agriculture news in marathi, server burn fails government online procurement process | Agrowon

तूर, हरभरा खरेदीची ऑनलाइन यंत्रणा कोलमडली
सूर्यकांत नेटके
मंगळवार, 17 एप्रिल 2018

नगर : नाफेडतर्फे सुरू करण्यात आलेल्या तूर, हरभरा खरेदीसह अन्य बाबी ऑनलाइन करणाऱ्या चांदूर मार्ग (मुंबई) येथील ‘सर्व्हर’ यंत्रणा जळाल्याने राज्यात तूर, हरभरा खरेदीची ऑनलाइन यंत्रणा कोलमडली आहे. सोमवारी (ता. १६) रात्रीपर्यंत ऑनलाइन यंत्रणा सुरू होईल, असे संबंधितांकडून सांगण्यात आले. मात्र, जर लवकर ‘सर्व्हर’ सुरू झाले नाही, तर राज्यात तूर व हरभरा खरेदीला अडचण निर्माण होण्याची शक्‍यता व्यक्त केली जात आहे.

नगर : नाफेडतर्फे सुरू करण्यात आलेल्या तूर, हरभरा खरेदीसह अन्य बाबी ऑनलाइन करणाऱ्या चांदूर मार्ग (मुंबई) येथील ‘सर्व्हर’ यंत्रणा जळाल्याने राज्यात तूर, हरभरा खरेदीची ऑनलाइन यंत्रणा कोलमडली आहे. सोमवारी (ता. १६) रात्रीपर्यंत ऑनलाइन यंत्रणा सुरू होईल, असे संबंधितांकडून सांगण्यात आले. मात्र, जर लवकर ‘सर्व्हर’ सुरू झाले नाही, तर राज्यात तूर व हरभरा खरेदीला अडचण निर्माण होण्याची शक्‍यता व्यक्त केली जात आहे.

शेतकऱ्यांकडून हमी दराने तूर, हरभरा खरेदी करण्यासाठी नाफेडने राज्यभर खरेदी केंद्रे सुरू केली आहेत. यंदापासून शेतकऱ्यांनी तूर, हरभरा विक्री करण्याआधी ऑनलाइन नोंदणी करणे बंधनकारक आहे. ऑनलाइन नोंदणीचे काम ‘एनईएमएल’ (नॅशनल ई मार्केटिंग लि.) या खासगी संस्थेकडे दिलेले आहे. जानेवारीपासून तूर खरेदी सुरू असून, पंधरा दिवसांपासून हरभरा खरेदीसाठी केंद्रे सुरू केली आहेत. तूर विक्रीसाठी १८ एप्रिलपर्यंत ऑनलाइन नोंदणी केली जाणार आहे. केंद्रावर खरेदी झाल्यानंतर शेतकऱ्यांना ऑनलाइन काटा पावती दिली जाते. याशिवाय खरेदी केलेल्या मालाची ऑनलाइन एंट्री करून माल साठवणुकीसाठी गोडाउनला दिला जातो.

‘‘राज्यभरासाठी काम करणाऱ्या ऑनलाइन यंत्रणेचे मुख्य ‘सर्व्हर’ चांदूरमार्ग (मुंबई) येथे असून, तेथील कार्यालयाला सकाळी साडेअकराच्या दरम्यान आग लागली. आगीत जवळपास सगळीच ‘सर्व्हर’ यंत्रणा जळाली आहे. त्यामुळे राज्यभरातील तूर, हरभरा विक्रीसाठी ऑनलाइन नोंदणीसह खरेदी केंद्रावरील ऑनलाइन काटा पावती आणि लॉट एंट्रीचे काम कोलमडले आहे. ‘‘आग लागल्यामुळे यंत्रणा कोलमडली असून, त्याचा राज्यातील सगळ्या हरभरा, तूर खरेदीवर काहीसा परिणाम झाला आहे. ‘सर्व्हर’ यंत्रणा जळाली असली तरी सर्व ‘डाटा’ सुरक्षित आहे. बंद पडलेली यंत्रणा सुरू करण्याचे काम वेगात सुरू आहे. आज (सोमवारी) रात्रीपर्यंत पर्यायी व्यावस्थी सुरू होईल,’’ असे ‘एनईएमएल’च्या समन्वयकांनी सांगितले. प्रत्येक जिल्ह्यामधील मार्केटिंग फेडरेशनलाही यंत्रणा कोलमडल्याबाबतच्या सूचना दिल्या आहेत. आज (सोमवारी) यंत्रणा सुरू झाली नाही तर राज्यात तूर, हरभरा खरेदीवर परिणाम होण्याची शक्‍यता व्यक्त केली जात आहे. याबाबत मात्र सबंधित अधिकारी अधिक बोलायला तयार नाहीत. 

