agriculture news in marathi, Sharad pawar critises State Goverment on loanwaiver scheme | Agrowon

कर्जमाफीच्या नावावर शेतकऱ्यांची पूर्णत: दिशाभूल : शरद पवार
सकाळ वृत्तसेवा
रविवार, 19 नोव्हेंबर 2017

वर्धा : सरसकट कर्जमाफीच्या नावावर सरकारने शेतकऱ्यांची पूर्णत: दिशाभूल केली. साडेतीन वर्षांत निवडणुकीपूर्वी दिलेल्या एकाही आश्‍वासनाची पूर्तता केली नाही. कर्जमाफीकरिता सहा आदेश काढले. प्रत्येक वेळी दुरुस्तीच्या नावाखाली वेळ मारून नेली. या फसगतीतून बाहेर पडण्यासाठी जनतेनेच आता भूमिका घ्यावी, असे आवाहन राष्ट्रवादी काँग्रेसचे राष्ट्रीय अध्यक्ष, माजी केंद्रीय कृषिमंत्री खासदार शरद पवार यांनी केले. 

वर्धा : सरसकट कर्जमाफीच्या नावावर सरकारने शेतकऱ्यांची पूर्णत: दिशाभूल केली. साडेतीन वर्षांत निवडणुकीपूर्वी दिलेल्या एकाही आश्‍वासनाची पूर्तता केली नाही. कर्जमाफीकरिता सहा आदेश काढले. प्रत्येक वेळी दुरुस्तीच्या नावाखाली वेळ मारून नेली. या फसगतीतून बाहेर पडण्यासाठी जनतेनेच आता भूमिका घ्यावी, असे आवाहन राष्ट्रवादी काँग्रेसचे राष्ट्रीय अध्यक्ष, माजी केंद्रीय कृषिमंत्री खासदार शरद पवार यांनी केले. 

राष्ट्रवादी काँग्रेसतर्फे शनिवारी (ता. १८) येथे आयोजित कार्यकर्ता मेळाव्यात खासदार पवार बोलत होते. कार्यक्रमाच्या अध्यक्षस्थानी माजी आमदार प्रा. सुरेश देशमुख होते. मंचावर माजी मंत्री वसुधाताई देशमुख, अनिल देशमुख, पक्षाचे वर्धा जिल्हा निरीक्षक आमदार ख्वाजा बेग, माजी आमदार वसंतराव कार्लेकर, संदीप बाजोरिया, प्रा. राजू तिमांडे, प्रदेश सरचिटणीस किशोर माथनकर, जिल्हाध्यक्ष सुनील राऊत, माजी प्रदेशाध्यक्ष सुरेखाताई ठाकरे, राष्ट्रवादी युवक काँग्रेसचे प्रदेश उपाध्यक्ष समीर देशमुख, संदीप काळे आदी प्रामुख्याने उपस्थित होते. 

शरद पवार म्हणाले, की कर्जबाजारीपणामुळे शेतकरी आत्महत्येकडे वळतोय. ‘अच्छे दिन’च्या नावाखाली शेतकरी, शेतमजूर आणि सर्वसामान्यांची घोर निराशा या सरकारने केली. लबाडाचे आवतन जेवल्याशिवाय खरे नाही. केंद्र शासनाने कर्जमाफीची घोषणा केल्यानंतर एकट्या विदर्भात ६९० शेतकऱ्यांनी आत्महत्या केल्या. यात सर्वाधिक आत्महत्या यवतमाळात झाल्या. करआकारणीच्या कारणावरून मोदींच्या गुजरातमध्ये ५० हजार व्यापारी रस्त्यावर आले. 

