agriculture news in marathi, In the seventy years, a rupee was not paid! | Agrowon

सत्तर वर्षांत एक रुपयाही अनुदान दिले नाही ः गहिनीनाथ थोरे
टीम अॅग्रोवन
शनिवार, 1 सप्टेंबर 2018

नगर ः ‘राज्यातील जवळपास पंधरा जिल्ह्यांमध्ये सुमारे पंधरा लाखांच्या वर ऊसतोड मजूर आहेत. पस्तीस वर्षांपासून मजुरांच्या न्याय्य हक्कांसाठी संपाच्या माध्यमातून लढा दिला जातोय; मात्र ज्यांच्या जिवावर राज्यातील साखर कारखानदारी जिवंत आहे, ज्यांच्यामुळे कोट्यवधी रुपयांची उलाढाल होते, त्या मजुरांना आत्तापर्यंत मजुरीच्या दरवाढीव्यतिरिक्त सत्तर वर्षांच्या काळात कोणत्याच सरकारने मजुरांना एक रुपयाचेही अनुदान दिले नाही’ अशी खंत महाराष्ट्र राज्य ऊसतोडणी वाहतूक मुकादम कामगार युनियनचे अध्यक्ष गहिनीनाथ थोरे पाटील यांनी व्यक्त केली.

नगर ः ‘राज्यातील जवळपास पंधरा जिल्ह्यांमध्ये सुमारे पंधरा लाखांच्या वर ऊसतोड मजूर आहेत. पस्तीस वर्षांपासून मजुरांच्या न्याय्य हक्कांसाठी संपाच्या माध्यमातून लढा दिला जातोय; मात्र ज्यांच्या जिवावर राज्यातील साखर कारखानदारी जिवंत आहे, ज्यांच्यामुळे कोट्यवधी रुपयांची उलाढाल होते, त्या मजुरांना आत्तापर्यंत मजुरीच्या दरवाढीव्यतिरिक्त सत्तर वर्षांच्या काळात कोणत्याच सरकारने मजुरांना एक रुपयाचेही अनुदान दिले नाही’ अशी खंत महाराष्ट्र राज्य ऊसतोडणी वाहतूक मुकादम कामगार युनियनचे अध्यक्ष गहिनीनाथ थोरे पाटील यांनी व्यक्त केली.

राज्यात ऊसतोडणी मजुरांनी संप पुकारला आहे. त्याबाबत थोरे यांनी राज्य साखर संघाचे अध्यक्ष शिवाजीराव नागवडे यांना निवेदन दिल्यानंतर बोलताना थोरे म्हणाले, ‘ऊसतोडणी मजुरांच्या मागण्यासाठी यंदा संप पुकारला आहे.

मजुरीच्या दरात शंभर टक्के वाढ करावी, ऊसतोडणी मुकादमांचे कमिशन वाढवून ३५ टक्के करावे, कारखान्यांनी ऊसतोड मजूर, मुकादमांना पक्की घरे, शौचालये बांधून द्यावीत, पद्मश्री डॉ. विठ्ठलराव विखे पाटील ऊसतोडणी कामगार सुरक्षा विमा योजनेची अंमलबजावणी करारात ठरल्याप्रमाणे करावी व विमा रकमेत वाढ करावी, मजुरांच्या मुलांकरिता प्रत्येक तालुक्‍यात निवासी शाळा, वसतिगृहांची सोय करावी, मजुरांसाठी उन्नती योजनेची नगरसह राज्यात अंमलबजावणी करावी, सर्व मजुरांच्या कुटुंबांचा दारिद्र्य रेषेखालील यादीत समावेश करावा, मजुरांना साठ वर्षांनंतर पेन्शन योजना लागू करावी, यांसह अन्य मागण्या आहेत. मुळात कष्टाच्या पैशासाठी हा लढा आहे. पण सत्तर वर्षांच्या काळात आत्तापर्यंत एकदाही सरकारने कामगारांना आपले म्हणण्यासारखे काम केले नाही.