टॅग्स

इतर ताज्या घडामोडी
जळगावात आले २५०० ते ६००० रुपये...जळगाव ः येथील कृषी उत्पन्न बाजार समितीमध्ये...
सिंदखेडराजा दुष्काळग्रस्त जाहीर कराअकोला : जिल्ह्यात या मोसमात तेल्हारा व अकोट या...
खान्देशातील धरणांत अल्प पाणीसाठा जळगाव : खान्‍देशातील तापी व पांझरा नदीवरील...
कोल्हापूरात धरणे भरली; नद्यांची...कोल्हापूर : केवळ पंधरा दिवसांतच जिल्ह्यातील...
जळगाव जिल्हा परिषदेत विरोधक शांत;...जळगाव : पोषण आहार, शिक्षक बदल्या यावरून जिल्हा...
नगर जिल्ह्याच्या काही भागांत पावसाचे...नगर ः गेल्या अनेक दिवसांपासून गायब झालेला आणि...
भंडारा जिल्ह्यातील धान उत्पादनात घटीची...भंडारा : गेल्या वीस दिवसांपासून धानपट्ट्यात...
नगरमध्ये डाळिंबाच्या दरात पंचवीस...नगर ः नगर जिल्ह्यामध्ये गेल्या दीड महिन्याच्या...
उरुग्वेतील गायीमधील लेप्टोस्पायरा...जगभरामध्ये प्राणी आणि मनुष्यामध्ये...
सागरी माशांच्या बिजोत्पादनाचे तंत्र...कोची येथील केंद्रीय सामुद्री मत्स्य संशोधन...
कोल्हापुरातील ११० गावांत कृत्रिम...कोल्हापूर : अनुवंशिक सुधारणा होऊन सशक्त जनावरांची...
पुणे विभागात ७३,७४० हजार हेक्टरवर...पुणे   ः  गेल्या साडेतीन महिन्यांत...
मराठवाड्यासाठी निधी कमी पडू दिला जाणार...औरंगाबाद  : मराठवाड्याच्या दुष्काळमुक्तीसाठी...
पावसाअभावी वऱ्हाडात सोयाबीनचे उत्पादन...अकोला   ः या हंगामात वऱ्हाडात सर्वाधिक लागवड...
पुणे जिल्ह्यात महिनाभरात नऊ जणांचा...उरुळी कांचन, जि. पुणे : संपूर्ण राज्यात चिंतेचा...
मी 35-40 रूपयांनी पेट्रोल-डिझेलची...नवी दिल्ली : सध्या पेट्रोल-डिझेल दरवाढीमुळे मोदी...
लाल मातीचा सन्मान वाढविणारे आंदळकरकोल्हापुरातील २२ जून १९७० चा म्हणजे ४८...
डी.आर. कुलकर्णी यांचे निधनपुणे : 'सकाळ'च्या पुणे आवृत्तीतील मुख्य उपसंपादक...
पंतप्रधान नरेंद्र मोदी यांचा आज जन्मदिन...भारताचे पंतप्रधान नरेंद्र मोदी आज 68 वा वाढदिवस...
देशात सर्वाधिक महाग पेट्रोल मराठवाड्यात...लातूर : गेली सलग अठरा दिवस देशात पेट्रोल आणि...