राज्यातील कारखानदारी संकटात सापडली असून युवकांच्या हाताला रोजगार नाही. बांधकाम खात्यात २० हजार, तर आयटी व अन्य क्षेत्रांत १५ हजार तरुणांची नोकरी गेली. नोकरी मागणाऱ्यांची संख्या वाढली, त्या प्रमाणात रोजगार उपलब्धी नाही. ११ डिसेंबर रोजी विधान भवनावर आयोजित हल्लाबोल मोर्चात शेतकरी, शेतमजुरांनी मोठ्या संख्येने सहभागी होऊन राज्यकर्त्यांपर्यंत आपला आवाज पोचविण्याचे त्यांनी सरतेशेवटी आवाहन केले. प्रास्ताविक जिल्हाध्यक्ष सुनील राऊत, तर संचालन लक्ष्मीनारायण सोनवणे यांनी केले. मेळाव्याला पक्षाच्या पदाधिकाऱ्यांसह, कार्यकर्ते आणि नागरिकांची मोठी उपस्थिती होती.

इतर ताज्या घडामोडी
हुतात्मा जवान औरंगजेब यांना मरणोत्तर '...नवी दिल्ली : हुतात्मा जवान औरंगजेब यांना...
साताऱ्यात दहा किलो शेवग्यास २५० ते ३००...सातारा : येथील कृषी उत्पन्न बाजार समितीत मंगळवारी...
ऊस तांबेरा नियंत्रणलक्षणे ः १) पानाच्या दोन्ही बाजूंवर लहान, लांबट...
ऊस पीक सल्ला आडसाली लागवडीसाठी दोन सरींमधील अंतर मध्यम...
सस्तन प्राणी प्रजातींचा वंशवेलीसह नकाशा...स्वीडन येथील आर्हस विद्यापीठ आणि गोथेनबर्ग...
केळी उत्पादकांना जोरदार पावसाची...रावेर, जि. जळगाव  : पावसाळ्याचे सव्वादोन...
नगर जिल्ह्यात सोयाबीनने यंदाही सरासरी...नगर ः नगर जिल्ह्यामध्ये सोयाबीनचे क्षेत्र वाढत...
बाजार समितीवर नियुक्त्या न झाल्याने...पुणे ः जिल्ह्यातील महत्त्वाचे आर्थिक सत्ता केंद्र...
कोल्हापुरात धरणक्षेत्रात पाऊस सुरूचकोल्हापूर : धरणांच्या पाणलोट क्षेत्रात मंगळवारी (...
आबासाहेब वीर सामाजिक पुरस्कार विनायकराव...सातारा : महाराष्ट्राचे शिल्पकार स्वर्गीय यशवंतराव...
संत्रा पीक सल्लासध्या विविध ठिकाणी संत्राबागेमध्ये फळगळची व काळी...
कृषी सल्ला : भात, नागली, आंबा, काजू,...भात पावसाचे प्रमाण कमी असल्याने...
श्रावणमासानिमित्त जळगावातून केळीपुरवठा...जळगाव ः जिल्ह्यात दर्जेदार केळीला क्विंटलमागे १५०...
कळमणा बाजारात बटाट्याची वाढली आवकनागपूर ः बटाटा आणि डाळिंब या शेतमालाची सर्वाधिक...
मोसंबी, डाळिंबाच्या दरात चढउतारऔरंगाबाद : येथील कृषी उत्पन्न बाजार समितीमध्ये गत...
नगरमध्ये हरभरा प्रतिक्विटंल ३७५० रुपयेनगर ः नगर बाजार समितीत मागील सप्ताहात ४३४ क्विंटल...
कोल्हापुरात घेवडा प्रतिदहा किलो ३००...कोल्हापूर : येथील कृषी उत्पन्न बाजार समितीत या...
आता खाण्यातही क्रिकेट !क्रिकेट हा आपला खेळ म्हणून माहित असला तरी त्या...
चीन येथील सफरचंद उत्पादकांचा निर्यातीवर...चीनमधील काही भागांमध्ये सफरचंदांचे उत्पादन होते....
राधानगरी धरणाचे दोन दरवाजे उघडलेकोल्हापूर : जिल्ह्याच्या पश्‍चिम भागासह पूर्व...