हार्वेस्टरसाठी अनुदान कामगारांना काहीच नाही  
हार्वेस्टरसाठी आत्तापर्यंत पाचशे कोटींच्या वर अनुदान दिलेले असताना ऊसतोडणी कामगारांना मात्र आत्तापर्यंत एकही रुपयाचे अनुदान दिले नाही. ऊसतोडणी मजुरांना कष्टाचा योग्य मोबदला मिळत नाही. मागण्यांकडेही फारसे लक्ष दिले जात नाही. त्यामुळे यंदा संप पुकारला आहे. मागण्या मान्य होईपर्यंत संप सुरू राहील,’ असे त्यांनी स्पष्ट केले.

इतर बातम्या
बच्चू कडूंच्या नेतृत्वाखाली एमपीएससी...पुणे : स्पर्धा परीक्षांची तयारी करणाऱ्या...
जिल्हा परिषदेतील कृषी अधिकारी यांना...मुंबई : जिल्हा परिषदेतील कृषी अधिकारी (गट-क...
सांगली जिल्ह्यात सेंद्रिय शेतमालाला हवी...सांगली जिल्ह्यामध्ये सेंद्रिय शेतीमाल विक्री...
नाशिक जिल्ह्यात सेंद्रिय शेतीची वाटचाल...नाशिक जिल्ह्यात सेंद्रिय शेतीचे तीन वर्षांपूर्वी...
मुंबईसह शेजारील शहरांत सेंद्रिय...मुंबईसह शेजारील शहरांमध्ये सेंद्रिय उत्पादनांना...
नाशिक, निफाड कारखाना भाड्याने देण्याचा...नाशिक : कर्जबाजारी व आर्थिक डबघाईमुळे गेल्या काही...
सातपुड्यातील लघू प्रकल्पांमध्ये अल्प...जळगाव : खानदेशात नंदुरबार, धुळे व जळगाव...
नाशिकला पहिल्यांदाच मशिनद्वारे...नाशिक : कांद्याची निर्यात करण्यासाठी कांदा...
तंत्रज्ञान शेतकरी स्नेही व्हायला हवे ः...औरंगाबाद : शेतीतील प्रश्न संपत नाहीत, कालपरत्वे...
प्रात्यक्षिकांनी सुधारित तंत्रज्ञानाचे...जालना : सुधारित तंत्रज्ञानाचा व नवीन वाणाच्या...
हिंगोली जिल्ह्यात एक लाख कुटुंबांना...हिंगोली ः केंद्र शासनाची महत्त्वाकांक्षी आयुष्मान...
परभणीत पीक कर्जवाटप प्रश्नी शेतकरी...परभणी ः जिल्ह्यातील शेतकऱ्यांच्या पीक कर्जवाटप...
म्हैसाळ योजना सुरू करण्यासाठी हालचाली...सांगली ः जिल्ह्यातील ताकारी आणि टेंभू उपसा सिंचन...
अकोला, बुलडाण्यात पीक कर्जवाटप ३०...अकोला  ः शेतकऱ्यांना खरीप हंगामासाठी पीक...
गोंदियातील कृषी सेवा केंद्रे लावणार...गोंदिया   ः जमिनीची गरज ओळखूनच खताची मात्रा...
साताऱ्यात पावसाअभावी पिके करपू लागलीसातारा  : जिल्ह्यात सुमारे एक महिन्यापासून...
नगर जिल्ह्यात पावसाअभावी कांदा लागवड...नगर  ः जिल्हाभरात पावसाअभावी कांदालागवड...
वाशीममध्ये रब्बीत हरभऱ्याचे क्षेत्र...वाशीम  ः या हंगामात जिल्ह्यात चांगला पाऊस...
खरेदी केंद्र सुरू करण्याच्या मागणीसाठी...सातारा  : शेतीमाल खरेदी केंद्रे त्वरित सुरू...
ऊसतोड मजूरांच्या मागण्यांबाबत लवादाची...मुंबई :  राज्यातील ऊसतोड मजूर व कामगारांच्या...