agriculture news in marathi, sharad pawar says government ignore farmers sucide,beed, maharashtra | Agrowon

शेतकरी आत्महत्यांकडे पहायला सरकारला वेळ नाही ः पवार
टीम अॅग्रोवन
मंगळवार, 2 ऑक्टोबर 2018

आम्ही सत्तेत असताना ७१ हजार कोटी रुपयांची कर्जमाफी केली. बीड जिल्ह्यात गारपिटीने मोसंबीचे नुकसान झाल्याचे पाहून आठ दिवसांत मदत दिली. सध्या दुष्काळी स्थिती असून बीडसारखा दुष्काळ असेल तर १०० टक्के कर्जमाफीची गरज आहे. पण, या सरकारला शेतकऱ्यांचे दुखणे दिसत नाही.
- शरद पवार, अध्यक्ष, राष्ट्रवादी काँग्रेस.

बीड   ः शेतकरी हा देशाचा कणा आहे. कर्जबाजारीपणातून शेतकरी आत्महत्या होत आहेत. खते, बियाणे, मुलांच्या शिक्षणासाठी काढलेल्या कर्जफेडीच्या चिंतेतून शेतकरी जीवन संपवत आहेत. उद्योगपतींनी बँकांचे बुडविलेले ८१ हजार कोटी रुपयांचे कर्ज माफ करण्यासाठी पंतप्रधान नरेंद्र मोदी यांना पाझर फुटला. मात्र, शेतकरी आत्महत्यांकडे डोकून पाहायला सरकारला वेळ नाही, ​असे प्रतिपादन राष्ट्रवादी काँग्रेसचे अध्यक्ष, खासदार शरद पवार यांनी केले.

राष्ट्रवादी काँग्रेसचा विजयी संकल्प मेळावा सोमवारी (ता. १) झाला. या वेळी प्रदेशाध्यक्ष जयंत पाटील, विरोधी पक्षनेते धनंजय मुंडे, आमदार जयदत्त क्षीरसागर, बाबासाहेब पाटील, सतीश चव्हाण, विक्रम काळे, रामराव वडकुते, शिवाजीराव पंडित, प्रकाश सोळंके, अमरसिंह पंडित या वेळी उपस्थित होते.

मराठा, मुस्लिम, धनगर, लिंगायत आरक्षणाबाबत सरकार टोलवाटोलवी करीत आहे. राफेलमधून देशाची लूट झाल्याचा गंभीर आरोप करत, ६५० कोटी रुपयांचे विमान १६५० कोटींना का घेतले याचे स्पष्टीकरण द्यावे, चौकशीला सामोरे जावे, खरेदीची कागदपत्रे सादर करावीत, संसदेत उत्तर द्यावे, असे आवाहन श्री. पवार यांनी केले. राफेलबाबत आपण कोणाचेही समर्थन केलेले नाही, असा खुलासा करीत, पुरावे नसल्याने वैयक्तिक आरोप करणार नाही, असे म्हणालो होतो, असे श्री. पवार यांनी सांगितले. पंतप्रधान फक्त मन की बात ऐकवतात. पण बेरोजगार, गृहिणी, अल्पसंख्याक, शेतकऱ्यांचे दुखणे ऐकायला त्यांचे कान बहिरे झाले आहेत. मुस्लिम समाजातील गरिबी, शिक्षणाचा अभाव अशा समस्यांकडे लक्ष देण्याऐवजी धर्माच्या मुद्द्यात सरकार हस्तक्षेप करत आहे, असे श्री. पवार म्हणाले.

या वेळी जयंत पाटील, धनंजय मुंडे, जयदत्त क्षीरसागर, प्रकाश सोळंके, बजरंग सोनवणे, राजेंद्र जगताप, सय्यद सलिम, बाळासाहेब आजबे, अक्षय मुंदडा यांची भाषणे झाली. प्रास्ताविक संदीप क्षीरसागर यांनी केले.
 

इतर ताज्या घडामोडी
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...
कांद्याला पाचशे रुपये अनुदान द्यानाशिक : कांद्याला हमीभाव मिळत नसल्याने...
'प्रकल्पग्रस्त पुनर्वसनात वेळेचा अपव्यय...नाशिक : शासकीय अधिकारी काम कसे करतात, यावरच...
बचत गटांच्या सक्षमीकरणासाठी ‘...मुंबई : राज्यातील महिला सक्षमीकरणाशी निगडित...
वीस वाळू घाटांच्या लिलावाचा मार्ग मोकळाअकोला : मुंबई उच्च न्यायालयाच्या नागपूर खंडपीठाने...
नांदेडमध्ये नाफेडतर्फे तूर खरेदी केंद्र...नांदेड ः केंद्र शासनाच्या आधारभूत किंमत खरेदी...
परभणीत आज शेतकरी सुकाणू समिती बैठकपरभणी : राज्यातील दुष्काळग्रस्त शेतकऱ्यांना मदत,...
सांगली बाजार समितीत हमालांचे आंदोलनसांगली ः कृषी उत्पन्न बाजार समितीतील हमालांनी...
नगर जिल्ह्यात हमी केंद्रांकडे शेतकरी...नगर ः आधारभूत किमतीने मूग, उडीद सोयाबीनची खरेदी...
शिवसेनेकडून जिल्हा परिषदेत नाराजांचे...जळगाव : जिल्हा परिषदेत तीन पंचवार्षिक भाजपसोबत...
शेतकरी मृत्यूप्रकरणी पाथरी बाजारपेठेत...पाथरी, जि. परभणी  : पीककर्जाच्या मागणीसाठी...
अण्णा हजारे यांनी कांदाप्रश्‍नी लक्ष...नगर ः शेतकऱ्यांना एक ते पाच रुपये किलो दराप्रमाणे...