agriculture news in marathi, Sharad Pawar criticizes Government on various issues | Agrowon

सध्याचे राज्यकर्ते नादान; आव्हानांचा कालखंड : पवार
टीम अॅग्रोवन
सोमवार, 30 एप्रिल 2018

पुणे : विद्यमान सरकारएवढी नादान राज्यकर्त्याची भूमिका यापूर्वी कधीही पाहिलेली नाही. सध्या आव्हानांचा कालखंड असून, राष्ट्रवादी काॅंग्रेसच्या कार्यकर्त्यांनी सर्वसामान्य जनतेच्या मागे समर्थपणे उभे राहावे, असे आवाहन राष्ट्रवादी काॅंग्रेसचे राष्ट्रीय अध्यक्ष शरद पवार यांनी येथे केले.

पुणे : विद्यमान सरकारएवढी नादान राज्यकर्त्याची भूमिका यापूर्वी कधीही पाहिलेली नाही. सध्या आव्हानांचा कालखंड असून, राष्ट्रवादी काॅंग्रेसच्या कार्यकर्त्यांनी सर्वसामान्य जनतेच्या मागे समर्थपणे उभे राहावे, असे आवाहन राष्ट्रवादी काॅंग्रेसचे राष्ट्रीय अध्यक्ष शरद पवार यांनी येथे केले.

राष्ट्रवादी काॅँग्रेस पक्षाच्या प्रदेश कार्यकारिणीची बैठक आणि पक्षाची सर्वसाधारण सभा रविवारी (ता. २९) येथे झाली. यावेळी प्रदेशाध्यक्षपदी जयंत पाटील यांची निवड करण्यात आली, तर राष्ट्रीय अध्यक्षपदाच्या निवडणुकीत विद्यमान राष्ट्रीय अध्यक्ष शरद पवार यांचा एकमेव अर्ज आल्याने त्यांची बिनविराेध निवड झाल्याचे पक्षाचे महासचिव डी. पी. त्रिपाठी यांनी जाहीर केले. 

श्री. पवार म्हणाले, ‘‘ज्या तरुणाईने भाजपला मतदान करत सत्तेत आणले, त्या तरुणाईसह समाजात नैराश्‍य आले आहे. तरुणाईला ‍यातून बाहेर काढण्यासाठी त्यांच्यात विश्वास निर्माण करण्याची काळजी राष्ट्रवादी काॅँग्रेस पक्षाच्या कार्यकर्त्यांना घ्यावी लागणार आहे.’’

‘‘आघाडी सरकारने शेतकऱ्यांची कर्जमाफी देताना ७१ हजार काेटी थेट त्यांच्या बॅंक खात्यांवर जमा केले. तर माेदी सरकारने उद्याेगपतींना लाभ मिळावा म्हणून ८६ हजार काेटी बॅंकांना दिले आहेत. यामुळे हे सरकार सर्वसामान्यांचे नाही, तर उद्याेगपतींना अडचणीतून बाहेर काढणारे सरकार आहे,’’ अशी टीकाही श्री. पवार यांनी केली. 
‘‘आगामी निवडणुकांमध्ये मतदान मशिनवर विशेष लक्ष द्यावे लागणार आहे. यासाठी मतदान अगाेदर प्रत्येक मशिनचा डेमाे घेण्यासाठी आग्रहाने भांडावे लागणार आहे. तर प्रत्येक बुथवर प्रभावी कार्यकर्त्यांचा संच बनवावा लागणार आहे,’’ असेही पवार म्हणाले.
 
जयंत पाटील म्हणाले, ‘‘शेतकऱ्यांच्या आत्महत्या हाेत असताना सरकारच्या पापण्यांना पाणीदेखील दिसत नाही. यामुळे शेतकरी आणि सर्वसामान्यांचा सरकारवर विश्वास राहिलेले नाही. मध्यमवर्गीय महागाईमुळे त्रस्त आहेत. शेती प्रश्नांबराेबरच मध्यमवर्गीयांच्या प्रश्नांसाठी हल्लाबाेलच्या माध्यामातून राष्ट्रवादीने रस्त्यावर संघर्ष केला. विविध क्षेत्रांत क्रमांक एकचे राज्य अधाेगतीकडे चालले असून, सर्वसमान्यांमध्ये अस्वस्थता आहे. न्यायव्यवस्थेवरदेखील शंका उपस्थित केली जात आहे.’’

