agriculture news in Marathi, Shepherd in problem in drought, Maharashtra | Agrowon

दुष्काळाने शेळ्या-मेंढ्यांची उपासमार
टीम अॅग्रोवन
सोमवार, 13 मे 2019

सांगली : दुष्काळी भागातील आटपाडी, तासगाव, कवठेमहांकाळ आणि जत तालुक्‍यात मोठ्या प्रमाणात शेळ्या-मेंढ्या पाळण्याचा व्यवसाय केला जातो. अलीकडच्या काही वर्षांत पाऊसमान कमी होत चालल्याने वाडवडिलार्जित मेंढपाळ व्यवसाय मोडकळीस येत आहे. यंदा तर फारच बिकट अवस्था झाली असून, चारा-पाणी नसल्याने मेंढ्या कवडीमोल दराने विकण्याची वेळ मेंढपाळांवर आली आहे. त्यामुळे सततच्या दुष्काळाने मेंढपाळ खचत चालला आहे. शेळ्या-मेंढ्यांसाठी स्वतंत्र चारा छावण्या सुरू कराव्यात, अशी मागणी आहे. 

सांगली : दुष्काळी भागातील आटपाडी, तासगाव, कवठेमहांकाळ आणि जत तालुक्‍यात मोठ्या प्रमाणात शेळ्या-मेंढ्या पाळण्याचा व्यवसाय केला जातो. अलीकडच्या काही वर्षांत पाऊसमान कमी होत चालल्याने वाडवडिलार्जित मेंढपाळ व्यवसाय मोडकळीस येत आहे. यंदा तर फारच बिकट अवस्था झाली असून, चारा-पाणी नसल्याने मेंढ्या कवडीमोल दराने विकण्याची वेळ मेंढपाळांवर आली आहे. त्यामुळे सततच्या दुष्काळाने मेंढपाळ खचत चालला आहे. शेळ्या-मेंढ्यांसाठी स्वतंत्र चारा छावण्या सुरू कराव्यात, अशी मागणी आहे. 

जत तालुक्‍यासह आटपाडी, खानापूर, तासगाव, कवठेमहांकाळ तालुक्‍यात सुमारे ६ लाख ३१ हजार ७९८ शेळ्या मेंढ्या आहेत. मेंढीपालन हा व्यवसाय आहे. मोकळे रान अधिक असल्याने मेंढपाळांना पावसाळ्यात चाऱ्याची अजिबात कमतरता पडत नसे. 

इतर वेळीही चारा उपलब्ध होत असे, मात्र अलीकडच्या काही वर्षांत पाऊसमान कमी होत चालल्याने चाऱ्याचा प्रश्‍न निर्माण होत आहे. गेल्या पाच-सहा वर्षांत म्हणावा असा पाऊस झाला नाही, त्यामुळे रब्बी आणि खरीप हंगामात शेतकऱ्यांच्या हाताला काहीच लागले नाही. जनावरांच्या चाऱ्याचाही प्रश्‍न निर्माण झाला आहे. त्यामुळे मोठ्या प्रमाणात चालणारा हा व्यवसाय हळूहळू कमी होत आहे.  चारा-पाणी यांचा बिकट प्रश्‍न होत चालल्याने मेंढपाळांचे जीवन जगणे अवघड होऊन बसले आहे.

गेल्या जूनपासून मोकळ्या रानात चारा उपलब्ध नाही. डोंगरमाथ्यावरील खुरटे गवत सुकून गेले आहे. पाणी नसल्याने झाडेझुडपे सुकून गेली आहेत. झुडपांची पानेसुद्धा वाळून गेली आहेत. झाडाझुडपांवर फक्त वाळलेल्या काटक्‍याच शिल्लक राहिल्या आहेत. त्यामुळे दिवसभर मेंढरं कुठं फिरवून आणायची, असा प्रश्‍न मेंढपाळांपुढे पडला आहे. चारा विकत घेऊन जनावरांना घालायचा आर्थिकदृष्‍ट्या परवडत नाही. 

