agriculture news in Marathi, setback to kharip season crop, Maharashtra | Agrowon

अतिपावसाचा खरिपाला फटका
टीम अॅग्रोवन
रविवार, 19 ऑगस्ट 2018

पुणे : दीर्घ खंडानंतर बुधवार (ता.१५) ते शुक्रवार (ता. १७) पर्यंत विदर्भ, मराठवाडा, उत्तर महाराष्ट्रात पावसाने दणका दिला. यात नंदुरबारच्या नवापूर तालुक्यातील रंगावली नदीने रौद्ररूप धारण केल्याने जीवित आणि वित्तहानी झाली. तर विदर्भातील अकोला, बुलडाणा, वाशीमसह यवतमाळ जिल्ह्यात पावसामुळे हजारो हेक्टरवरील पिकांचे नुकसान झाले. तर मराठवाड्यात पाण्याअभावी खरीप धोक्यात आला असतानाच जोरदार पावसामुळे पिकांचे अातोनात नुकसान झाले आहे. आज (ता. १९) कोकण, विदर्भात पाऊस वाढणार असून, तुरळक ठिकाणी मुसळधार पावसाची शक्यता हवामान विभागाने विर्तविली आहे. 

पुणे : दीर्घ खंडानंतर बुधवार (ता.१५) ते शुक्रवार (ता. १७) पर्यंत विदर्भ, मराठवाडा, उत्तर महाराष्ट्रात पावसाने दणका दिला. यात नंदुरबारच्या नवापूर तालुक्यातील रंगावली नदीने रौद्ररूप धारण केल्याने जीवित आणि वित्तहानी झाली. तर विदर्भातील अकोला, बुलडाणा, वाशीमसह यवतमाळ जिल्ह्यात पावसामुळे हजारो हेक्टरवरील पिकांचे नुकसान झाले. तर मराठवाड्यात पाण्याअभावी खरीप धोक्यात आला असतानाच जोरदार पावसामुळे पिकांचे अातोनात नुकसान झाले आहे. आज (ता. १९) कोकण, विदर्भात पाऊस वाढणार असून, तुरळक ठिकाणी मुसळधार पावसाची शक्यता हवामान विभागाने विर्तविली आहे. 

 नवापूर, (जि. नंदुरबार) तालुक्‍यात शुक्रवारी (ता. १७) पहाटे झालेल्या अतिवृष्टीने तीन महिला व दोन पुरुषांचा बळी घेतला; तर ५७ जनावरेही या पावसात मृत्युमुखी पडली. तसेच नवापूर, विसरवाडी, बोकळझर, चौकी या भागांतील ४१९ घरांचे नुकसान झाले. रंगावली नदीला पूर अाल्यानंतर पहाटेची वेळ असल्याने रौद्ररूप लवकर लक्षात न आल्याने जीवित व वित्तहानी वाढली. भागातील रहिवासी सईदा हुसेन काखर (भगतवाडी, नवापूर), जामनाबाई लाशा गावित (बालहाट, ता. नवापूर) या दोघी पुरात वाहून गेल्याने मृत्युमुखी पडल्या.

शेवंतीबाई बोदल्या गावित (खोकसा) यांच्या अंगावर घर पडल्याने त्यांचा मृत्यू झाला. वाघळापाडा (ता. नवापूर) येथील काशिराम बाबजी गावित हे नागझरी धरणाच्या सांडव्यावरून जात असताना पाय घसरून पुराच्या पाण्यात वाहून गेले. अन्य एका पुरुषाचाही मृतदेह सापडला असून, त्याची ओळख अद्याप पटली नाही. तसेच, पुरामुळे अनेक वाहनांचेही नुकसान झाले. सुरत-नागपूर महामार्गावरील शहरातील पूल, करंजी ओवाराचा (नई होंडा) उंच पुलावरून पाणी वाहत असल्याने नवापूर शहराकडे येणारे सर्व मार्ग बंद झाले होते.