‘‘सरकारने युवकांचा विश्वासघात केला. राष्ट्रवादीच्या कार्यकर्त्यांनी सर्वसामान्य नागरिकांपर्यंत जाण्याची गरज आहे. सत्तांतराची ताकद शरद पवार आणि राष्ट्रवादीतच असून, समविचारी पक्षांसाेबत जाण्याचा आमचा विचार आहे. यासाठी मित्रपक्ष आम्हाला समजून घेतील. राष्ट्रवादी पक्षात परफाॅर्म काउंट झाला पाहिजे तरच पक्षाला पुढील ५०-१०० वर्ष काेणी हलवू शकणार नाही. प्रत्येक वाॅर्ड कमिटी स्थापन करण्यात येणार असून, वाॅर रूम स्थापन करून, तेथून चाैकशी हाेणार आहे. माहितीत खाेट आढळली तर पक्ष तुमच्यावर विश्वास ठेवणार नाही. यासाठी निष्ठेने आणि प्रामाणिकपणे काम करावे,’’ असे आवाहन त्यांनी कार्यकर्त्यांना केले.

यावेळी डी. पी. त्रिपाठी, प्रफुल्ल पटेल, धनंजय मुंडे, अजित पवार, सुनील तटकरे आदींनी मनाेगत व्यक्त केली. 

रास्त कारण असल्याशिवाय आम्ही भूमिका घेणार नाही. पाेटनिवडणुकांमध्ये आम्ही यापूर्वी जिंकलेली जागा आम्हीच लढणार आहे. रडीचा डाव आम्हाला पसंत नाही, मित्रपक्षाने जे करायचंय ते सरळ करावं.
- शरद पवार, अध्यक्ष, राष्ट्रवादी कॉंग्रेस पक्ष 

इतर अॅग्रो विशेष
एकात्मिक कीड नियंत्रणासाठी फेरोमोन...रासायनिक कीडनाशकांना किटक प्रतिकारक होत असून,...
परागकणांचा मागोवा घेण्याची कार्यक्षम...दक्षिण आफ्रिकेतील स्टेल्लेनबाऊच विद्यापीठातील...
खानदेशात पाणीटंचाईच्या प्रस्तावात वाढजळगाव : खानदेशात पाणीटंचाईचे प्रस्ताव वाढत आहेत....
कडाक्याच्या थंडीने गव्हाच्या विविध...सातारा ः येथील वेण्णा तलाव परिसरात असलेल्या...
राहुरी कृषी विद्यापीठाचा दर्जा घसरलापुणे: राहुरी येथील महात्मा फुले कृषी...
कणेरी मठावर देशातील पहिले डिव्हाइन...कोल्हापूर : हजारो फुलझाडांसह विविध प्रकारची...
आंध्र प्रदेशातील एका कंपनीचा परवाना `...नागपूर ः आंध्र प्रदेशातील एका बियाणे कंपनीच्या...
आणखी साडेचार हजार गावांमध्ये दुष्काळी...मुंबई : खरीप हंगाम २०१८ मध्ये राज्यातील ५०...
मराठवाड्यात आज पावसाचा अंदाजपुणे : कमाल तापमानात वाढ झाल्याने राज्यात...
भाजप सरकारमध्ये शेतकऱ्यांची बाजू घेणारा...सेलू, जि. परभणी ः केंद्र तसेच राज्य सरकारमधील...
कापूस आयातीवर निर्बंध हवेतजळगाव ः आंतरराष्ट्रीय बाजारात भारतीय व अमेरिकन...
लेखी आश्वासनानंतर लाल वादळ शमलेनाशिक: प्रलंबित मागण्यांसाठी किसान सभेने काढलेला...
आदर्श नैसर्गिक शेतीसह जपली पीक विविधता नांदेड जिल्ह्यातील मालेगांव (ता. अर्धापूर) येथील...
अर्थसंकल्पीय अधिवेशनात दुष्काळावर दोन...मुंबई: लोकसभा निवडणुकीच्या पार्श्वभूमीवर...
विदेशी भाज्यांमधून अल्पभूधारक...येळगाव (ता. जि. बुलडाणा) येथील विष्णू गडाख या...
शेतकऱ्यांचा लाँग मार्च स्थगित; सरकारचे...मुंबई : आश्वासन देऊनही वर्षभरापासून पूर्ण न...
वासंतीकरणाच्या प्रक्रियेतील तापमानाचे...वसंताच्या आगमनामुळे प्रत्येक वनस्पती किंवा...
मराठवाड्यात ‘रेशीम’ला रिक्त पदांचे...औरंगाबाद ः राज्याला रेशीम उद्योगात उदयोन्मुख...
खानदेशात पपई लागवडीत होणार निम्म्याने...जळगाव : खानदेशात आगाप पपई लागवडीला सुरवात झाली...
रशियाला द्राक्ष निर्यातीत ‘क्लिअरिंग’चा...नाशिक : भारतीय द्राक्षाचा रशिया मोठा आयातदार आहे...