सध्या मेंढ्या विकून प्रपंच चालवण्याची वेळ आली आहे. त्यामुळे मेंढ्यांच्या कळपातल्या मेंढ्यांची संख्या हळूहळू कमी होऊ लागली आहे. त्यातच गावात, परिसरात काम नाही. त्यामुळे मेंढ्या विकून आणखी किती दिवस जगायचे असा मोठा प्रश्‍न मेंढपाळांना पडला आहे. मेंढ्यांसाठी चारा छावणी सुरू करतील का, असाही सवाल व्यक्त होत आहे. 

शेळ्या-मेंढ्यांची तालुकानिहाय संख्या

तालुका  संख्या
खानापूर ८४,२०३
तासगाव  १,३२,८७७
जत    २,१३,१४२
कवठेमहांकाळ  १,०७,६५९
आटपाडी   ९३९१७

   
    
  

  
 
 

इतर बातम्या
विरोधी पक्षनेता आज ठरणार; पृथ्वीराज...नागपूर ः राधाकृष्ण विखे पाटील यांच्या...
सरकारने शेतकऱ्यांच्या समस्यांत टाकली...नागपूर ः दुष्काळी मदत नाही, कर्जमाफीच्या...
वडगाव येथील पाटबंधारे कार्यालयासमोर...वडगाव निंबाळकर, जि. पुणे  ः नीरा डावा...
पुणे बाजार समितीवर पुन्हा प्रशासकीय...पुणे : विधानसभा निवडणुकांच्या तोंडावर पुणे बाजार...
कृषी निविष्ठांमध्ये हवी मधमाशीपुणे : पीक उत्पादनात अत्यंत मोठा हातभार असलेल्या...
पाण्याअभावी होरपळली तुती; रेशीम उत्पादक...नांदेड : दुष्काळी स्थितीमुळे सिंचनासाठी...
हुमणी नियंत्रणासाठी सातारा कृषी...सातारा  : हुमणी नियंत्रणासाठी कृषी विभागाने...
अमरावती जिल्ह्यातील नदीनाल्यांमध्ये...अमरावती : पावसाचे पाणी जमिनीत मुरून...
राणी सावरगाव येथील चारा छावणीत चौदाशेवर...परभणी  ः दुष्काळी स्थितीमुळे जिल्ह्यात...
येवल्यातील ८० हजारांवर विहिरी कोरड्याठाकयेवला, जि. नाशिक : ब्रिटिशकालीन अवर्षणप्रवण अन्...
धनोली धरणाचे गेट तोडल्याने पाण्याचा...नाशिक   : कळवण तालुक्यातील धनोली येथील...
विषबाधा नियंत्रणाची जबाबदारी आता...यवतमाळ : जिल्ह्यात फवारणीदरम्यान झालेल्या विषबाधा...
उन्हाचा चटका अन् उकाड्यातही वाढपुणे : विदर्भातील चंद्रपूर, ब्रह्मपुरीसह मध्य...
सेंद्रिय, विषमुक्त शेतीचा बांधापर्यंत...पुणे: सेंद्रिय व विषमुक्त शेती तंत्रज्ञानाचा...
SakalSaamExitPolls : कोकणात युतीचीच लाट...यंदाच्या लोकसभा निवडणुकीमध्ये कोकणचा बालेकिल्ला...
SakalSaamExitPolls : मुंबईत भाजप,...सकाळ आणि सामच्या सर्वेक्षणानुसार, - मुबईत युतीला...
SakalSaamExitPolls : मराठवाड्यात युतीला...मराठवाड्यात भाजपला ०३, शिवसेनेला ०२, काँग्रेसला...
SakalSaamExitPolls : उत्तर महाराष्ट्रात...महाराष्ट्रातील उत्तर महाराष्ट्रात भाजपचे 'कमळ' ५...
SakalSaamExitPolls : भाजपच्या...महाराष्ट्रातील विदर्भात काँग्रेसला ३ जागा...
SakalSaamExitPolls : पश्चिम...आघाडीच्या बालेकिल्ला असलेल्या पश्चिम महाराष्ट्रात...