agriculture news in Marathi, sell increased, market stacked, Maharashtra | Agrowon

वरच्या पातळीवर वाढली विक्री, पुन्हा अडखळला बाजार
दिपक चव्हाण
सोमवार, 9 एप्रिल 2018

दरवर्षी उन्हाळ्याचा कालावधी अन्य हंगामांच्या तुलनेत चांगला राहत आहे. मात्र, या वर्षी तसे घडले नाही, तर संपूर्ण ब्रॉयलर पोल्ट्री उद्योग अडचणीत येऊ शकतो.
- डॉ. अनिल फडके, नाशिक.

एप्रिलच्या पहिल्या आठवड्यात उंचावलेला बाजार पुन्हा खाली आला आहे. मार्च महिन्यातील शिल्लक मालाचा दबाव, वरच्या पातळीवर वाढती विक्री आदी कारणांमुळे बाजारभावात नरमाई दिसली. 

नाशिक विभागात शनिवारी (ता.७) रोजी ५७ रु. प्रतिकिलो दराने ब्रॉयलर पक्ष्यांचे लिफ्टिंग झाले. आठवडाभरात ६५ रु. पर्यंत बाजारभाव वधारला होता. मात्र, या पातळीवर विक्रीचा दबाव वाढल्यामुळे बाजारभाव टिकू शकले नाहीत. ब्रॉयलरच्या बाजारभावाच्या दृष्टीने मार्च महिना अत्यंत खराब गेला. महिन्याचा सरासरी विक्री दर ५५ रु. च्या आसपास निघेल.

मार्चमध्ये बाजाराने ४४ रु. प्रतिकिलोपर्यंतची नीचांकी पातळी गाठली होती. महिन्यातून एखादी बॅच काढणाऱ्या ओपन फार्मर्सच्या दृष्टीने मार्च महिना सर्वाधिक तोट्याचा ठरला आहे. या पार्श्वभूमीवर, एप्रिल महिना किफायचा जाईल, असे उद्योगाला अपेक्षित आहे. तथापि, पहिल्याच आठवड्यात वरच्या पातळीवरून बाजार जवळपास दहा टक्क्यांनी खाली आला आहे. आठवड्याच्या सुरवातीला बाजार ६० वरून ६५ रुपयांपर्यंत पोचला खरा, पण त्या पातळीवर संस्थात्मक क्षेत्राकडील (कार्पोरेट) विक्री वाढल्यामुळे बाजार पुन्हा ६० रुपयांच्या खाली आला आहे.

नाशिक येथील पोल्ट्री उद्योजक डॉ. अनिल फडके म्हणाले, की मार्च महिन्यात बाजार ४५ रुपयांपर्यंत खालावला होता. परिणामी, या मंदीमुळे ''होल्ड'' झालेल्या मालाचा दबाव बाजारात दिसला आहे. यात मोठ्या वजनाचा मालदेखील लक्षणीय प्रमाणात आहे. दुसरा मुद्दा, उन्हाळ्यात पक्ष्यांच्या वाढीत येणाऱ्या समस्यांमुळेही संस्थात्मक क्षेत्राकडून विक्री वाढली आहे. तथापि, ही तात्पुरती समस्या आहे. येत्या दोन आठवड्यांत बाजार पुन्हा सुधारेल. दर वर्षी उन्हाळ्याचा कालावधी अन्य हंगामाच्या तुलनेत चांगला राहत आहे. मात्र, या वर्षी तसे घडले नाही, तर संपूर्ण ब्रॉयलर पोल्ट्री उद्योग अडचणीत येऊ शकतो.

कोमरला समूहाचे संचालक कृष्णचरण म्हणाले, की एप्रिलच्या पहिल्या आठवड्यात बाजाराने गती पकडली होती; मात्र ती टिकू शकली नाही. हैदराबाद, बंगळुरू येथील बाजार ६८ ते ७० रु. प्रतिकिलोदरम्यान आहेत. त्या तुलनेत महाराष्ट्र दहा रु. ने कमी राहण्याची शक्यता आहे. १५ एप्रिलनंतर बाजारात सुधारणा अपेक्षित आहे. तथापि, एकूण माहोल फारसा आशादायक नाही. बाजारात मागणीच्या तुलनेत १० ते १५ टक्के माल अतिरिक्त असणे, हे त्यामागील प्रमुख कारण आहे.

