agriculture news in marathi, shadow of drought on festival, nagar, maharashtra | Agrowon

नगर जिल्ह्यात पोळा सणावर दुष्काळाचे सावट
टीम अॅग्रोवन
रविवार, 9 सप्टेंबर 2018

नगर   : जिल्ह्यात पावसाळ्यातील तीन महिन्यांत पुरेसा पाऊस झालेला नाही. खरिपाची पिके जवळपास वाया गेलेली असून रब्बीही हंगामाचीही शाश्‍वती नाही. त्यामुळे सर्वच भागात बैल पोळा सणावर दुष्काळाचे सावट असल्याची स्थिती आहे. ग्रामीण भागातील आठवडे बाजारात सजावटीच्या साहित्याची दुकाने सजली होती. मात्र सजावट साहित्य खरेदीसाठी शेतकऱ्यांचा फारसा उत्साह नव्हता.

नगर   : जिल्ह्यात पावसाळ्यातील तीन महिन्यांत पुरेसा पाऊस झालेला नाही. खरिपाची पिके जवळपास वाया गेलेली असून रब्बीही हंगामाचीही शाश्‍वती नाही. त्यामुळे सर्वच भागात बैल पोळा सणावर दुष्काळाचे सावट असल्याची स्थिती आहे. ग्रामीण भागातील आठवडे बाजारात सजावटीच्या साहित्याची दुकाने सजली होती. मात्र सजावट साहित्य खरेदीसाठी शेतकऱ्यांचा फारसा उत्साह नव्हता.

शेतकऱ्यांसाठी बैलपोळा महत्त्वाचा सण आहे. नैसर्गिक परिस्थिती चांगली असली अथवा दुष्काळी परिस्थिती असली तरी हा सण शेतकरी साजरा करतातच; मात्र गेल्या दोन वर्षांच्या चांगल्या परिस्थितीनंतर यंदा मात्र या सणावर दुष्काळाचे सावट आहे. पावसाळा सुरू होऊन आता तीन महिन्यांचा कालावधी लोटला आहे. अकोले तालुक्‍याच्या पश्‍चिम भागात झालेल्या पावसामुळे भंडारदरा, निळवंडे भरले, मुळा धरणात पाणी आले असले तरी अन्य भागात मात्र पाऊस नाही.

खरिपाची जवळपास साडेतीन लाख हेक्‍टर क्षेत्रावरील पिके वाया गेल्यात जमा आहेत. कापसावर यंदाही बोंड अळीचा प्रादुर्भाव असल्याने कापसाचे उत्पादन घटणार हे स्पष्ट झाले आहे. त्यातच आता जवळपास ५० ते ६० टक्के उसावर हुमणीचा प्रादुर्भाव झाला असल्याने ऊस उत्पादकही संकटात आले आहेत. दूध व्यवसायाला प्राधान्य दिले जात असले तरी पावसाअभावी चाऱ्याचा प्रश्‍न गंभीर झाला आहे. दुधालाही अजून पुरेसा दर नाही. रब्बीत पेरण्या होतीलच; पिके चांगले येतील याची अजिबात शाश्‍वती नाही. या साऱ्या बाबींचा आजच्या पोळा सणावर परिणाम झाला आहे.

बैलपोळा सणाच्या खरेदीवरही त्याचा परिणाम झाला आहे. आठवडे बाजारात शेतकरी अत्यंत माफत प्रमाणात जुजबी साहित्य खरेदी करताना दिसून आले. बाशिंग, झूल, गोंडे, घुंगरमाळा, मोरखी, रंग, हिंगुळ, कासरा, घोगर, घाटी अशा विविध सजावटीच्या साहित्याची खरेदी करताना उत्साह दिसत नव्हता.
 
बैलांना अंघोळ घालायची कोठे?
पाऊस नसल्याने नदी, ओढा, गाव तलाव, पाझर तलावात कोठेही पाणी साठलेले नाही. दुष्काळी असलेल्या जामखेड, पाथर्डी, पारनेर, संगमनेरचा पठार भाग, नेवासा, शेवगाव तालुुक्‍यांत पाणीच उपलब्ध नाही. त्यामुळे पोळा सणाच्या दिवशी बैलांना अंघोळ कुठे घालायची असा प्रश्‍न शेतकऱ्यांना पडला आहे.

इतर ताज्या घडामोडी
नदी नांगरणीचे सातपुड्याच्या पायथ्याशी...जळगाव ः शिवार व गावांमधील जलसंकट लक्षात घेता...
प्रत्येक गावात नेमणार भूजल...नगर ः राज्य शासनाच्या पाणीपुरवठा व स्वच्छता...
अरुणाग्रस्तांच्या स्थलांतराचा तिढा कायम सिंधुदुर्ग : अरुणा प्रकल्पग्रस्त आणि जिल्हा...
पाणीप्रश्नावरील आंदोलनाचे नेतृत्व करणार...नगर : ‘कुकडी’सह घोड धरणातील पाणीसाठे वाढविणे...
पुणे जिल्ह्यातील धरणांच्या पाणलोटात...पुणे : मॉन्सूनचा पाऊस लांबल्याने जिल्ह्यात...
नाशिकमध्ये आले प्रतिक्विंटल ८७०० ते...नाशिक : नाशिक कृषी उत्पन्न बाजार समितीमध्ये चालू...
आव्हानांवर मात करण्यासाठी कारखान्यांनी...पुणे : साखर उद्योगासाठी यंदाचे वर्ष ‘टर्निंग...
गेल्या खरिपातील सोयाबीनचे बियाणे झाले...परभणी  : २०१८-१९ च्या खरीप हंगामात...
पीकविम्याच्या नावाखाली भाजप सरकारकडून...मुंबई : शेतकऱ्यांकडून पीक कर्ज घेताना...
विधीमंडळ अधिवेशनाच्या पहिल्याच दिवशी...मुंबई : नवनिर्वाचित गृहनिर्माणमंत्री...
सोयाबीन पीकविमाप्रश्‍नी शेतकरी संघर्ष...पुणे  ः गेल्या वर्षी बीड जिल्ह्यात पाऊस न...
कळमणा बाजार समितीत हरभरा ४१०० रुपयांवरनागपूर ः स्थानिक कळमणा बाजार समितीत हरभरा वगळता...
सोलापुरात हिरवी मिरची, टोमॅटोच्या दरात...सोलापूर ः सोलापूर कृषी उत्पन्न बाजार समितीच्या...
शेतकरी सन्मान योजनेत रत्नागिरीतील आठ...रत्नागिरी : पंतप्रधान शेतकरी सन्मान...
कीटकशास्‍त्र विभागातर्फे ट्रायकोकार्ड...परभणी ः येत्या हंगामात मराठवाड्यातील औरंगाबाद,...
फळबाग योजनेतील अटी कोकणासाठी शिथिल करू...रत्नागिरी ः भाऊसाहेब फुंडकर फळबाग लागवड...
कांदा उत्पादक शेतकऱ्यांना अनुदानाची...नाशिक : मागील वर्षी लाल कांद्याचे भाव पडल्याने...
कपाशीचा नांदेड ४४ बीटी वाण लोकार्पण हा...परभणी  : वसंतराव नाईक मराठवाडा कृषी...
पावसाला उशीर झाल्याने चिंतेचे ढग गडदनांदेड ः नांदेड, परभणी, हिंगोली जिल्ह्यांत यंदा...
कृषी विद्यापीठाच्या वाणांच्या...रत्नागिरी ः डॉ. बाळासाहेब सावंत कोकण कृषी...