agriculture news in marathi, setback of October hit to jalgaon, Maharashtra | Agrowon

‘आॅक्टोबर हीट’चा जळगावला तडाखा
टीम अॅग्रोवन
सोमवार, 1 ऑक्टोबर 2018

पुणे : कोकण, पश्‍चिम महाराष्ट्रात वादळी पावसाने हजेरी लावली आहे. उत्तर महाराष्ट्र, मराठवाडा आणि विदर्भात मात्र उघडीप असल्याने तापमानाचा पारा ३५ अशांच्या वर सरकला आहे. राज्याला ‘ऑक्टोबर हीट’चा तडाखा बसत असून, रविवारी (ता. ३०) सकाळपर्यंतच्या २४ तासांमध्ये जळगाव येथे उच्चांकी ३७ अंश सेल्सिअस तापमानाची नोंद झाली. तर बुधवारपासून (ता. ३) कोकण, मध्य महाराष्ट्रात मेघगर्जना, विजांसह वादळी पाऊस पडण्याची शक्यता हवामान विभागाने वर्तविली आहे. 

पुणे : कोकण, पश्‍चिम महाराष्ट्रात वादळी पावसाने हजेरी लावली आहे. उत्तर महाराष्ट्र, मराठवाडा आणि विदर्भात मात्र उघडीप असल्याने तापमानाचा पारा ३५ अशांच्या वर सरकला आहे. राज्याला ‘ऑक्टोबर हीट’चा तडाखा बसत असून, रविवारी (ता. ३०) सकाळपर्यंतच्या २४ तासांमध्ये जळगाव येथे उच्चांकी ३७ अंश सेल्सिअस तापमानाची नोंद झाली. तर बुधवारपासून (ता. ३) कोकण, मध्य महाराष्ट्रात मेघगर्जना, विजांसह वादळी पाऊस पडण्याची शक्यता हवामान विभागाने वर्तविली आहे. 

कोकण पश्‍चिम महाराष्ट्रातील जिल्ह्यांमध्ये जवळपास आठवडाभरापासून वादळी वाऱ्यांसह पाऊस पडत आहे. सकाळपासून उन्हाचा चटक्यामुळे उकाडा वाढून दुपारी ढग गोळा होत, सायंकाळी आणि रात्री जोरदार सरी कोसळत आहेत. तर उर्वरीत महाराष्ट्रात मुख्यत: कोरडे हवामान असल्याने सरासरीपेक्षा अधिक तापमान नोंदले जात आहे. जळगावसह, बीड, मालेगाव, अकोला येथे तापमान ३६ अंशांवर, तर सोलापूर, परभणी, अकोला, ब्रह्मपुरी, चंद्रपूर, नागपूर, वर्धा, यवतमाळ येथे तापमान ३५ अंशांच्या पुढे गेले अाहे.

कर्नाटकच्या किनाऱ्यालगत समुद्र सपाटीपासून ९०० मीटर उंचीवर चक्राकार वारे वाहत आहे. या भागात शनिवारपर्यंत (ता. ६) कमी दाबाचे क्षेत्र तयार होण्याचे संकेत असून, त्याची तीव्रता वाढणार आहे. यातच नैऋत्य बंगालच्या उपसागरापासून पूर्वमध्य अरबी समुद्रापर्यंत हवेचा कमी दाबाचा पट्टा सक्रिय असल्याने कोकण, मध्य महाराष्ट्रात पावसाला पोषक हवामान तयार होत आहे. बुधवारपासून (ता.३) दक्षिण काेकण, मध्य महाराष्ट्रात वादळी पाऊस सुरू होण्याची शक्यता वर्तविण्यात आली आहे. 

रविवारी (ता.३०) सकाळपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३३.६, जळगाव ३७.०, कोल्हापूर ३१.६, महाबळेश्‍वर २५.७, मालेगाव ३६.०, नाशिक ३२.५, सांगली ३१.०, सातारा ३१.७, सोलापूर ३५.८, सांताक्रुज ३२.२, अलिबाग ३१.६, रत्नागिरी ३३.५, डहाणू ३२.४, आैरंगाबाद ३४.४, परभणी ३५.४, नांदेड ३४.०, बीड ३६.४, अकोला ३५.९, अमरावती ३४.६, बुलडाणा ३१.१, ब्रह्मपुरी ३५.५, चंद्रपूर ३५.२, गोंदिया ३४.०, नागपूर ३५.२, वर्धा ३५.०, यवतमाळ ३५.५.