सलग तीन वर्षांपासून एप्रिल ते जुलै हा कालावधी बाजारभावाच्या दृष्टीने चांगला जात असला, तरी यंदा त्याची पुनरावृत्ती होईलच, असा आत्मविश्वास बाजारात दिसत नाही. २०१७ मधील मोठ्या तेजीमुळे संस्थात्मक क्षेत्राची वाढलेली आर्थिक ताकद, कच्च्या मालाचा, खासकरून स्वस्त मक्याची उपलब्धता आदी कारणांमुळे उत्पादनवाढीचा वेग मागणीच्या तुलनेत अधिक राहू शकतो. दुसरा मुद्दा, द रवर्षी तापमानवाढीमुळे होणारे नुकसान टाळण्याकडे अधिक लक्ष दिले जात आहे.

बाजारात टिकून राहण्यासाठी ओपन फार्मर्स व नॉन ब्रीडर इंटिग्रेटर्सनाही उत्पादनात सातत्य ठेवणे क्रमप्राप्त ठरत आहे. एकूणच, पुढील चार महिन्यांत मागणीच्या प्रमाणात पुरवठा संतुलित ठेवण्याचे आव्हान पोल्ट्री उद्योगापुढे आहे. राज्यपातळीवर सर्व लहान-मोठे इंटिग्रेटर्स व ओपन फार्मर्सच्या नियमित संवादातूनच संतुलित पुरवठ्याचे उ.िद्दष्ट गाठता येईल, असे दिसते.
 

प्रकार     भाव     परिमाण     बाजारपेठ
ब्रॉयलर     ५७     प्रतिकिलो     नाशिक
चिक्स     ३४     प्रतिनग     पुणे
हॅचिंग एग्ज  ३०     प्रतिनग     मुंबई
अंडी     २८७     प्रतिशेकडा     पुणे

इतर ताज्या घडामोडी
काँग्रेसमध्ये नवचैतन्य; प्रियंका गांधी...नवी दिल्ली : काँग्रेस अध्यक्ष राहुल गांधी...
पीकनिहाय सेंद्रिय खत व्यवस्थापनपशुपालनातून जमिनीची सुपीकता हा विषय आता...
परोपजीवी मित्र-कीटकांची ओळखसध्या केवळ कीडनियंत्रणासाठी कीटकनाशकांच्या...
खोडवा उसाला द्या शिफारशीत खतमात्रापाण्याची उपलब्धता लक्षात घेऊन रासायनिक खतांचा...
परभणीत काकडी १००० ते १५०० रुपये क्विंटलपरभणी : येथील पाथरी रस्त्यावरील फळे,...
मागण्यांसाठी संग्रामपूर येथे...बुलडाणा  ः जनावरांसाठी चारा नाही, लोकांना...
शेतकऱ्यांनी पाडली तूर खरेदी बंदयवतमाळ : हमीभावापेक्षा ९०० ते १००० रुपये कमी...
कर्जमाफीसाठी पॉलिहाउस शेडनेटधारक...नगर  : पॉलिहाउस शेडनेटधारक शेतकऱ्यांचे...
विदर्भात पाच ठिकाणी होणार ब्रिज कम...अमरावती  ः भूजल पुनर्भरणाच्या उद्देशाने...
सोलापूर जिल्ह्यातील १६२ पाणंद...सोलापूर : सोलापूर जिल्ह्यात पालकमंत्री पाणंद...
खानदेशात मक्याची आवक नगण्यजळगाव : खानदेशातील प्रमुख बाजार समित्यांमध्ये मक्...
सातारा जिल्ह्यात ४६ लाख ३५ हजार टन ऊस...सातारा : जिल्ह्यातील ऊस गाळप हंगाम वेगात...
जळगावमधील ग्रामपंचायतींचा डिजिटल...जळगाव  ः ग्रामपंचायतींमध्ये संगणकावरील विविध...
पुणे जिल्ह्यात ७१ लाख टन ऊस गाळपपुणे   ः जिल्ह्यात १७ साखर...
नगर जिल्ह्याचे विभाजन होणारच ः...नगर  ः नगर जिल्ह्याचे विभाजन व्हावे, ही...
पंधरा दिवसांपूर्वीच संपला नगरमधील पाच...नगर ः नगर जिल्ह्यामध्ये चाराटंचाई अंधिक तीव्र होत...
वीज दरवाढ रद्दबाबतचे परिपत्रक...शिरोली पुलाची, जि. कोल्हापूर : वीज दरवाढ...
दुष्काळग्रस्तांच्या मागण्यांसाठी परभणीत...परभणी : जिल्ह्यातील दुष्काळग्रस्त शेतकरी,...
हरकती असलेल्या जमिनी अधिग्रहित करणार...मुंबई   : हरकती असलेल्या जमिनी...
मराठवाडा, खानदेशात ४९ लाख टन ऊसगाळपऔरंगाबाद : यंदाच्या हंगामात मराठवाडा व खानदेशातील...