वऱ्हाडात नुकसान
वऱ्हाडातील अकोला, बुलडाणा, वाशिम या जिल्ह्यात गुरुवारी (ता.१६) झालेल्या पावसामुळे नदी, नाले दुथडी भरून वाहिले. पुराच्या पाण्यामुळे काठावरील शेतातील पिकांचे नुकसान झाले. मोर्णा, काटेपूर्णा, पूर्णा, कमळगंगा, उमा या नद्यांना पूर आला आहे. अकोला जिल्ह्यात नुकसानीचे प्रमाण अधिक असून, यंत्रणाकडून आढावा घेण्याचे काम सुरू झाले आहे. प्राथमिक माहितीनुसार ५० पेक्षा अधिक घरांचे नुकसान झाले. तर, शेकडो हेक्टर शेतीचे नुकसान झाले. मूर्तिजापूर तालुक्यात पुराच्या पाण्यामुळे तीन जनावरांचा मृत्यू झाला आहे. हातरुण भागात मोर्णा नदी, कोळसा नाल्यांना पूर आल्याने नदीकाठावरील १२५ हेक्टर क्षेत्रातील पिके पाण्याखाली गेली. वाशिम जिल्ह्यातील कारंजा, मानोरा तालुक्यात पावसामुळे नदीनाल्यांना पूर आला.

यवतमाळमध्ये मोठी हानी
यवतमाळ जिल्ह्याच्या अनेक तालुक्‍यांत झालेल्या अतिवृष्टीने २२ हजार हेक्‍टरवरील पिकांना फटका बसला असून, तब्बल चार हजार घरांची पडझड झाली. महसूल विभागाने या नुकसानीच्या पंचनामाचे आदेश दिले अाहेत. दिग्रस, आर्णी, उमरखेड, महागाव, दारव्हा या पाच तालुक्‍यांत पावसाने अक्षरश: धुमाकूळ घातला. धुवाधार पावसाने नदी, नाल्यांना आलेल्या पुराचे पाणी दिग्रस, आर्णी शहरात घुसल्याने नुकसान वाढले.

भातशेतीला फटका
जुन्नर (जि. पुणे) तालुक्याच्या ऐतिहासिक दाऱ्या घाटाच्या पायथ्याशी असलेल्या आंबोली येथे गुरुवारी (ता. १६) झालेल्या जोरदार पावसाने शेतकऱ्यांच्या भातशेतीचे मोठे नुकसान झाले आहे. शेतकऱ्यांच्या भात खाचरात ओढ्याच्या पाण्याचा प्रवाह घुसल्याने भातरोपे व माती वाहून गेली आहे. सुमारे पन्नास हजारांचे नुकसान झाल्याचा अंदाज व्यक्त करण्यात येत आहे. मीना नदीला पूर आला आल्याने नदी काठावरील असणाऱ्या शेत जमिनीत पुराचे पाणी घुसल्याने पिकाचे नुकसान झाले. या नुकसानीचा पंचनामा करून भरपाई मिळावी, अशी मागणी करण्यात आली आहे.