रविवार (ता. ३०) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्त्रोत - कृषी विभाग) : 
कोकण : मालगुंड २५, तरवल ३७, पाली २६, तुलासणी ३१, म्हाबळे ३२, राजापूर ५६, कोंडेया ४१, कुंभवडे २८, पाचळ २०, शिरगाव २७, पाटगाव २४. 
मध्य महाराष्ट्र : अंबवणे २३, कुडे ३२, कडूस ३४, निंबार्गी २०, विंचूर ३४.

माॅन्सूनची आणखी माघार शक्य
नैऋत्य मोसमी वाऱ्यांनी (माॅन्सून) शनिवारी (ता. २९) परतीच्या प्रवासाला सुरवात केली आहे. पश्‍चिम राजस्थान, कच्छचा काही भाग, उत्तर अरबी समुद्राच्या काही भागातून मॉन्सून परतला आहे. मंगळवारपर्यंत (ता. २) राजस्थानचा उर्वरीत भाग, पंजाब, हरियाणा, उत्तर प्रदेश, मध्य प्रदेश, गुजरात आणि अरबी समुद्राच्या आणखी काही भागातून मॉन्सून माघारी फिरण्याची शक्यता असल्याचे हवामान विभागाने स्पष्ट केले अाहे.

इतर अॅग्रो विशेष
रानडुकरांचे पर्यावरणस्नेही व्यवस्थापनवनविभाग किंवा जंगलाच्या आसपास असलेल्या...
मराठवाड्यात भीषण जलसंकटऔरंगाबाद : मराठवाड्यातील ८२४ लघू मध्यम...
पशुपालन, प्रक्रिया उद्योगात नेदरलॅंडची...शास्त्रीय पद्धतीने पशुपालन, दुग्धोत्पादन आणि...
आदिवासी पाड्यावर रुजली कृषी उद्योजकताकोणे (ता. त्र्यंबकेश्वर, जि. नाशिक) येथील आदिवासी...
मंडळ स्तरावरील अचूक हवामान अंदाजासाठी...परभणी ः महावेध प्रकल्पांतर्गत मंडळ स्तरावरील...
विदर्भासह, मध्य महाराष्ट्र, मराठवाड्यात...पुणे : विदर्भात उष्णतेची लाट आली आहे. यातच दोन...
राज्यातील सर्वांत मोठा सौरऊर्जा प्रकल्प...नाशिक: कृषिपंपांना दिवसा वीज मिळावी, या...
मॉन्सून मंगळवारपर्यंत उत्तर...पुणे: नैॡत्य मोसमी वारे (मॉन्सून) शनिवारी (ता. १८...
राज्याचे स्वतंत्र निर्यात धोरण ठरणारनागपूर ः शेतीमालाची निर्यात दुपटीने वाढविण्याचे...
राज्यात कापूस बियाणे विक्री २५ मेपासूनजळगाव ः राज्यातील पूर्वहंगामी कापूस लागवड...
दुष्काळात परवडीने ओलांडली सीमा (video...औरंगाबाद : वीस वर्षांचा होतो तवापासून शेतीत राबतो...
Breaking : मॉन्सून अंदमानात दाखलपुणे : नैर्ऋत्य मोसमी वारे (मॉन्सून) आज (ता. १८)...
बिगर नोंदणीकृत जैविक उत्पादनात खत...पुणे : शेतकऱ्यांना पुरविल्या जाणाऱ्या बिगर...
अर्थकारण उंचावणारी उन्हाळी मुगाची शेती वाशिम जिल्ह्यातील पांगरी नवघरे येथील दिलीप नवघरे...
दोनशे देशी गायींच्या संगोपनासह ...सुमारे दोनशे देशी गायींचे संगोपन-संवर्धन यासह...
सांगली : दुष्काळी भागात मंत्र्यांच्या...सांगली ः जिल्ह्यातील दुष्काळी पट्ट्यातील...
‘रोहयो’च्या प्रस्तावांना तीन दिवसांत...मुंबई  ः रोजगार हमी योजनेखाली कामांच्या...
बनावट खतनिर्मिती कारखान्यावर गुणवत्ता...नाशिक : केवळ सेंद्रिय खतांच्या उत्पादनाचा परवाना...
सचिव, आयुक्तांना झुगारून ‘को-मार्केटिंग...पुणे : शेतकऱ्यांची फसवणूक टाळण्यासाठी कावळ्याच्या...
साखर निर्यातीकडील दुर्लक्ष कारखान्यांना...कोल्हापूर : केंद्र सरकारने साखर निर्यातीचे दिलेले...