agriculture news in marathi, sericulture scheme status, yavatmal, maharashtra | Agrowon

यवतमाळमधील शेतकऱ्यांची रेशीम शेतीला पसंती
टीम अॅग्रोवन
गुरुवार, 21 डिसेंबर 2017
जिल्ह्यातील शेतकऱ्यांना शेतीला पूरक उद्योग म्हणून रेशीम शेती चांगला पर्याय ठरू शकतो. शेतकऱ्यांच्या उत्पन्नात वाढ व्हावी, यासाठी प्रयत्न सुरू आहेत. आणखी एक हजार शेतकऱ्यांची नोंदणी करण्याचे उद्दिष्ट असून, त्यासाठी प्रशासन सज्ज आहे.
- डॉ. राजेश देशमुख, जिल्हाधिकारी, यवतमाळ.
यवतमाळ  : कपाशी पिकावर आलेल्या संकटांमुळे शेतकरी त्रस्त झाले आहेत. बोंड अळीने तर आता शेतकऱ्यांसमोर नवे आव्हानच उभे झाले. येत्या हंगामात काय, असा प्रश्‍न आता शेतकऱ्यांसमोर निर्माण झाला आहे. मात्र या प्रश्‍नावर शेतकऱ्यांनीच उत्तर शोधले असून, त्यांनी रेशीम शेतीला पसंती दिली आहे. या हंगामात  तब्बल एक हजार शेतकऱ्यांनी त्यासाठी ऑनलाइन नोंदणी केली आहे.
 
जिल्ह्यातील बहुतांश शेतकरी परंपरागत पद्धतीने शेती करतात. मात्र त्यातून मिळणारे उत्पन्न तोकडे आहे. अशातच आता शेती मोठ्या संकटातून जात आहे. पिकांवर होणारा विविध रोग - किडींचा प्रादुर्भाव यानंतर हातात आलेल्या पिकाला मिळणारा कमी भाव ही स्थिती कायम आहे. त्यातच बीटी कापसावर बोंड अळीच्या आक्रमणामुळे तर शेतकऱ्यांसमोर मोठे संकटच उभे ठाकले आहे. काही शेतकऱ्यांनी तर आता या चक्रातून बाहेर पडून नवीन प्रयोग सुरू केले आहेत. शेतीला जोडधंदा म्हणून रेशीम शेतीकडे लक्ष केंद्रित केले आहे.
 
गतवर्षी जिल्ह्यात २०० एकरांवर तुतीची लागवड करण्याचे उद्दिष्ट होते. प्रत्यक्षात २१३ एकरांवर लागवड झाली. त्यातून ६३ हजार ३५० अंडीपुंजांची निर्मिती करून २७ मेट्रिक टनांचे उत्पादन झाले. पुढील वर्षासाठी २५० एकरांचे उद्दिष्ट ठेवण्यात आलेले होते. मात्र ते आता ५०० एकरांवर गेले. रेशीम शेतीसाठी पहिल्यांदाच एक हजार सात शेतकऱ्यांनी अर्ज सादर केलेत.
 
जिल्हाधिकारी डॉ. देशमुख यांनी यात लक्ष देऊन रेशीम संचालनालयाला उद्दिष्ट वाढवून दिले. शिवाय शेतकऱ्यांमध्ये जनजागृती करण्याचे निर्देश दिलेत. त्यामुळे हे उद्दिष्ट वाढविण्यात यश मिळाले. येत्या काळात आणखी किमान एक हजार अर्ज येतील, अशी शक्‍यता वर्तविण्यात येत आहे.
 
‘मनरेगा’मधून मजुरी मिळत असल्याने याला आणखी गती मिळण्याची शक्‍यता आहे. जिल्ह्यातील वातावरण रेशीमसाठी पोषण असल्याने कापसाला रेशीम पर्याय ठरू शकतो, अशी शक्‍यता रेशीम संचालयाने वर्तविली आहे. शेतकऱ्यांनी आता कपाशीची पर्याय म्हणून रेशीमला पसंती देत असल्याचे चित्र सध्या तरी आकडेवारीवरून दिसून येत आहे.

इतर ताज्या घडामोडी
कोबीवरील भुरी, घाण्या रोगनियंत्रणराज्यात गेल्या काही दिवसांत अवकाळी पाऊस व गारपीट...
अधिक उत्पादन, साखर उताऱ्यासाठी फुले १०,...ऊस उत्पादक शेतकऱ्यांना अधिक उत्पादन देणाऱ्या...
स्थलांतरित गावांतही मिळणार रेशनचे...नगर : रोजगारासाठी गाव सोडलेल्या कुटुंबांना आता...
नाशिक विभाग ‘मनरेगा’ची मजुरी जमा...नाशिक  : महात्मा गांधी राष्ट्रीय ग्रामीण...
शेतकऱ्यांच्या प्रश्नांसाठी पेटून उठासेलू, जि. परभणी : कधी गारपीट, कधी अवकाळी पाऊस,...
बायफचा फ्रान्स सरकारकडून गौरव पुणे : पशुसंवर्धन, ग्रामविकास व शेती क्षेत्रात...
परभणी जिल्ह्यातील १४ हजार जनावरांना इअर...परभणी : पशुसंवर्धन विभागांतर्गत राबविण्यात येत...
जळगाव जिल्ह्यात हवामानाचा बाजरी उगवणीवर...जळगाव  ः जिल्ह्यात बाजरीची पेरणी काही...
कर्जमाफीच्या २१ लाख शेतकऱ्यांचे खाते '...यवतमाळ : कर्जमाफी अंतिम टप्प्यात आली आहे....
नगर जिल्ह्यात `नरेगा’च्या कामांवर...नगर : मजुरांना रोजगार मिळावा म्हणून राबवल्या...
वऱ्हाडात कांदा बिजोत्पादनाला गारपिटीचा...अकोला ः कांदा बिजोत्पादनाचे मोठे क्षेत्र असणाऱ्या...
हमीभाव : धूळफेकीचे चक्र पूर्ण सत्तेवर येण्यापूर्वी दिलेली आश्वासने सत्तेवर...
सरकारने शेतकऱ्यांची फसवणूक थांबवावी :...दीडपट हमीभावाची सरकारची घोषणा ही शुद्ध बनवाबनवी...
उत्पादन खर्चाबद्दल खुलासा करावा : डॉ....केंद्र सरकारने आगामी खरिपात सर्व अघोषित पिकांसाठी...
मराठवाड्यातील लघू प्रकल्प आले २७ टक्‍क्...औरंगाबाद : मराठवाड्यातील ८६४ लघू, मध्यम, मोठ्या...
गारपीटग्रस्त केळी बाग सुधारणेच्या...अवकाळी पाऊस व गारपिटीमुळे  केळी पिकाचे कमी-...
नांदेड, परभणी, हिंगोली जिल्ह्यांत १५...नांदेड : केंद्र शासनाच्या किंमत समर्थन...
जळगाव जिल्हा परिषदेच्या अर्थसंकल्पात...जळगाव  : जिल्हा परिषदेचा अर्थसंकल्प यंदा सहा...
ब्रॉयलर्स बाजार दहा रुपयांनी उसळला,...ब्रॉयलर्सचा बाजार अपेक्षेप्रमाणे जोरदार उसळी...
पुण्यात कलिंगड, खरबुजाच्या आवकेत वाढपुणे : गुलटेकडी येथील बाजार समितीमध्ये...