शिवनेरीवर उद्या शिवजन्मोत्सव सोहळा

पुणे : छत्रपती शिवाजी महाराज यांच्या जयंतीनिमित्त शिवनेरी किल्ल्यावर साेमवारी (ता.१९) शिवजन्मसाेहळाचे आयोजन करण्यात आले आहे.  या सोहळ्यास मुख्यमंत्री देवेंद्र फडणवीस यांच्या प्रमुख उपस्थितीत असून किल्ल्यावर विविध कार्यक्रमांचे आयाेजन करण्यात आले आहे. या कार्यक्रमांना विविध मंत्री उपस्थित राहणार आहेत.  सोमवारी (ता. १९) सकाळी किल्ले शिवनेरीवर शिवाईमातेची शासकीय महापूजा विभागीय आयुक्त चंद्रकांत दळवी आणि जिल्हाधिकारी साैरभ राव यांच्या प्रमुख उपस्थितीत हाेणार आहे. यानंतर पालखी मिरवणूक हाेणार असून, मुख्यमंत्री फडणवीस यांच्या प्रमुख उपस्थितीत शिवजन्माचा पारंपारिक साेहळा शिवजन्मस्थळी हाेणार आहे. यानंतर शिवकुंज येथील राजमाता जिजाऊ व बालशिवाजी यांच्या पुतळ्यास पुष्पहार अर्पण करून अभिवादन करण्यात येणार आहे. या कार्यक्रमाला महसूलमंत्री चंद्रकांत पाटील, पालकमंत्री गिरीश बापट, मंत्री विनोद तावडे, पर्यटनमंत्री जयकुमार रावल, मंत्री पंकजा मुंडे, दिलीप कांबळे, विष्णू सावरा, विजय शिवतारे आदींसह खासदार संभाजीराजे भाेसले, खा. उदयनराजे भाेसले, खासदार शिवाजीराव आढळराव, आमदार शिवेंद्रराजे भोसले, आमदार शरद साेनवणे आदी मान्यवर आणि लाेकप्रतिनिधी उपस्थित राहणार आहेत. शिवनेरीवरील कार्यक्रमानंतर जुन्नर येथे सकाळी साडेअकरा वाजता मुख्यमंत्र्यांच्या उपस्थितीत शिवनेरीभूषण पुरस्काराचे वितरण होणार आहे.