍क्‍यांदरम्यान राहिला आहे. औरंगाबाद, जालना व बीड जिल्ह्यात प्रस्तावित १० लाख १४ हजार ६६७ हेक्‍टर क्षेत्राच्या तुलनेत ३ लाख ९९ हजार ९०३ हेक्‍टरवर कपाशीची लागवड झाली आहे. तर लातूर, उस्मानाबाद, परभणी, हिंगोली, नांदेड या पाच जिल्ह्यात प्रस्तावित ७ लाख २ हजार ७८४ हेक्‍टरच्या तुलनेत ३ लाख १० हजार ८७ हेक्‍टरवर कपाशीची लागवड झाली आहे. क्षेत्राच्या तुलनेत प्रस्तावित क्षेत्राच्या तुलनेत खरीप ज्वारीची ९.८५ टक्‍के क्षेत्रावर, बाजरीची ११ टक्‍के, मकाची ३६ टक्‍के तुरीची १७ टक्‍के, मुगाची ३० टक्‍के, उडिदाची २८ टक्‍के क्षेत्रावर पेरणी आटोपली आहे.

इतर खरीप पिकांची प्रस्तावित प्रत्यक्ष पेरणी क्षेत्र (हेक्‍टरमध्ये)
पीक प्रस्तावित प्रत्यक्ष
खरीप ज्वारी ४१७५१५ ४१११२
बाजरी २३४९८० २६३६२
मका २५३६६८ ९३२९५
तूर ५२०९४७ १५६५७८
मूग १६२००९ ६१४१३
उडीद १६७३५१ ४७०९७
तीळ २१५८८ १५०४
कारळ ९६२९ ५१३
खरीप सूर्यफूल ३०३३१ ६४१
खरीप भुईमूग २२४३४ २९५२
सोयाबीनचे प्रस्तावित क्षेत्र व प्रत्यक्ष पेरणी (हेक्‍टरमध्ये)
जिल्हा प्रस्तावित क्षेत्र प्रत्यक्ष पेरणी
लातूर २७४०७९ १०६९९७
उस्मानाबाद १०६९६२ ४९६३०
नांदेड १९९०८९ १६६६२६
परभणी १३३३२० ७१६६२
हिंगोली १५७५२८ १३२०६८
बीड ८६०२२ ६७७७८
जालना ७११६७ ४००१६
औरंगाबाद १०७२३ ८११२
कपाशीचे प्रस्तावित क्षेत्र व प्रत्यक्ष पेरणी (हेक्‍टरमध्ये)
जिल्हा प्रस्तावित क्षेत्र प्रत्यक्ष पेरणी
औरंगाबाद ३८७३५४ १८४६०२
जालना २९७९९२ ८१२३६
बीड ३२९३२१ १३४०६५
परभणी २५७११९ ६९६४०
नांदेड ३२३७५४ २०२६५२
हिंगोली ९२६१३ ३११७१
उस्मानाबाद २४६३२ ३७८०
लातूर ४५८६ २८४४

 

इतर अॅग्रो विशेष
आंतरराष्ट्रीय सुबाभूळ परिषदेच्या...पोषण हा पशुपालनातील सगळ्यात महत्त्वाचा घटक आहे....
चिंब झाली रान माती...कमी पाऊसमानानंतर उद्भवणारी पाणीटंचाई आणि दुष्काळी...
आंदोलन होणारचकोल्हापूर/ पुणे : अनेक दूध संघ अगोदरच गायीच्या...
काेकण, विदर्भात तुरळक ठिकाणी...पुणे : बंगालच्या उपसागरातील कमी दाबाचे क्षेत्र...
साखर कारखान्यांकडे १२ हजार कोटींची...लखनौ ः उत्तर प्रदेशात २०१७-१८ च्या हंगामात...
संघांकडून दूध दरात तीन रुपयांची वाढपुणे ः दूध दरावर ताेडगा काढण्यासाठी राज्य सरकारने...
पीककर्ज वितरण केवळ ३० टक्केचपुणे : शेतकऱ्यांना पीककर्ज वाटपात दिरंगाई...
सेंद्रिय भातशेतीसोबतच राबविली थेट...पुणे जिल्ह्यातील भोयरे (ता. मावळ) येथील रोहिदास...
विठ्ठला या सरकारला सुबुध्दी दे !...पंढरपूर, जि. सोलापूर : कर्नाटक व केरळच्या धर्तीवर...
खरिपाचा पेरा अद्यापही माघारलेलाचनवी दिल्ली ः देशात गुरुवारपर्यंत (ता. १२) खरिपाची...
पंढरीत विठ्ठलाला दुग्धाभिषेक करुन...अकोला : कर्नाटक व केरळच्या धर्तीवर राज्यातही...
राज्यात तुरळक ठिकाणी मुसळधारेचा इशारापुणे : बंगालच्या उपसागरात तयार झालेल्या कमी दाब...
राज्यात मोठ्या धरणांमध्ये यंदा अधिक साठापुणे : राज्यातील प्रमुख धरणांच्या पाणलोटात सुरू...
शाश्वत शेती, पूरक व्यवसायातून गावांना...जल, जमीन, जंगल आणि जननी या चार घटकांमुळे मानव...
शेतीला दिली नवतंत्रज्ञान, पशुपालनाची जोडबुर्ली (ता. पलूस, जि. सांगली) येथील महिला शेतकरी...
सेवा कसली, ही तर चक्क लूटबॅंकांच्या सेवांमध्ये काही त्रुटी असतील तर...
‘परभणी शक्ती’ने मिळेल ज्वारीला बळआपला आहार हा रिजन अन् सिझन स्पेसिफीक असला पाहिजे...
दर्जेदार कलमांसाठी दाब, गुटी कलम पद्धतफळबाग उत्पादन हा दीर्घकाळ व्यवसाय असल्याने...
विमा परताव्याच्या प्रश्नांवर तक्रारींचा...औरंगाबाद : लातुरातील प्रधानमंत्री पीकविमा...
सरकारला गुडघे टेकायला लावतो ः खासदार...नातेपुते, जि. सोलापूर :  कर्नाटक, गुजरात...