Agriculture News in Marathi, Sharad pawar criticize government loan waive policy, Mumbai | Agrowon

कर्जमाफीचा पत्ता नाही; शेतकऱ्यांना यातनाच जास्त : पवार
मारुती कंदले
बुधवार, 4 ऑक्टोबर 2017

मुंबई ः राज्य सरकारने कर्जमाफीच्या योजनेत इतक्या जाचक अटी आणि नियम लावले आहेत, की कर्जमाफीमुळे शेतकऱ्यांना यातनाच खूप भोगाव्या लागत आहेत, अशी टीका राष्ट्रवादी काँग्रेसचे अध्यक्ष आणि माजी केंद्रीय कृषिमंत्री शरद पवार यांनी राज्य सरकारवर केली.

या वेळी त्यांनी महागाई आणि नोटाबंदीच्या अपयशावरून मोदी सरकारलाही टीकेचे लक्ष्य केले. शरद पवार यांच्या अध्यक्षतेखाली ‘राष्ट्रवादी’च्या कार्यकारिणीची मंगळवारी (ता.३) बैठक झाली.

मुंबई ः राज्य सरकारने कर्जमाफीच्या योजनेत इतक्या जाचक अटी आणि नियम लावले आहेत, की कर्जमाफीमुळे शेतकऱ्यांना यातनाच खूप भोगाव्या लागत आहेत, अशी टीका राष्ट्रवादी काँग्रेसचे अध्यक्ष आणि माजी केंद्रीय कृषिमंत्री शरद पवार यांनी राज्य सरकारवर केली.

या वेळी त्यांनी महागाई आणि नोटाबंदीच्या अपयशावरून मोदी सरकारलाही टीकेचे लक्ष्य केले. शरद पवार यांच्या अध्यक्षतेखाली ‘राष्ट्रवादी’च्या कार्यकारिणीची मंगळवारी (ता.३) बैठक झाली.

या बैठकीला खासदार सुप्रिया सुळे, अजित पवार, प्रफुल्ल पटेल, सुनील तटकरे, उदयनराजे भोसले, दिलीप वळसे पाटील, जयंत पाटील अादी उपस्थित होते. या बैठकीत केंद्र-राज्य सरकारविरोधातील पुढील राजकीय दिशा ठरवण्यात आल्याचे समजते.

या बैठकीनंतर शरद पवार यांनी केंद्र आणि राज्य सरकारवर टीकेचे आसूड ओढले. ते म्हणाले, ‘‘राज्य सरकारने कर्जमाफीसाठी अनेक जाचक नियम लावले. कर्जमाफीच्या अर्जात शेतकऱ्यांकडून १८ ते १९ प्रकारची माहिती घेण्यात आली; तसेच ही माहिती खोटी किंवा दिशाभूल करणारी असल्यास कर्जमाफीची रक्कम दंडासह वसूल करण्यासह फौजदारी गुन्हे दाखल केले जातील, असे शेतकऱ्यांकडून लिहून घेण्यात आले आहे. म्हणजे एखादी चूक झाली तरी शेतकऱ्यांवर फौजदारी कारवाई होणार असल्याची भीती शेतकऱ्यांमध्ये निर्माण झाली आहे.

ऑनलाइन अर्ज भरून घेतानाही शेतकऱ्यांना दोनशे ते पाचशे रुपये द्यावे लागले. अजून कर्जमाफीचा पत्ताही नाही, मात्र शेतकऱ्यांना यातनाच खूप सहन कराव्या लागत अाहेत.’’ एकरकमी परतफेड योजनेचा थकबाकीदार शेतकऱ्यांना लाभ मिळणार नसल्याचेही त्यांनी सांगितले. सरकारने सरसकट कर्जमाफीची घोषणा केली असताना मग निकष आणि अटी कशासाठी, असा सवालही त्यांनी केला.