शुक्रवारी जोर ओसरलेल्या पावसाने शनिवारीही राज्यात उघडीप दिली होती. शनिवारी (ता. १८) सकाळपर्यंत कोकण, मध्य महाराष्ट्रात तुरळक ठिकाणी मुसळधार पाऊस पडला. तर, उर्वरित राज्यात हलक्या ते मध्यम पावसाच्या सरींनी हजेरी लावली. 
शनिवारी सकाळपर्यंतच्या २४ तासांमध्ये राज्यात पडलेला पाऊस (मिलिमीटरमध्ये - स्त्रोत कृषी विभाग)  
  कोकण : बिरवडी ४२, करंजवडी ४०, खारवली ४०, इंदापूर ५१, गोरेगाव ४८, लोनेरे ५०, निझामपूर ५२, खामगाव ४५, तला ४७, धामनंद ४३, अबलोली ४७, देव्हरे ४२, सवंडल ४४, कोंडीया ४०, भांबेड ४६, विलवडे ४२, देवगड ४२, मीतबंब ४२, शिरगाव ६४, पाटगाव ४९, बापर्डे ४२, श्रावण ५३, अंबोली १०५, कनकवली ६४, फोंडा ५६, सांगवे ७४, नांदगाव ११४, तालेरे ४०, वागडे ५८, कडवल ६५, कसाल ५०, वैभववाडी ४६, येडगाव ४२.
  मध्य महाराष्ट्र : पेठ ४०, जागमोडी ४६, वेळुंजे ५०, शेंडी ४२, मुठे ५७, काले ४८, लोणावळा ४६, वेल्हा ४१, बामणोली ४३, हेळवाक ६९, महाबळेश्‍वर ८२, तापोळा ११८, लामज १३७, करंजफेन ६७, आंबा ८६, राधानगरी १०३, आवळी ४१, कसबा ४६, गगनबावडा ५०, साळवण ५७, कराडवाडी ४५, आजरा ४१, गवसे ६०, चंदगड ५५. 
  मराठवाडा : मालेगाव २८, डोंगरकडा २७.
  विदर्भ : वाळगाव ५६, शिरळा ४५, नांदगाव ४०, निंभा ४८, चांदूर रेल्वे ४३, साटेफळा ५१, रिद्धापूर ५५, अंबडा ४२, बेलोरा ५२, करजगाव ७२, असेगाव ४४, तळेगाव ४८, शिरजगाव ९७, ब्राह्मणवाडा ९५, दत्तपूर ४०, गिरड ५५, खापा ६६, बडेगाव ४६, असारळी ५७.

इतर अॅग्रो विशेष
गोकुळकडून गायीच्या दूध खरेदी दरात २...कोल्हापूर: कोल्हापूर जिल्हा दूध संघाने (गोकुळ)...
तीस टन हापूसची रत्नागिरीतून थेट निर्यातरत्नागिरी ः रत्नागिरीतील प्रक्रिया केंद्रातून...
उन्हाचा चटका; उकाडा नकोसापुणे : मे महिन्याच्या सुरवातीपासून कमाल तापमान...
पूर्वमोसमी वळीवाच्या सरींचाही दुष्काळपुणे: उन्हाच्या झळा वाढल्याने राज्याला तीव्र...
ग्राम स्तरावरील पीककापणी प्रयोग रद्द !पुणे: राज्यात येत्या खरिपात पीकविम्यासाठी ग्राम...
पराभव मान्य; पण लढाई संपलेली नाही... :...राज्यातील शेतकरी चळवळीचा चेहरा असलेले स्वाभिमानी...
दुधाचा कृशकाळ सुरू होऊनही दर कमीच !पुणे: दुष्काळामुळे दुधाचा कृशकाळ सुरू झालेला असून...
उष्ण, कोरड्या हवामानाचा अंदाज पुणे: राज्यातील कमाल तापमानाचा पारा गेल्या काही...
एचटीबीटीविरोधात मोहीम तीव्र पुणे: राज्यात सुरू असलेल्या अनधिकृत तणनाशकाला...
फलोत्पादनासाठी अर्ज करण्यात नगर अव्वलनगर : एकात्मिक फलोत्पादन विकास अभियानअंतर्गत...
राज्यात पाणीटंचाईचा आलेख वाढताचपुणे: उन्हाचा चटक्याबरोबरच राज्यात पाणीटंचाईचा...
शेतकरी कंपन्या लातूरमध्ये उभारणार डाळी...लातूर : स्पर्धाक्षम बाजार घटक म्हणून शेतकरी...
देशातील जलाशयांमध्ये २१ टक्के पाणीसाठानवी दिल्ली ः उन्हाचा चटका वाढतानाच देशभरात...
नंदुरबारच्या दुर्गम भागात ‘सातपुडा भगर'...अक्कलकुवा तालुक्‍यातील आदिवासी महिला,...
गटशेती : काळाची गरजशेती शाश्वत व किफायतशीर होण्यासाठी एकट्याने शेती...
शिक्षण, आरोग्य अन्‌ प्रशिक्षणातून...नांदगाव (ता. बोदवड, जि. जळगाव) गावामध्ये विजय...
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...