agriculture news in Marathi, sharad pawar said will try for consetion in electricity rate for irrigation scheme, Maharashtra | Agrowon

उपसा सिंचन योजनांना वीज दर सवलतीसाठी प्रयत्न करू
टीम अॅग्रोवन
शनिवार, 4 नोव्हेंबर 2017

सांगली ः महाराष्ट्रातील शेती खऱ्या अर्थाने समृद्ध आणि संपन्न झाली पाहिजे. यासाठी उपसा सिंचन योजना योग्य पद्धतीने कार्यान्वित करणे आवश्‍यक असून, सर्वांनी एकत्र येऊन प्रयत्न केले पाहिजे. वीज योजनेच्या सवलतीसाठी राज्य आणि केंद्र सरकारसोबत खासदार संजय पाटील यांना घेऊन चर्चा करू, अशी ग्वाही शुक्रवारी (ता. ३) माजी केंद्रीय कृषिमंत्री शरद पवार यांनी येथे दिली.

सांगली ः महाराष्ट्रातील शेती खऱ्या अर्थाने समृद्ध आणि संपन्न झाली पाहिजे. यासाठी उपसा सिंचन योजना योग्य पद्धतीने कार्यान्वित करणे आवश्‍यक असून, सर्वांनी एकत्र येऊन प्रयत्न केले पाहिजे. वीज योजनेच्या सवलतीसाठी राज्य आणि केंद्र सरकारसोबत खासदार संजय पाटील यांना घेऊन चर्चा करू, अशी ग्वाही शुक्रवारी (ता. ३) माजी केंद्रीय कृषिमंत्री शरद पवार यांनी येथे दिली.

कवठे एकंद (ता. तासगाव) येथील सिद्धराज सहकारी शेती पाणीपुरवठा संस्थेच्या रौप्यमहोत्सव प्रसंगी ते बोलत होते. कार्यक्रमाच्या अध्यक्षस्थानी आमदार डॉ. पतंगराव कदम होते. या वेळी खासदार संजय पाटील, आमदार जयंत पाटील, शेकापचे आमदार जयंत पाटील, सुमनताई पाटील, मोहनराव कदम, क्रांती कारखान्याचे अध्यक्ष अरुण लाड उपस्थित होते.

शरद पवार म्हणाले, की तासगाव ऐकीकाळी दुष्काळी तालुका ओळखला जायचा. आता पाणी आलं आहे. शेतकरी ऊस, द्राक्ष शेती पिकवू लागले आहेत. तालुक्‍यातील शेतकऱ्यांनी तास गणेश या वाणाचे संशोधन केले. या परिसरातील शेतकऱ्यांची जिद्द मोठी आहे. कवठे एकंद या गावातील शेतकऱ्यांनी एकत्र येऊन शेती पाणीपुरवठा संस्था सुरू केली. मात्र, या संस्थेकडून वार्षिक एकरी पाणीपट्टी ४४०० ते ५२०० रुपये आकारली जाते हे ऐकून धक्काच बसला. मी शंभर-सव्वाशे योजना राबविल्या. नीरा, कऱ्हावरून शेतकऱ्यांच्या बांधापर्यंत पाणी गेले. तेथे सुरवातीला पाणीपट्टी एकरी ७०० रुपये होती, ती आता २२०० ते २३०० रुपये झाली आहे. आम्ही १०० रुपये वाढवले तरी लोक दंगा करतात. येथे तब्बल ५२०० रुपये आकारणी होते, हे कसे? या योजना सुरू केल्या तुम्ही, त्यासाठी कर्ज काढले, ते फेडले. तुम्हीच पैसे भरता, तुम्हीच योजना चालवता, मग ५२०० रुपये पाणीपट्टी. हे अन्यायाचे धोरण आहे. 