या वेळी त्यांनी जीएसटी, महागाई व नोटाबंदीच्या मुद्यावर केंद्र सरकारला धारेवर धरले. ‘जीएसटी’ लागू केल्यानंतर आर्थिक संकट येऊ शकते, असे आक्रमक भाषण मोदींनी केले होते. मग महागाईला आमंत्रण देणारे निर्णय का घेतले, असा सवाल त्यांनी या वेळी विचारला.

लोकसभा, विधानसभा निवडणुका एकत्र होण्याचे संकेत
लोकसभा आणि विधानसभा निवडणुका एकत्र घेतल्या जातील, अशी शंका श्री. पवार यांनी या वेळी व्यक्त केली; तसेच सध्या सरकारविरोधात जनमत असून, कार्यकर्त्यांनी कामाला लागावे, असा आदेशही त्यांनी दिला.

इतर ताज्या घडामोडी
अकोल्यात आंतरविद्यापीठ कर्मचारी क्रीडा...अकोला ः सुवर्ण जयंती क्रीडा महोत्सवातंर्गत येथे...
‘कर्जाची वरात मुख्यमंत्र्यांच्या दारात...नागपूर  ः शेतकऱ्यांचा सात-बारा उतारा सरसकट...
`सेवाकर प्रश्न मिटेपर्यंत सांगलीत...सांगली   : मुंबईत भाजप कार्यालयातील...
पुणे जिल्ह्यात गव्हाचे क्षेत्र ४१ हजार...पुणे  ः जमिनीत ओल नसल्याने यंदा रब्बी...
राज्यात तरी लोकायुक्तांची नियुक्ती करा...नगर   : ‘लोकायुक्त कायद्याची अंमलबजावणी...
कांदा पट्टयात अस्वस्थता; चौघांनी संपवले...नाशिक   ः गंभीर दुष्काळ स्थिती, कर्ज,...
`कृषिक`मध्ये शेवंतीच्या जाती,...बारामती, जि. पुणे  ः येथे आयोजित कृषिक...
कांद्याच्या उभ्या पिकात चरण्यासाठी...राहुरी, जि. नगर  : कूपनलिकेचे पाणी अचानक...
‘एमसीडीसी’ शेतकरी कंपन्या स्थापन करणारपुणे : महाराष्ट्र सहकार विकास महामंडळ नाबार्डच्या...
संत्रा पिकाबाबतच्या उपाययोजनांचा अहवाल...नागपूर  ः संत्रा उत्पादकांचे आर्थिक हित...
सूक्ष्म सिंचन विस्तारातील अडचणी, पर्याय...औरंगाबाद   : औरंगाबाद येथे आयोजित...
‘ई- टेंडरिंग’ रेशीम उत्पादकांच्या मुळावरपुणे  ः राज्यात पाणीटंचाईमुळे सर्वत्र...
आंदोलनामुळे शेतकऱ्यांना मिळाले ७४...पुणे  : साखर आयुक्तालयासमोर गेल्या तीन...
रोहित पवार यांनी वाढवला नगर जिल्ह्यात... नगर : कर्जत-जामखेड विधानसभा मतदारसंघात मरगळ...
लोणार तालुक्यात कडाक्याच्या थंडीमुळे...बुलडाणा : जिल्ह्यात द्राक्ष शेती टिकवून ठेवण्यात...
कृषी सल्ला (कोकण विभाग)भात रोप अवस्था : उन्हाळी भात रोपवाटिकेस...
थंडीच्या काळात केळी बागांची काळजीकेळीच्या पानांवर कमी तापमानाचे दुष्परिणाम २ ते ४...
पहाटे, रात्री थंडीचे प्रमाण अधिक राहीलमहाराष्ट्राच्या सह्याद्री पर्वत रांगावर १०१४...
पाणंद रस्त्यांची निविदा प्रक्रिया सुरू अकोला : शासनाच्या पाणंद रस्ते योजनेतून...
`साखर उद्योगातील संघटित गुन्हेगारी...मुंबई : गेल्या वर्षीच्या हंगामातील ७०-३०...