‘‘स्व. यशवंतराव चव्हाण, स्व. वसंतदादा पाटील यांनी आखलेली धोरणे ही शेतकऱ्यांच्या हिताची होती. मात्र, सांगली जिल्ह्यातील ठराविक साखर कारखाने अडचणीत आहेत. कारखानदारी आणि शेतकऱ्यांसाठी चांगली बाब नाही. या संस्थेवर हजारो संसार चालताहेत, असेही त्यांनी सांगितले. 

या वेळी आमदार जयंत पाटील, आमदार, पतंगराव कदम, खासदार संजय पाटील यांची भाषणे झाली. पाणीपुरवठा संस्थेचे नरेंद्र खाडे, बाबूराव लघारे, प्रवीण वठारे यांच्यासह अध्यक्ष, उपाध्यक्ष, संचालक उपस्थित होते.
 

इतर ताज्या घडामोडी
कृषी सल्ला : ऊस, कापूस, उन्हाळी भुईमूग...हवामान अंदाज - शुक्रवार - शनिवारी (ता. २६ - २७)...
द्राक्ष बागेचे वाढत्या तापमानातील...नव्या आणि जुन्या द्राक्ष बागांचा विचार केला असता...
ऑस्ट्रेलियातील सुपरमार्केटची दुष्काळाशी...ऑस्ट्रेलियातील एका सुपर मार्केटने दुष्काळाशी...
गोदावरीत प्रदूषण केल्यास होणार कारवाईनाशिक : नाशिक शहरातून वाहणाऱ्या गोदावरी...
सोलापुरात टंचाई निवारणाचा भार...सोलापूर : सोलापूर जिल्ह्याचा ग्रामीण भाग...
खानदेशात पपईला उन्हासह पाणीटंचाईचा फटकानंदुरबार : खानदेशात या हंगामात पपई लागवड कमी...
जळगावात पांढऱ्या कांद्याच्या आवकेत घटजळगाव  : कृषी उत्पन्न बाजार समितीमध्ये...
सांगली बाजारसमितीत हळद, गुळाची उलाढाल ...सांगली ः व्यापाऱ्यांना सेवाकराच्या नोटिसा...
नगर जिल्ह्यात छावण्यांवर दर दिवसाला...नगर  : नगर जिल्ह्यामध्ये दुष्काळात पशुधन...
सातारा जिल्ह्यात पाणीटंचाई होतेय तीव्रसातारा ः जिल्ह्यात दिवसेंदिवस पाणीटंचाई तीव्र होत...
पुणे जिल्ह्यासाठी २६ हजार ५७३ क्विंटल...पुणे  ः खरीप हंगाम सुरू होण्यास एक ते दीड...
तंटामुक्‍त गाव अभियानाला चंद्रपुरात...चंद्रपूर : शांततेतून समृद्धीकडे जाण्याचा...
अमरावतीत तुर चुकाऱ्यासाठी हवे ८७ कोटी;... अमरावती : चुकाऱ्यांसाठी यंदा शेतकऱ्यांना...
शेतीच्या दृष्टीने सरकारचा कारभार...नाशिक : अगोदरचा कालखंड व ही पाच वर्षे यात...
अमरावतीतून ९१ विहिरी अधिग्रहणाचे...अमरावती  ः सरासरीपेक्षा कमी पाऊस झाल्यामुळे...
शिल्लक एफआरपी मिळत नसल्याने साताऱ्यातील...सातारा  : अजिंक्यतारा कारखान्याचा अपवाद...
कांदा दर वाढले, तेव्हा भाजपने विरोध...नाशिक   ः कृषिमंत्री असताना मी...
'मतदान झालेल्या दुष्काळी भागात ...मुंबई  ः लोकसभेच्या मतदानाच्या तीन...
उच्चांकी मतदानामुळे कोल्हापूर मतदारसंघ...कोल्हापूर  : राज्याच्या तुलनेत कोल्हापूर...
अकोल्यात तूर प्रतिक्विंटल ४२०० ते ५४००...अकोला ः स्थानिक कृषी उत्पन्न बाजार समितीत...